2 Timoti 2:25 - UWONBƆR A GBƆNPƆŊ LIKƆƆNL

²⁵ Ni kpaa le nin u li be soon ki fir wɔɔn ban yii u bɔrin, ki li jɔɔ tama ke Uwonbɔr li sei bi nkpenim man li wɔɔn bi ibamɔn nin,

Uwumbɔr aagbaŋ

²⁵ ki li bi suuna ki sur binib bi kpak u kinikpakpak na. Nibaakan, Uwumbɔr ga cha bi kpeln baabimbin ki bee waabɔr ti ye mbamɔn na,

2 Timoti 2:25 ပူးပေါင်းရင်းမြစ်များ

Matiu 11:29

Ta n daagin ki paan a ba bu, wee ki tinn n ban, nan bu-n n ye jiininbadaan le ki jɔɔ jiininba n sufu ni, wee ni naam nkan lifooril.

Matiu 21:32

Nan bu-n Jɔnn Wan nan Fu Bininfob Uwonbɔr a Nyunfulin nan dan ni ban ki wɔɔn ni nbuchin binben na, amaa le naa ŋa u yada, le bilanpogaab nin ban tun iwanjaab toon ni ŋa u yada. Nin naah kan nan biɛn tun nan a bɔɔn, naa kpenn ni binbem ki ŋa u yada.”

Tibɔnyaan ti Mak ŋmee ti na 1:15

Ki ke, “Isaŋ foou, Uwonbɔr a niin a naamin mala, ni ma bu, ni kpenn ni binbema wee ki ŋa tibɔŋann nan yadau.”

Jɔnn 5:34

Naa ye ke n gaan uninfosaal a siɛra le; amaa n pag Jɔnn a siɛra le wee ni kan feegab.

Lituln 11:18

Baah nan gbir man n-yonn man nin, le bi jiɛn tifur, le ki don Uwonbɔr a yinl, ki len ke, “Uwonbɔr che ban kaa ye Juu yaabin kpenn bi binbema, ke bi mu n kan limiɛfol.”

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 5:21

Baah gbir u bɔr nmɔn, le bi jon ki tan kɔɔ iwonjiɛn niin nmɔn yaan, njakpanyiɛn ki piin ki wɔɔn bininfob. Biminmanib a yudaau nin u tabin kaah nan dan ni, le bi yin Iziral yaab a yudamin biɛn, le ki tun ke bin tan nyan Yisa a toon yin kuloondiigin ni ki ta bi dan.

Lituln 5:31

Le ki don u ki tan kaan U baan tɔɔl a nɔɔjiim paam, ki ŋa u ki Bɔrbig nin Ufeer, ke Iziral yaabin kpenn bi binbema, wee un jiɛn bi toonbir ki per bi.

Lituln 8:22

Ni bu jiɛn a potiɛbir nmɔn na, ki kpenn a binbem wee ki miɛ Uyudaan. Ni ba ke u li jiɛn a potiɛbir nmɔn ki periŋ.

Galantiya 6:1

N nabum, ni ye ni kan uba tun titoonbir ke, nim ban be nin Kinaaŋin ni ter mu soon wee un mann ki sir nbamɔm, amaa wee ki li nyi ni ba bu, naa ye man ke ni mu li kɔɔ libiginlin.

1 Timoti 2:4

wan ban bininfob biɛn n kan feegab wee ki biɛ nbamɔmin.

1 Timoti 6:11

Amaa fin, wan ye Uwonbɔr a ninfo nan, guun ki nya ni niɛ nan yaan biɛn na, pɔɔn a ba ki li jɔɔ nbuchin binben, nin nwonjiɛn binben, nin yada, nin njiɛm, ki li jɔɔ lipoobil ki li be soon.

2 Timoti 3:7

bipiib nmɔn le tinn le iyoo biɛn, amaa le kaa biɛr ibamɔn nni.

Taitus 1:1

Min Pɔɔl wan ye Uwonbɔr a yomu nin Yisa Masiya a toomin, le Uwonbɔr tum u ninfo gannkaab ban, ke n ter bi bi yada-n wee bin biɛ ibamɔn a bɔr tan wɔɔn nwonjiɛn binben nin,

Taitus 3:2

bi laa jɔɔ kutingbiig u ba bu, ki li be nin nposɔɔn, ki li jɔɔ nbinben ŋan, ki li tenn bininfob biɛn ibamɔn a jilima.

Jemisi 1:17

Nan ŋan nin nan be kasi biɛn ye ipiin yan nyan paab le, ki nyan ti Baa wan jɔɔ papaab a weemin, wan kaa kpenn ke nbɔɔm kaah kpenn man nin.

1 Piita 3:15

Amaa ni taam Masiya ki ŋa ni sufu ni wee u li ye ni Yudaau. Ki sin li ye ban ŋa sili iyoo biɛn ki guu uninfo wan biɛn li baan ni nan bu wee ni jɔɔ tama. Amaa ni ŋa man nin nbinbem ŋan nin jilima,

1 Jɔnn 5:16

Ni ye uba kan u nabig tun tibir tan kaa joor nin nkum ke, un miɛm wee Uwonbɔr n sei udaan limiɛfol. N pag jiin ban a bir kaa ye bin kpo nle. Tibir tiba be ki ye nkum. Naa ye ti a bir le n ke un miɛ.