2 Timoti 2:5 - UWONBƆR A GBƆNPƆŊ LIKƆƆNL

⁵ Man mu le ni ye ki sei utaaguun, waa li fir kan nnyaŋim a yuchigirigi see ke u nɔɔ litaguunl a siim kaah ye man.

Uwumbɔr aagbaŋ

⁵ Unii u san litaasaln na yaa kaa dii litaasaln ngbaan aakaal kan, waan ji litaasaln aanyoor.

2 Timoti 2:5 ပူးပေါင်းရင်းမြစ်များ

Tibɔnyaan ti Luk ŋmee ti na 13:24

“Ni pɔɔn ni ba wee ki nan kɔɔ linaanganl lan kaa yalin nan yaan. N bei ni le, bininfob takpem na li ban bin kɔɔ niin, le kaa yin fir kɔɔ.

Filipi 1:15

Ni ye ibamɔn le ke, biba mɔɔn Masiya a bɔr nmɔn ki jɔɔ linunchɔril le nin lipiiponl, amaa le biba mu mɔɔn ti nin ti ŋam bu.

Kolosiya 1:29

Ni niɛ nan bu le n tun ki gbaar nin u pɔɔm biɛn man pɔɔ lagir ki be nni ki tun nin.

Hiibru Yaab 12:4

Naah kɔn nin tibirin, naa la kɔn tan foo nan yaan ye ni nyan ni chami.

Hiibru Yaab 2:7

A nan ŋa u le ki che u jilima waar kaa foo malakam yaali; le a sei u jilima nin kupag a yuchigirig

Hiibru Yaab 2:9

Amaa ti kan Yisa, wan wee Uwonbɔr nan jiin u tum wama malakam ban nin, daandaan nan, u chig kupag nin jilima a yuchigirig le waah jin nkum a fala-n bu, wee Uwonbɔr a nyunyunbasanl bu u nan che u kpo uninfo biɛn bu-n.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.

Tibɔkpiirkaan 3:11

N chaan le daandaan nan. Ni li ŋmag nan wee ni jɔɔ nna, wee uba laa nan fee ni naam a yuchigirigi.

Tibɔkpiirkaan 4:10

bininkpeeb pilee nin bina-n lur wan ka kunaangbɔŋin bu n yaa taatum le, ki jiɛn uma wan be wee kaa jɔɔ diɛmin. Bi chigir bi naam a yuchigirim le bil kunaangbɔŋin yaan ki len ke:

Tibɔkpiirkaan 4:4

Le tinaangbann pilee nin tina nan gɔɔn kunaangbɔŋ nmɔn, le bininkpeeb pilee nin bina nan ka ti bu. Bi nan yee tiwann penn le ki chig salima a naam a yuchigirim bi yuli bu.