Filipi 2:16 - UWONBƆR A GBƆNPƆŊ LIKƆƆNL

¹⁶ ke naah ta limiɛfol a bɔr wɔɔn bi man nin, naah li ŋa man wee n li fir fa ligbingbanl Masiya a jirin daal ke n taguunl nin n baginn kaa gab yɔli.

Uwumbɔr aagbaŋ

¹⁶ ki joo ni Uwumbɔr aabɔr ti tii binib limɔfal na. Ni yaa bi kina kan, le m ga li kpa kipupuk ni pu bundaln Kristo ga gir ni na, ke maah tun lituln linimaln ki tuk nimi Uwumbɔr aabɔr na, naa ye fam.

Filipi 2:16 ပူးပေါင်းရင်းမြစ်များ

Matiu 10:27

Nan wee n bei ni libunbɔnlin nan, amaa ni pag nween nin na, nan mu wee n lɔɔg ki bei ni nan, ni mɔɔn npaan nin na.

Tibɔnyaan ti Luk ŋmee ti na 12:8

“N bei ni le, uninfo wan lig kan min bininfob a nintogil, min Uninfosaal a Big mu na li lig kan u Uwonbɔr a malakam ban,

Jɔnn 6:63

Kinaaŋin le tenn limiɛfol; tigbanann ma be yɔli le. Imɔbon yan wee n pag tenn ni nan ye kinaaŋ le, ki ji ye limiɛfol.

Jɔnn 6:68

Le Simɔnn Piita jiin u ke, “Uyudaan, ti ni yin jo ŋma ban naa? A jɔɔ limiɛfol lan kaa jɔɔ diɛmin a mɔboi le.

Lituln 13:26

Le Pɔɔl ji len ke, “N nabum, nim ban ye Abiraham a yaabili, nin nim ban kaa ye Juu yaab wee ki san Uwonbɔr nan, tim bu le bi ta feegab a bɔrin ki sein.

1 Korenti 1:8

U li ŋmag ni nbamɔm hali nin ndiɛm, wee ni laa nan jɔɔ igalin ti Yudaau Yisa Masiya a jirin daali.

1 Korenti 9:26

Mambu min kaa be ke uninfo wan gu yɔli yɔli n ni, n mu kaa be ke unɔɔkufaar wan far ki lan nni.

2 Korenti 1:14

naah pii biɛ ti wama tiwann man ni, ni na li biɛ ti takpem wee ki fir fa ligbingbanl ti bu, ke ti mu kaah na li jɔɔ ligbingbanfaal ni bu man ti Yudaau Yisa a jirin daalin.

Galantiya 2:2

Uwonbɔr le nan kpiir wɔɔnim ke n jo, ki tan bei bi tibɔŋann tan wee n ti mɔɔn ban kaa ye Juu yaab ban nin. Amaa n nan yin biwonjiɛn sanliibin a binba le ki wɔɔn bi, nan bu-n, n nan san le kaa ban maah tun nan nin bee nan wee n la yin tun nin n gab yɔli.

Galantiya 4:11

N san ni bijawaam le, maah tun nan ki jiin ni paamin nan gab yɔli bu.

Filipi 1:10

wee nin che ni fir ki gann niwann nan ŋan ki be kasi kaa jɔɔ igalin ki nan kpaa Masiya a dan daal,

Filipi 1:6

n jɔɔ tidindann, ki nyi ke Uwonbɔr wan piin itoon ŋan nan nin ni-n, u yin ŋmag ni man le hali nin n-yonn man wee u na yin diɛ itoon ŋan nmɔn, Masiya a jirin daal.

1 Tesalonika 2:19

Ti tama nin ti mɔm ye baa, bee ti nyaŋim a yuchigirig kan wee ti na yin ta kan jilima u Yudaan Yisa ban u jirin daalin ye ki laa? Naa ye nimaa?

1 Tesalonika 3:5

Ni ma bu ni che maah kaa ji nan na li fir ŋmag n ba-n, le n nan tun ke bin nan lig ni yada kaah si man. N nan san bijawaam le ke, nba ke ulinlaril n par lar ni wee ti yaa baginn n gab yɔli.

Hiibru Yaab 4:12

Uwonbɔr a mɔbonl fo le ki tun itoon. Ki ka ki jon ijumɔɔŋ ilee, ki fin jiil uninfosaal ki piir u naaŋ nin u miɛfol, ki kɔɔ for u tugiri nin u kpabi a nsugirim, tibɔr nmɔn le ji feen ki biɛr usaal a sufu a binbem, nin u potiɛl kaah be man.

1 Piita 1:23

Ni ma bu, ni ji kan nmaam jigin na, naa ye biwanboolib ban buri, amaa biwanboolib ban kaa bur, Uwonbɔr a mɔleen yan jɔɔ limiɛfol, ki be iyoo yan kaa jɔɔ diɛmin bu.

1 Jɔnn 1:1

Wan nan be npiinimin, wee ti gbir u bu-n, wee ti num kan win, le ti lig u, hali ki ta ti nɔɔi maa win, uma le ti mɔɔn ki jiin u paam ke u ye limiɛfol a mɔbonl le.

Tibɔkpiirkaan 22:17

Le Kinaaŋ nin ki bɔɔnh nin len ke, “Dan!” Wee ki che wan gbir nlen ke, “Dan!” Nnyunyum jɔɔ wan ke, ni che un dan; le wan ban ke ni che un gaam limiɛfol a nyum sei kaam man ye yɔli.