2 Timoti 3:2 - UWONBƆR A GBƆNPƆŊ LIKƆƆNL

² Bininfob na yin jiɛ bi ba le, ki ye ban ban ilig, nin ligbingbanfaal, nin kalanbaani, ki sugir bininfob, kaa ji li gbir sei bi baam nin bi nami, ki li ye ban kaa jɔɔ linungbeeli nin ban kaa jɔɔ kasi a binbem,

Uwumbɔr aagbaŋ

² Ba pu? binib ga li ye bikumɔndam. Binimbil ga li man ŋimombil pu. Bi ga li kpa kipupuk, ki li kpa kigaak, ki li seei binib. Baan li pak bite ni bina, kaan li nyi idoon, kaan li pak Uwumbɔr,

2 Timoti 3:2 ပူးပေါင်းရင်းမြစ်များ

Matiu 15:6

naa ji ye limugil nin un sei u baa niba. Naah tun man nan, ni ma wɔɔn ke naa ŋmag Uwonbɔr a siimin ni, ni yaaja kaalin bu.

Tibɔnyaan ti Luk ŋmee ti na 12:15

Mambu le Yisa nan mann pag kuninfogbaluŋin yaan ke, “Ni li nyi kujaŋuuŋ bu man, naa ye njɔɔm takpem bu li yin che uninfo nkan limiɛl lan kaa jɔɔ ndiɛmi.”

Tibɔnyaan ti Luk ŋmee ti na 16:14

Le Farasii yaab, ban ban ilig takpem nan gbir Yisa kaah len man ni, le ki laa u.

Tibɔnyaan ti Luk ŋmee ti na 6:35

“Amaa ni li jiɛ ni dataama, ki li tun nan ŋan ki tenn ba, ki li peŋ ba, ki laa tiɛr ke bi li yɔ jiin ni. Ni nyɔɔr na li yab, le ki ji na li ye Uwonbɔr wan be paab nan a buwaab, nan bu-n u ma tun nan ŋan ki tenn ban a num kaa gbee niba nin bipootondam.

Lituln 5:36

Iyoo yan nan jon nin, Tiudiɛ nan wɔɔn u ba le ke u ye lininfo takpenl le, le bijab kobina nan nɔɔ u bɔɔn, amaa baah nan nan ku win, u bɔɔnɔɔbin biɛn nan worin na, le ni biɛn ŋa yɔli.

Rom Yaab 11:18

ni laa far igbingban ibon nmɔn bu. Ni ye ni far igbingban ibon nmɔn bu ke, ni li nyi ke: Nim ban ye ibon nin kaa ter lisibonlin ni, amaa lisibonlin li ter ni.

2 Korenti 5:15

Bininfob biɛn bu le u nan kpo, ke ban fo-n la ji be bi ba bu, amaa ki li be ke wan nan gaa bininfob biɛn a kum ki kpo ki ji fiin nkumin ni.

Filipi 2:21

Ban gurin biɛn a baga be bi baantɔɔl a toon yin le, naa ye Yisa Masiya a toon yin ni.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

2 Tesalonika 2:4

Waa yin chee sei iween yan wee bi jiɛn nni, le ki sin yuur uba paab ki jo iween nmɔn, le ki ta uba ki siin Uwonbɔr a binbebol ki ke u ye Uwonbɔr le.

1 Timoti 1:20

Bi ma ye Hamenasi nin Alɛgzanda, ban wee n ta bi ŋubin Sintani a nɔɔn ke un dar bi tul wee bin jiɛn Uwonbɔr a sugir.

1 Timoti 1:9

Ti ji nyi nsiimin kaah kaa siin sei ban ye bibuchimi, amaa ban ye tukangbirdam, nin ban kaa san Uwonbɔr, nin tibirdam, nin tijagindam nin ban galin Uwonbɔr, nin ban ku bi baam, nin ban ku bi nam nin bininfokub,

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 6:10

Lilig banl ye titoonbir biɛn a sibonl le. Bininfob ban ban ilig ki tan lagir nmɔn a yada bora, le bi sufu nin gbee nin npoobiin takpem.

1 Timoti 6:4

u ye kalanbaanidaan wan donn uba le kaa sin nyi niba. Ki ji ye wan a mɔsanyum sɔɔn, nin wan a sufu be limɔkpel a famin nin tibɔyɔɔr a pagimin, nin lipiiponl lan jɔɔ nbɔgirim chaan ki che taa nyi ki biɛn tab,

2 Timoti 3:4

bi na li nya tab a bɔɔn, ki ye ban kaa tiɛri, ki donn biba, bi na yin ban dulinya nan a wann ŋann le ki jon Uwonbɔr,

Jemisi 2:8

Ni ye a ŋmag nnaam a siim man be Uwonbɔr a mɔleen yin nin ki ke, “Li jiɛ a kunkɔɔn taba ke ŋaah ban a ba man nin,” ke a ŋa man ke a ŋa choba.

Jemisi 4:16

Ke naah ye man nin, ni far igbingban le ki jɔɔ kalanbaani, ni gbingbanfaal nmɔn ye yɔli le.

Jemisi 4:6

Amaa le u san ti kunyunyunbaag takpem. Mambu le Uwonbɔr a bɔr len ke, “Uwonbɔr yiin kalanbaanidam le, amaa le ki sin san ban jɔɔ jiininba kunyunyunbaag.

1 Piita 5:5

Binaachipɔm, man mu li ye ni, ni li jɔɔ limɔcheel ki tenn ban jon ni. Ni biɛn, ni ta jiininba ke tiwann yɔɔr tan wɔɔn ke ni jɔɔ jiininba ki sei tab, nan bu-n, “Uwonbɔr yiin kalanbaanidam le, amaa le ki san jiininbadam kunyunyunbaag.”

2 Piita 2:10

Ni niɛ nan sin ye ibamɔn le ki jann tɔɔ ban nɔɔ kuŋmaruŋ kan ye bi gbanann a bamin ziɛn tininkper a pɔɔma. Bi ye ban jɔɔ ipoobil le nin ban jɔɔ kalanbaani, baa san bijawaam nin bin ŋa kutingbiig nin paab a wann naan wann tan fo;

2 Piita 2:12

Amaa bilinlarib nan, bi wɔɔn biba le ki sugir tibɔr tan biɛn wee baa nyi ti taai. Bi nann kulɔŋ a wankor le, tiwann naan wann tan kaa nyi niba, tan be wee bi nan chor tan kɔr, bi na li kpo ke tiwankorin.

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

Juud 1:16

Bininfob nmɔn ŋulin le ki ban bitab a galin; bi nɔɔ bi baantɔɔl a gbanann a kɔlisa; ki far bi tɔɔl a gbingban ki jɔɔ nmɔmɔn nin bininfob bi tɔɔl a nyɔɔr bu.

Tibɔkpiirkaan 13:1

Le kutunwiɛŋ nan sir limɔgil a dool. Le n kan kuwanbiig kaah chaa nyan limɔgilin. Ku nan jɔɔ iyinh piig le nin iyul ilile, ki chig nnaam a yuchigirim piig u yin bu, le iyin yan sugir Uwonbɔr nan sɔb paa u yuli nmɔn biɛn bu.

Tibɔkpiirkaan 16:11

le ki sugir Uwonbɔr wan be paab naah wu bin nin bi biɛi nbu, amaa le kaa chee bin kpenn bi binbem nan wee bi tun nin bu.

Tibɔkpiirkaan 16:21

Le itanyunbɔl gbingbem nyann kitilangbɔŋin ki kpiɛg ke linaalin, ki nan lur bininfob bu. Le bi poog imɔɔŋ ki jaar Uwonbɔr waah che limagil lan lur bi bu-n bu, nan bu-n limagil nmɔn nan bir pam.

Tibɔkpiirkaan 16:9

Nŋmi-n a tuntoŋ nan kɔɔ bi takpem pam, hali ke bi nan sugir Uwonbɔr wan jɔɔ limagil a pɔɔmin a yinl, amaa bi le nan yii le kaa kpenn bi binbem ki pag wi.