2 Timoti 3:5 - UWONBƆR A GBƆNPƆŊ LIKƆƆNL

⁵ bi na yin jɔɔ nwonjiɛn binben le tigbanann nin, amaa le ki sin yii liwonjiɛnl a pɔɔm. Ni laa che nim nin bi ma jɔɔ nɔɔ nin tabi.

Uwumbɔr aagbaŋ

⁵ Bi ga li ŋmanni ke bi dii Uwumbɔr aasan, ki ga lann Uwumbɔr aapɔɔn. Aa taa dii binib ngbaan.

2 Timoti 3:5 ပူးပေါင်းရင်းမြစ်များ

Matiu 7:15

“Ni li nyi tibɔkar a linlem nan bu, ban chaan ni ban ki nann ipee, wee ki sin ye igbingbel bamɔn nan.

Efesusi 4:14

Taa ji yin ye nbuwaab tirimi, wee bilinlarib a wɔɔnimin li jɔɔ ti ki yeŋ ke kubulunkpoŋ kan wee kunyungbɔŋ daar ki yeŋ chaa kaah ban nan paami.

2 Tesalonika 3:14

Ni ye uba kaa chee ti wɔɔnim man be kugbɔŋ nan yaan nan ke, ni li mann nyi u bu ki laa che ni baga be u ni, wee ifa n choo u.

2 Tesalonika 3:6

Uyudaan Yisa Masiya a yinl bu, le ti bei ni ke, n nabum, ni nyan ni num ki sin jiɛn n nabum man biɛn san ligbanyagil kaa be taah wɔɔn bi ke bi li be man nni.

1 Timoti 4:7

Laa nɔɔ ban kaa ye biwonjiɛmin a teeni nin tinaakpabɔri, pɔɔn a ba ki li jɔɔ nwonjiɛn binben.

1 Timoti 4:8

Tigbanann a tunim jɔɔ tinyɔɔr ti ba ti ni, amaa nwonjiɛn binben jɔɔ tinyɔɔr niwann biɛn ni, ki ŋmag limɔsiinl lan tun daandaan nan nin iyoo yan la chaan nin.

1 Timoti 5:8

Ni ye wan kaa ter u maali, nin naah jann tɔɔ ban bu u tɔɔl a niin yaab ke, u yaa daan kaa ji ŋa yada le nmɔn, ni bu u bir ki jon wan kaa ye uwonjiɛn na

1 Timoti 6:5

ki far limɔkpel nin bininfob ban tiɛr tipotiɛbir bi sufu-n nin, bi lann bibamɔn le ki nyi ke liwonjiɛnl ye njɔɔm a wan le.

2 Timoti 2:16

Nyam a ba tibɔr tan kaa kpaan nin uwonjiɛn li pag n-yaan, nan bu-n bininfob ban be man nmɔn a bol mann fɔbig le nin Uwonbɔr.

2 Timoti 2:23

Nyam a nɔɔ ijɔrig nin nlinliim a mɔkpel faalin na, nan bu-n a nyi ke ni jɔɔ ikɔn le chaan.

Taitus 1:16

Bi len ke bi nyi Uwonbɔr, amaa le bi toon yin wɔɔn ke bi yii wa. Uwonbɔr nan bi binbem nmɔn. Bi ye tukangbirdam le kaa li fir tun litoon ŋanli.

Taitus 3:10

A kpaan kumabiyiɛrugdaan taaliba bee itaa ilee wee waa kpenn ke, a nyam udaan a bɔrin ki laa ji kan u ki kpiɛ ni kanlin ni.