2 Timoti 2:19 - UWONBƆR A GBƆNPƆŊ LIKƆƆNL

¹⁹ Nin ni ma biɛn yɔli, Uwonbɔr kaah pii bil lifiɛl lan nin sir nbamɔma, le u daagim a sɔbim paa li bu: “Uyudaan nyi ban ye u yaab,” le “Wan biɛn mu ban un nɔɔ Uyudaan ke, un kpenn u binbema ki nya titoonbir a tumin na.”

Uwumbɔr aagbaŋ

¹⁹ Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

2 Timoti 2:19 ပူးပေါင်းရင်းမြစ်များ

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Matiu 7:23

Iyaayoo nmɔn le n mu na li bei bi npaan ni ke, ‘Maa nyi ni, nim titoonbirdam nan, ni fɔr n ban na!’

Matiu 7:25

Le utaal nan nun, le ikpen gbee, le nfaam daa, ki piɛr iniin nmɔn a dikakpin; amaa yaa nan lu, nan bu-n i fiɛl nan tɔɔ kutanpiig bu le.

Tibɔnyaan ti Mak ŋmee ti na 12:16

Le bi ta sei u. Le u baan bi ke, “Ŋma a nunaŋ nin u yinl be biligib nmɔn buu?” Le bi bei u ke, “Siiza.”

Tibɔnyaan ti Mak ŋmee ti na 13:22

Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab.

Tibɔnyaan ti Luk ŋmee ti na 13:27

“Amaa le u ji li jiin ke, ‘Maa nyi ni, kaa nyi naah nyan nan yaan ni. Nim ti toonbir dam nan biɛn, ni fɔɔr n ban na!’

Tibɔnyaan ti Luk ŋmee ti na 6:48

U nann uja wan nan maa u niin nan le. U nan gbii le jiir tum ki tan pii kutangbapiig, le ki bil lifiɛl tɔɔn li bu ki maa. Ni bɔɔn bu le utaal dan ki nan nun takpem, le nkpen gbee, le kunyunmaŋ don ki nan tel iniin nmɔn, amaa yaa nan lu, waah nan maa i timaaŋann nin bu.

Jɔnn 10:14

“Min li ye upeekpaar ŋan nin; n nyi n pee le n pee yin mu nyim,

Jɔnn 13:18

“Maa pag nan ki tenn ni biɛn ni; n nyi ban wee n nan gann. Amaa ni nan le yin che nan sɔb dɔ Uwonbɔr a gbɔŋin nin ŋa ibamɔn: ‘Min nin wan por n jiirin le nan lig ziɛnim.’

Jɔnn 3:33

Uja wan nan gaa siɛra-n u chee ke Uwonbɔr ye ubamɔndaan le.

Lituln 11:26

waah nan tan kan win, le u ta u jirin Antiɛg. Libinmunl le Banabasi nin Sɔɔl nan be nin biwonjiɛm a laguŋ ki wɔɔn bininfob takpem. Bi bɔɔnɔɔb nmɔn le nan ye chinchinn a wonjiɛm Antiɛg a tiŋin.

Lituln 15:17

ni bu bininfob ban gur le ban Uyudaan, nin ban biɛn kaa ye Juu yaab wee ki jɔɔ n yinlin, Uyudaan wan tun man nmɔn le len man’

Lituln 9:14

Le u dan nan do nin tininkper a pɔɔm man wee u gaa biminmanib a yudam ban nin, ke un nan choo ban biɛn yi a yinl.”

Rom Yaab 11:2

Uwonbɔr kaa yii U ninfobi, ban wee U pii nan nyi-n. Naa nyi ke Uwonbɔr a gbɔŋin ni sɔb ki jiin Elaja paam, waah nan galin Iziral yaab Uwonbɔr ban ki ke:

Rom Yaab 12:9

Ni kpaa le nin njiɛm le ye ibamɔn. Ni li nan nan ye tibir; ki li ŋmag nan ŋan nin kenken.

Rom Yaab 15:20

N le gbaa boŋ le ke n mɔɔn tibɔŋann nin nan yaan wee bininfob kaa la nyi gbir Masiya a bɔrin ni, wee ni laa ye ke n maa tɔɔn uba a fiɛl bu le.

Rom Yaab 15:9

wee ban kaa ye Juu yaabin pag Uwonbɔr U nyunyunbasanl bu, ke naah sɔb Uwonbɔr a gbɔŋin ke: “Mambu n li pag fin Uwonbɔr a yinl ban kaa ye Juu yaabin a sisiigin; n li gaah liwonpagil a lai ki don a yinl.”

Rom Yaab 8:28

Le ti nyi ke niwann biɛn nin, Uwonbɔr tun le ki tenn bininfob ban jiɛ win naah li ŋan ki sei bi man, U jɔɔ nan bu wee U yin bi.

Rom Yaab 9:11

Nin ni ma biɛn ni, baah kaa la nan ma njaanbum nmɔn nin, bee nin nbuwaab nmɔn n nan tun nan ŋan bee nan birin, ni ye Uwonbɔr kaah ban ki gann nan le n sir.

1 Korenti 1:2

le sɔb ki poor nim biwonjiɛm a laginn ban be Korenti a tiŋin, nin ban wee Uwonbɔr ŋa bi u yaab Masiya bu-n, le u yin bi ki ŋa bi kasi nin ban biɛn be nan yaan biɛn ki yi ti Yudaau Yisa Masiya a yinl ke bi yudaau nin ti mu a yudaau win.

1 Korenti 8:3

Amaa uninfo wan ban Uwonbɔrin, u ma le Uwonbɔr nyi.

2 Korenti 7:1

A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

Galantiya 4:9

Amaa daandaan nan ni nin nyi Uwonbɔr, bee Uwonbɔr nyi ni, ke ba ŋa wee ni ji ban ni jir ki nɔɔ dulinya nan a maabiyiɛrug kan ye idaburig nin kunyunyunbaag a binbem nan naa? Ni ban ni kpann tiwann nmɔn a yomi le jigin naa?

Efesusi 2:20

lifiɛl lan wee Yisa a tooi nin bilinlemin nan tɔɔn li bu-n, li ma bu le n mu tɔɔn le Yisa Masiya ye litangbagil lan ye lifiɛl nmɔn a pɔɔm.

Efesusi 3:15

Uma ban le U niin yaab ban be papaab nin dulinya nan yaan biɛn a yin nyann.

Efesusi 4:30

Ni laa bii Uwonbɔr a Kasi a Naaŋ a sufu, wan wee Uwonbɔr taah daag ni nkpenim a manugin a daal.

1 Timoti 3:15

ni ye maa dan weem ke, kugbɔŋ nmɔn li che a biɛ bininfob a binbem kaah ye man Uwonbɔr a niin, ban ye Uwonbɔr wan fo a wonjiɛmin, ki ye kijaantelig nin ibamɔn a fiɛl.

1 Timoti 6:19

Bi ŋa man ke, bi li bil lifaal ki sei biba lan ye lifiɛl lan pɔɔ ki guu n-yonn man chaan nan, wee bin nan fir kan limiɛfol lan ye ibamɔn a miɛfol.

Hiibru Yaab 11:10

Nan bu-n u nan lig nintogil le ki guu kitiŋ kan a fiɛl wee Uwonbɔr nan loon wee ki maa ki-n.

2 Piita 3:14

Ni ma bu n jɔtiib, naah guu ni niɛ nan bu, ni pɔɔn niba ki li jɔɔ kasi a binbem wee ki laa jɔɔ igalin Uwonbɔr ban ni, wee ki li jɔɔ nposɔɔn nin Uwonbɔr.

1 Jɔnn 2:19

Bi nyan ti ban na, amaa baa sin ye ti yaabi. Bi bi ye ti yaab ke, bi bi li paar ti ban; amaa baah nyan ti ban nin nmɔn le wɔɔn ke bi ni uba kaa ye ti yaa wi.

Tibɔkpiirkaan 17:8

Kuwanbiig kan wee a kan nin, nan be le, le kaa ji be daandaan nan ni, le ki na li nyan libogil lan nyɔɔ n-yaan ki jo nan yaan wee bi li bii u. Le kutingbɔŋ yaab ban a yin kaa sɔb be limiɛfol a gbɔŋin n-yaan dulinya a piinimin nin, bi nan kan kuwanbiig nmɔn ke ni li gar bi, nan bu-n u pii nan be, le kaa ji be daandaan nan nin, le ki ji na li dan.

Tibɔkpiirkaan 2:13

N nyi naah be nan yaan, nan yaan wee Sintani a naam a gbɔŋ be-n. Amaa le ni sin ŋmag n yinl nbamɔm. Naa ta naah ŋaam yada-n ki jaa, hali nin Antipasi a yonn nin wan nan ye n yada a siɛradaau ibamɔn nin, wee bi nan ku u ni tiŋin ni, Sintani a binbebolin.

Tibɔkpiirkaan 21:14

Kitiŋ nmɔn a gonl nan maa tɔɔn ifiɛ piig nin ilee bu le, le Kipeebigin a tooi piig nin bilee-n a yin nan sɔb ki paa ifiɛ nmɔn bu.

Tibɔkpiirkaan 22:4

Bi na li kan u num paam, le u yinl na li paa bi yutun bu.

Tibɔkpiirkaan 3:8

N nyi ni ŋaar kaah ye man. Ni lig, n loor ntisamɔn le ki sei ni le uba kaa li fir loon ntisamɔn nmɔn ni. N nyi naah jɔɔ npɔɔn wama, amaa ni biɛn yɔli ni ŋmag n mɔleen le kaa yii n yinli.