Efesusi 5:3 - UWONBƆR A GBƆNPƆŊ LIKƆƆNL

³ Amaa ni laa che ti gbir iwanchɔgin toon lipiibanlin bee lijabanlin a wama ni sisiigin ni, bee ki laa tun tijaginn a toon iba, bee kujaŋuuŋ, nan bu-n naa ŋan nin Uwonbɔr a Kasi a ninfob li be man ni.

Uwumbɔr aagbaŋ

³ Naah ye Uwumbɔr aanib na, ni taa gɔr kidagook, ki taa tun tijɔŋ aatuln libaa, ki taa li kpa iniman. Ni taa po len lituln limina aaboln aabɔr.

Efesusi 5:3 ပူးပေါင်းရင်းမြစ်များ

Matiu 15:19

Uninfo a sufu ni le tipotiɛbir, nin lininfokul, nin iwanchɔgin toon, nin lipiibanl nin lijabanl, nin nnaayigim, nin tibɔkar a siɛra, nin kutingbiig nya.

Tibɔnyaan ti Luk ŋmee ti na 12:15

Mambu le Yisa nan mann pag kuninfogbaluŋin yaan ke, “Ni li nyi kujaŋuuŋ bu man, naa ye njɔɔm takpem bu li yin che uninfo nkan limiɛl lan kaa jɔɔ ndiɛmi.”

Tibɔnyaan ti Luk ŋmee ti na 16:14

Le Farasii yaab, ban ban ilig takpem nan gbir Yisa kaah len man ni, le ki laa u.

Lituln 15:20

Amaa ti li sɔb kugbɔŋ le ki sei bi, ki bei bi wee bi laa ji ibawol a jiiri, ki laa tun iwanchɔgin toon lipiibanlin bee lijabanlin ni, ki laa ŋma kuwankobug kan wee bi ŋmaan ŋmaan ki ku a nann ni, ki laa ji nchami.

Lituln 20:33

Maah nan be ni ban nin, maa nan ban uba a kurninann ni bee salima kaa ban uba a wanyeewaŋi.

Rom Yaab 1:29

Bi sufu gbee nin npooton a booli le, nin titoonbir nin kujaŋuuŋ nin nan kaa jɔɔ bu. Bi gbee nin linunchɔril le, nin lininfo kul, ki kɔnn nin tab, ki lar tab, ki nan tab. Bi ye bi bɔɔn sub le,

Rom Yaab 16:2

N bei ni le ke u dan ke ni gaam u ke naah kpaan Uyudaan a ninfob li gaan bi tab man Uyudaan a yinl bu, wee ki ter u waah li ban literil lan ni ban, nan bu-n u ter bininfob takpem pam, nin min gbaa tɔɔl.

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

1 Korenti 10:8

Ti laa tun iwanjaab toon ke bi ni bibam kaah nan tun man nni, wee weemba daal bininfob turpilee nin bita nan kpo nni.

1 Korenti 5:1

Ni ye ibamɔn le ke iwanjaab toon be ni sisiigin, nan wee ban kaa ye biwonjiɛm kaa li chee tun ni: N gbir ke uba be do ki dɔɔ nin u baa a poo.

1 Korenti 6:13

“Tijiir ye lipool yaal le, le lipool ye tijiir yaan.” Ni ye ibamɔn le, amaa Uwonbɔr li bii niwann nilee nmɔn biɛn. Tigbanann kaa ye nan wee ti li jɔɔ tun iwanjaab toon ni, amaa ti ye Uyudaan yaan le, le Uyudaan mu ye tigbanann.

1 Korenti 6:18

Ni guun nya iwanjaab toon nin na man. Tibir tan biɛn wee uninfosaal tun kaa be u gbanann ni, amaa wan tun iwanjaab toon ke, u tun ki bii u tɔɔl a gbanann le.

2 Korenti 12:21

N san bijawaam le ni ye n ji jirin ni ban ke Uwonbɔr li seim jiininba ni nintogil, n na li jɔɔ lisufubiil nin ban tun tibir wee kaa la kpenn bi binbemin ki nyan tijaginn nin iwanjaab toon nin nwanchɔgin binben, ni ma nin ye bi tooi.

Efesusi 5:12

Ni ye ifa le nin uninfo n pag limɔyiildaan nmɔn kaah woog ki tun nan a bɔr.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

1 Tesalonika 4:3

Ni ye Uwonbɔr a bam le ke ni li be kasi wee ki nyan ni ba iwanchɔgin toon nin ni jabanlin bee ni piibanlin;

1 Tesalonika 4:7

Uwonbɔr kaa yin ti ke ti li jɔɔ tijaginn ni, amaa ke ti li jɔɔ kasi a binbem.

1 Timoti 2:10

amaa wee ki li tun nan ŋan na, ni ma ŋan ki sei bipiib ban ke bi jiɛn Uwonbɔr.

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 6:10

Lilig banl ye titoonbir biɛn a sibonl le. Bininfob ban ban ilig ki tan lagir nmɔn a yada bora, le bi sufu nin gbee nin npoobiin takpem.

2 Timoti 3:2

Bininfob na yin jiɛ bi ba le, ki ye ban ban ilig, nin ligbingbanfaal, nin kalanbaani, ki sugir bininfob, kaa ji li gbir sei bi baam nin bi nami, ki li ye ban kaa jɔɔ linungbeeli nin ban kaa jɔɔ kasi a binbem,

Taitus 1:11

Ni kpaa talar le nin bin ŋmin, nan bu-n bi choon kɔɔ bininfob biɛn a niin yin le ki wɔɔn nwɔɔm man kaa kpaan nin bi li wɔɔn ni, bi wɔɔn man ki ban tinyɔɔr tan kaa jɔɔ jilima le.

Taitus 1:7

Nibu, uwonjiɛn sanliir kaah ŋmag Uwonbɔr a toon yin ni, naa ŋan nin u li jɔɔ igalin bee ki mugir u tabi, ki laa ye wan a ŋuul fii yɔli yɔli, ki laa ye udanyugbeeri, ki laa ye ukɔnban bee ki laa ban tinyɔɔr tan kaa jɔɔ jilima.

Taitus 2:3

Man mu jigin, wɔɔn bipiininkpeeb wee bi li jɔɔ jilima bi binbemin, ki laa ye bitingbiibi, ki laa ye bidanyubi, amaa wee ki li wɔɔn nan ŋan.

Hiibru Yaab 12:16

Ni laa che ni ni uba n tun iwanchɔgin toon upiibanlin bee ujabanlin ni, bee kaa jɔɔ nwonjiɛn binben ke Esɔɔ, wan nan kɔɔr u ninkper a faal kisaayiig kiba bu nni.

1 Piita 5:2

Ni li kpaa Uwonbɔr a peei yan wee u taa ŋa ni nɔɔn nin na, ki li tun ke uwonjiɛn sanliira wee ni laa ye bi mug ni le amaa ni tɔɔl a bam bu, ke Uwonbɔr kaah ban ni li be man nin; kaa ye ilig a bam bu, amaa ki li ye ban ŋa sili nin ni tun;

2 Piita 2:10

Ni niɛ nan sin ye ibamɔn le ki jann tɔɔ ban nɔɔ kuŋmaruŋ kan ye bi gbanann a bamin ziɛn tininkper a pɔɔma. Bi ye ban jɔɔ ipoobil le nin ban jɔɔ kalanbaani, baa san bijawaam nin bin ŋa kutingbiig nin paab a wann naan wann tan fo;

2 Piita 2:14

Bi num gbee iwanchɔgin toon le, baa jiɛn tibir a tumi; le ki lar ban kaa si bogiliba-n; ki ye ban nyi kujaŋuuŋ a toon, limɔpool be bi bu!

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

Tibɔkpiirkaan 2:14

Ni biɛn yɔli, n jɔɔ tiwann wama nan che n galin ni: Ni jɔɔ bininfob biba be ni ban ki ŋmag Balaam a wɔɔmin, wan nan tinn Balag waah li ŋa man wee Iziral yaab n tun tibir ki ŋman tibawonann, ki li tun iwanchɔgin toon.

Tibɔkpiirkaan 2:21

N sei u isaŋ ke un kpenn u wanchɔgin toon nmɔn na, amaa le waa ban man ni.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.

Tibɔkpiirkaan 9:21

Le kaa chee kpenn bi binben ki jiɛn lininfokuli, nin inyɔg a toon, nin iwanchɔgin toon, nin nnaayigimin.