Filipi 2:12 - UWONBƆR A GBƆNPƆŊ LIKƆƆNL

¹² Ni ma bu n jɔtiib, naah jɔɔ limɔcheel n-yonn man wee n be ni ban nin, ni le li jɔɔ limɔcheel nmɔn n-yonn man wee maa nan be ni ban na, ni tugir ki li tun ke bininfob ban kan nŋmarimin ki li san bijawaam ki li jegila.

Uwumbɔr aagbaŋ

¹² Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

Filipi 2:12 ပူးပေါင်းရင်းမြစ်များ

Matiu 11:12

Naah nyan Jɔnn Wan nan Fu Bininfob Uwonbɔr a Nyunfulin a yonn ki nan kpaa daandaan nan, paab a naamin yabirig le nin ikɔn, le ban kɔnn nnaam nmɔn choo mi ki ŋmag.

Matiu 11:29

Ta n daagin ki paan a ba bu, wee ki tinn n ban, nan bu-n n ye jiininbadaan le ki jɔɔ jiininba n sufu ni, wee ni naam nkan lifooril.

Lituln 16:29

Le uloondiiguurin ke bin sei nŋmi ni, le ki guun kɔɔ weem ki jegil, ki tan gbaan tum Pɔɔl nin Silasi a nintogil.

Lituln 9:6

Daandaan nan fiim ki li chaa kitiŋ nmɔn yaan na, bi li beiŋ nan kpaa talar wee a ŋa.”

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

1 Korenti 2:3

N nan dan ni ban nin idaburig, le bijawaam jɔɔm le n gbanann jegil.

1 Korenti 4:14

Maa sɔb ni niɛ ke n jin ni ifa le, amaa n kpaan ni le, naah ye nbibankaam nbu.

2 Korenti 7:15

Waah ban ni man u sufu nni, mann kpiɛg le, ni ye u nan tiɛr ni biɛn kaah jɔɔ limɔcheel ki tenn u man ke, nin naah nan gaa u ki san u bijawaam ki jegil man.

Efesusi 6:5

Biyom, ni li jɔɔ limɔcheel nin jilima ki tenn ni dulinya a yudam ki li san bi bijawaam, ki li tun itoon ki tenn bi nin ni sufu biɛn, ke naah bi li jɔɔ limɔcheel ki tenn Masiya man nin.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Filipi 1:29

Uwonbɔr pii sei ni nsan ke ni li tun tenn Masiya wee ni laa pa ye naah ŋa u yada n yaa binba, amaa ke ni ji fala mu u bu.

Filipi 1:5

nan bu-n naah terim man tibɔŋann nmɔn a toon yin npiinim ki nan kpaa daandaan nan,

Filipi 1:6

n jɔɔ tidindann, ki nyi ke Uwonbɔr wan piin itoon ŋan nan nin ni-n, u yin ŋmag ni man le hali nin n-yonn man wee u na yin diɛ itoon ŋan nmɔn, Masiya a jirin daal.

Filipi 2:19

N jɔɔ tama ke ni ye Uyudaan Yisa chee ke n li tun Timoti wee un dan ni ban weem, n mu bi li kan ngbananpɔɔn ni ye n gbir ni bu ke.

Filipi 4:1

Ni ma bu n nabum, nim ban wee n ban wee ki yuur ni kam nan, nim li ye n mɔm nin n naan yuchigirig, njɔtiib, ni ma bu le ni kpaan ni mann sir nbamɔm Uyudaan a samin!

Filipi 4:15

Nan kpiɛ ni bu, nim Filipi yaab nyi, maah nan nyan Masedoniya, n-yonn man nan jon wee n nan chonn mɔɔn tibɔŋannin nin, biwonjiɛm a laguŋ kiba kaa la nyi ki terim niba nseimin nin ngamin ni, see nim a binba;

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

2 Timoti 2:10

Mambu le n pɔɔn nba niwann biɛn nin Uwonbɔr a ninfob gannkaab nbu, ke bi mu n kan nŋmarim man be Masiya nin, nin jilima kan kaa jɔɔ ndiɛmin.

Hiibru Yaab 12:1

Mambu taah jɔɔ siɛradam takpem ban gɔɔn jin ti nan, ni che ti ta nan biɛn li legin ti samin ki gab nin tibir tan fir chor ti-n, ni che ti nyigin ki guun ti taguunl lan dɔ guu ti nan.

Hiibru Yaab 4:1

Mambu, Uwonbɔr kaah siin limɔsiinl ke U li sei ti lifooril lan nin kaah la si nbu, ni che ti choo tiba wee uba laa nan lann lifooril nmɔn ni.

Hiibru Yaab 4:11

Ni ma bu, ni che ti pɔɔn tiba wee ki kɔɔ lifooril nmɔn yaan, wee ti ni uba laa nɔɔ limɔyiil a sam ki nan lu.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

1 Piita 2:11

N jɔtiib, n balin ni le, naah kaa ye dulinya nan yaab wee ki sin be dulinya nan ki ye bichamin, ni jiɛn titoonbir a kɔlisau, tan kɔnn nin ni naamin.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.