Filipi 2:15 - UWONBƆR A GBƆNPƆŊ LIKƆƆNL

¹⁵ wee ki laa jɔɔ igalin ni ki li be kasi, ke Uwonbɔr a buwaab ban kaa jɔɔ igalin, naah be dulinya biig kan yaan nin titoonbirdam a sisiigin nin bu, wee ni li nyagin ke iŋmabil yan be kutingbɔŋ nan yaan nin,

Uwumbɔr aagbaŋ

¹⁵ aan ki li ye Uwumbɔr aabim bi kaa kpa taani, kaa kpa ngalm na. Ni bi titunwanbirdam aakaasisik ni la. Ni li bi ke nwiihn na le dulnyaa wee ni ki wiin bikaasisik ni,

Filipi 2:15 ပူးပေါင်းရင်းမြစ်များ

Matiu 10:16

“Ni lig man, n tun ni le, ni yin be le ke ipee kaah be igbingbel a sisiigin man ni. Ni ma bu ni che ni num li ween ke iwaa-n, amaa wee ki li be soon ke ilanjelin.

Matiu 17:17

Le Yisa jiin baan bi ke, “Ni daandaan nan a ninfob a kaa jɔɔ yada ki jɔɔ kuŋmaruŋ nan, n yin ŋa nii ki be ni ban ki yuura? Isaŋ iŋaa wee n li kan limɔril ki sei naa? Ta kibig nmɔn dan do ni.”

Matiu 5:45

wee ni fir ŋa ni Baa wan be paab nan a buwaab, nan bu-n u ma che nween wonn tininfobir nin bininfoŋam bu, ki ji che utaal nu bibuchim nin ban kaa ye bi buchim a timin.

Matiu 5:48

Mambu, ni li be nbamɔm ke ni paab a Baa kaah be man ni.

Tibɔnyaan ti Luk ŋmee ti na 1:6

Zakariya nin u poo biɛn nan ye bininfoŋam le Uwonbɔr ban, ki nɔɔ u kaal nin u siim biɛn.

Tibɔnyaan ti Luk ŋmee ti na 6:35

“Amaa ni li jiɛ ni dataama, ki li tun nan ŋan ki tenn ba, ki li peŋ ba, ki laa tiɛr ke bi li yɔ jiin ni. Ni nyɔɔr na li yab, le ki ji na li ye Uwonbɔr wan be paab nan a buwaab, nan bu-n u ma tun nan ŋan ki tenn ban a num kaa gbee niba nin bipootondam.

Jɔnn 5:35

Jɔnn le nan ye fila kan gaan ki sei ni nwonween, le ni nan gann n-yonn nba ki ji nwonween nmɔn a mɔm.

Lituln 2:40

Le Piita sei bi ikpaan takpem, le ki ji balin bi ke, “Ni fee niba gaba wee ki nyan dulinya nan a ŋmaruŋ nan yaan na.”

Lituln 20:30

N-yonn chaan le ni ni biba mu na li nya ni tɔɔl a gbanann nin, ki por tibɔkar ki jiin ibamɔn a wɔɔnimin paam, ki lar biwonjiɛm ki che bin nɔɔ bi.

Rom Yaab 16:19

Bininfob biɛn gbir limɔcheel lan wee ni jɔɔ-n buu, ni bu che ni mɔm le takpem ni bu; amaa n ban ni che ni num li ween le niwann nan ŋan bu, wee ki laa che ni nɔɔ be titoonbirin ni.

1 Korenti 1:8

U li ŋmag ni nbamɔm hali nin ndiɛm, wee ni laa nan jɔɔ igalin ti Yudaau Yisa Masiya a jirin daali.

2 Korenti 6:17

“Man bu ni nya bi ban na, ki li jɔɔ nbɔgirim, Uyudaan le len man. Ni laa maa niwann nan ye tijaginn ni, wee N gaa ni.”

Efesusi 5:27

naah li ŋa man wee un ta biwonjiɛm a laguŋ kan nyaginin ki sei u baa, wee tijaginn tiba laa sal bi ni bee bi laa jɔɔ tijaginn ni bee igalin iba, amaa wee ki li be kasi ki laa jɔɔ igalin ni.

Filipi 1:10

wee nin che ni fir ki gann niwann nan ŋan ki be kasi kaa jɔɔ igalin ki nan kpaa Masiya a dan daal,

Filipi 3:6

ni ye nsiim nmɔn a ŋmagim a nunmanl bu ke, n nan mugir biwonjiɛm a laguŋ; ni ye nbuchin binben nin limɔcheel ki tenn nsiimin ke, maa jɔɔ igalin ni.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

1 Timoti 3:10

Ni kpaa le nin bin mag bititerib nmɔn a binbem ki lig, ni ye baa jɔɔ igalin ke, bin jiɛn bi wee bin ŋa bititerib.

1 Timoti 3:2

Ni ma bu naa kpaan nin uwonjiɛn sanliir li jɔɔ igalin ni. Ni kpaan u li jɔɔ upii uba le kpeŋileŋ, ki laa jɔɔ kiŋuufiiŋi ki ye wan li fir ŋmag uba nbamɔm, ki li ye wan wee bininfob tenn u jilima, ki li ye wan gaan bicham, ki li ye wan li fir wɔɔnn,

1 Timoti 5:14

Ni bu n kpaan bipiisapɔm ban ye ipukɔɔ nbiɛn le ke bin kum bijab, ki maa nbuwaab, ki li lig bi niin nbamɔm wee ki laa che kidataagin n kan npaan ki ŋa kutingbiigin.

1 Timoti 5:20

Ban tun tibir ke, a fuun bi bu kubabugin na, wee ban gurin n kan ikpaan.

1 Timoti 5:7

Ta nwɔɔm nan ki wɔɔn bininfob nmɔn na, wee bi laa jɔɔ igalin ni.

Taitus 1:6

Naa ŋan nin uninkpel li jɔɔ igalin ni, u li ye wan jɔɔ upii uba kpeŋileŋ, le u buwaab mu li ye ban jɔɔ yada, ki laa ye tukangbirdami.

Taitus 2:10

ki laa su bi wan yɔɔri, amaa wee ki wɔɔn ke bi sin ye ban wee bi li ŋa bi yada le, wee niwann biɛn nin bin che Uwonbɔr wan ye ti feeru win a wɔɔmin li jɔɔ kɔlisa.

Taitus 2:15

Ni niɛ nan le ye nan wee a li wɔɔn bi. Ki li jɔɔ npɔɔn man wee bi ta seiŋin biɛn ki pɔɔg bi gbanann ki li kpaan bi. Ki laa che uba nlig ziɛŋi.

Hiibru Yaab 7:26

Biminmanib a yudaau nmɔn le tenn ti taah ban nan, ki ye wan be kasi, kaa jɔɔ igalin ni, kaa jɔɔ tijaginn ni, le Uwonbɔr che u be u binba kaa ŋmar nin tibirdamin ni, ki don u yinl ki jon ban biɛn be paab a naamin yaan.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

2 Piita 3:14

Ni ma bu n jɔtiib, naah guu ni niɛ nan bu, ni pɔɔn niba ki li jɔɔ kasi a binbem wee ki laa jɔɔ igalin Uwonbɔr ban ni, wee ki li jɔɔ nposɔɔn nin Uwonbɔr.

Tibɔkpiirkaan 2:5

Ni tiɛrim naah nan nyan nan fɔg man wee ki nan lunn! Ni kpenn ni binbema wee ki li tun ke naah nan tun man chinchinn nin na. Ni ye naa kpenn ke, n li dan ki nan yuur ni salima a filaam a tutɔɔnbolin kisisibol.

Tibɔkpiirkaan 3:9

N li ŋa ban be Sintani a jiɛndiigin, wee ki ke bi ye Juu yaab amaa wee kaa sin ye Juu yaabin, ki ye bilinlaribin, n li che bin dan ki nan gbaan ni taatum ki tiɛr ke n jiɛ ni.