2 Timoti 4:8 - UWONBƆR A GBƆNPƆŊ LIKƆƆNL

⁸ Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Uwumbɔr aagbaŋ

⁸ le Uwumbɔr len ke maabɔr ŋan, ki di tinyoor bil kiir mi paacham. Tidindaan u ji binib tibɔr mbamɔm na, le ga ti di tinyoor ngbaan tii mi bundaln u ga gir ni na. Naa ye mi baanja le u ga tii. U ga tii binib bimɔk gee u ki ban ke u ki gir ni na.

2 Timoti 4:8 ပူးပေါင်းရင်းမြစ်များ

Matiu 24:36

“Uba kaa nyi ki jiin lidaal bee n-yonn nmɔn ni, hali malakam ban be paab bee Bija-n tɔɔl kaa nyi, amaa Baa-n a binba le nyi.

Matiu 7:22

Lidaal nmɔn nan foo ke, bininfob takpem na yin yim le ki ke, ‘Uyudaan, Uyudaan, taa nan pag ilinlen leen a yinl buu? Naa ye a yinl bu le ti nan nyan nnaanbiim bininfobin, ki ji tun ligaril a toon yin naa?’

Tibɔnyaan ti Luk ŋmee ti na 10:12

N bei ni le, lidaal nmɔn Sodom yaab yaal na li sɔ kitiŋ nmɔn a ninfob yaal.

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

Rom Yaab 8:23

Naa ye ni yaa binba, amaa tim ban wee Uwonbɔr chinn sei ti U Kasi a Naaŋin a looi yin tɔɔl dun le ti sufu ni ki guu n-yonn man wee Uwonbɔr na yin ta ti kpann U tɔɔl a buwaab, ki sei ti nkpenim a manug ti gbanann nin.

1 Korenti 2:9

Ke naah sɔb Uwonbɔr a gbɔŋin ke, “Linunbil kaa kan ni, Litul mu kaa gbiri, le uninfosaal a sufu mu kaa nyi, nan wee Uwonbɔr ŋa ni sili ki guun ban ban win ni.”

1 Korenti 3:13

u toonl nmɔn li wɔɔn liba la ye lan, nan bu-n Yisa a jirin daal nŋmi li na yin kpiir li ki mag uninfo biɛn a toonl ki lig li ŋam kaah ye man.

1 Korenti 9:25

Bitaaguum biɛn ŋmag biba le ntinnim biɛn ni. Bi ŋaan man ki ban bin gaa tiyɔr tan kaa yuur le, amaa tim ŋaan man ki ban ti ga tiyɔr tan yuur kaa jɔɔ ndiɛm le.

2 Korenti 5:2

Ni bu ti nin jegil le ki guu lidaal lan wee Uwonbɔr naah li ta ti ki kɔɔn iniin nmɔn yaan.

Filipi 3:11

ni ye niwann biɛn ke, n na li kan nkum a fiim.

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

1 Tesalonika 1:10

ki li guu U bija wan yin nyann papaab ki dan nin, wan wee U fiin nkumin nin, Uma ye Yisa wan nyan ti Uwonbɔr a ŋuufiiŋ kan chaan nin yaan.

1 Tesalonika 5:4

Amaa nim, n nabum nan ma, naa be libunbɔnlin ni, mambu ni laa che lidaal nmɔn n nan lir ni ke unaayig a dan ni.

2 Tesalonika 2:8

Le limɔyiildaan nmɔn n nin kpiirin, wan wee Uyudaan Yisa na yin foor u mɔb a faam ki ku u, u dan daal nmɔn u na li bii limɔyiildaan nmɔn.

1 Timoti 6:19

Bi ŋa man ke, bi li bil lifaal ki sei biba lan ye lifiɛl lan pɔɔ ki guu n-yonn man chaan nan, wee bin nan fir kan limiɛfol lan ye ibamɔn a miɛfol.

2 Timoti 1:10

amaa daandaan nan ni kpiir ki wɔɔn ta, ti feegab daan Masiya wan degirin ti bu-n bu, wan nyaŋ nkum wee ki che limiɛfol nin tigbanann tan kaa kpegin nɔɔ tibɔŋann bu ki dan nin.

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

2 Timoti 1:18

Ti yudaau n san u kunyunyunbaag u jirin daal! A baantɔɔl nyi waah nan terim Efesusi a tiŋin man.

2 Timoti 2:5

Man mu le ni ye ki sei utaaguun, waa li fir kan nnyaŋim a yuchigirigi see ke u nɔɔ litaguunl a siim kaah ye man.

2 Timoti 4:1

Uwonbɔr a nintogil nin Masiya wan na yin ji ban fo nin ban kpo a bɔr, wee ti lig waah na yin degirin nin u naamin, le n kpaaniŋ nan:

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 12:11

Ikpaan a yoo kaa jɔɔ nmɔni, amaa ni ye nton le. Ni bɔɔn bu ke, le nim ban mu tinn nmɔn nkan nbuchin binben nin nposɔɔn.

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

1 Piita 1:4

ki sei ti lifaal lan kaa li nyi buri, bee ki bii bee ki wiiri. Le li be paab ki guu nim,

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.

Tibɔkpiirkaan 1:7

Lig, u be titalangbann nin ki chaan, le nnumbim biɛn na li kan u; hali nin ban nan ŋu win li kan u; le dulinya yaab biɛn na li mɔɔ u bu. Ni sin li ŋa man! Ibamɔn.

Tibɔkpiirkaan 19:11

Le n nan kan paab kaah loor, le utanpeen si niin n nintogil, le wan jig ki a yinl ye yada daan nin ibamɔn. Le u ji tibɔr nin tibuchinn, ki tog bitɔb.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 22:20

Wan jin ni niɛ nan biɛn a siɛra len ke, “Nn, n chaan le daandaan nan.” Ibamɔn. Dan, Uyudaan Yisa.

Tibɔkpiirkaan 4:10

bininkpeeb pilee nin bina-n lur wan ka kunaangbɔŋin bu n yaa taatum le, ki jiɛn uma wan be wee kaa jɔɔ diɛmin. Bi chigir bi naam a yuchigirim le bil kunaangbɔŋin yaan ki len ke:

Tibɔkpiirkaan 4:4

Le tinaangbann pilee nin tina nan gɔɔn kunaangbɔŋ nmɔn, le bininkpeeb pilee nin bina nan ka ti bu. Bi nan yee tiwann penn le ki chig salima a naam a yuchigirim bi yuli bu.