2 Timoti 2:15 - UWONBƆR A GBƆNPƆŊ LIKƆƆNL

¹⁵ Pɔɔn a ba ki ta a ba sei Uwonbɔr ke wan wee U ganniŋ, ke utoontunn wan kaa san ifa wee ki ŋmag Uwonbɔr a bɔr tan ye ibamɔn nin nbamɔm.

Uwumbɔr aagbaŋ

¹⁵ Cha aanimbil li man ke aa piir Uwumbɔr aasui, ki li ye waatutunn bamɔnn u kaan ji inimɔɔn waatuln pu na, ki li tuk binib Uwumbɔr aabɔr ti ye mbamɔn na, ki mɔk bi taatataa mbamɔm.

2 Timoti 2:15 ပူးပေါင်းရင်းမြစ်များ

Matiu 13:52

Le u bei bi ke, “Mambu, ban wɔɔn Uwonbɔr a siim biɛn wee bi wɔɔn bi ki jiin paab a naamin paam nbamɔm ke, bi nann uniindaan wan nyan u wan kpegir nin u wan pɔnn biɛn u naapɔɔgin le.”

Tibɔnyaan ti Mak ŋmee ti na 4:33

Yisa nan gaa ibɔŋal pam nin Uwonbɔr a bɔr npaam. U nan gaa ibɔŋal ki kpaan bi baah li ŋa man ki biɛ ni taai.

Tibɔnyaan ti Luk ŋmee ti na 12:42

Le Uyudaan jiin ke, “Utoontunn u la baa jɔɔ nlam ki tun ke u baa kaah ke u tum man naa? U ma ye wan wee u baa yin che u ŋa bitoontum nmɔn a ninkpelu, wee ki li lig u toontum ban biɛn be u niin nmɔn, ki li tenn bi tijiir n-yonn man kpaan nin bin ji.

Lituln 2:22

Le Piita ji mann len ke, “Iziral yaab, ni gbirim nan wee n yin pag bei ni ki jiin Yisa wan ye Nazarif a ninfou npaam, ni tɔɔl nyi ke Uwonbɔr le nan che u tun ligaril nin lijinjeel a toon nin siɛra ni sisiigin.

Lituln 20:27

Nan bu-n n pag ni Uwonbɔr a bam a bɔrin biɛn ki wɔɔn na, kaa gur tiba.

Rom Yaab 14:18

nan bu-n uninfo wan ye Masiya a toontunn u wee ki tun man ke ni gbeeg Uwonbɔr a num le, le bininfob chee sei ke ni ŋan.

Rom Yaab 16:10

Poor Apelesi, wan a binbem wee bi mag lig ki miin u si bogiliba Masiya ni-n. Poor Aritobulusi a niin yaab biɛn na.

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

1 Korenti 2:6

Ti pag nlam a bɔr ki tenn binunwondam ban chegir Uwonbɔr a samin nin le, amaa naa ye dulinya nan a lam man wee bi jɔɔ wɔɔn nni bee dulinya nan a bɔrtiib ban kaa na yin jɔɔ tinyɔɔr kaah ŋmag nlam man n ni.

2 Korenti 10:18

Naa ye uninfo wan pagir uba le bi num gbee, amaa see wan wee Uyudaan a num gbeen.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Korenti 5:9

Nibu, ti num man le nin ti penn u sufu, taah be tigbanann a niin nan yaan, bee taah kaa be ti yaan ni.

Galantiya 1:10

N gbaar ki ban bininfob le n ke n toon ŋan bee Uwonbɔr aa? Bee n ban bininfob a num le n gbee maa? Ni ye n le la bi gbaar ban bininfob a num le n gbeem ke, maa bi yin ye Masiya a yomu wi.

Efesusi 1:13

Ni tɔɔl nan kpiɛ ki be nin Masiya le, naah nan gbir imɔleen yan ye ibamɔn nin, ki ye ni feeja a bɔŋann nin. Naah ŋa yada-n bu, le Uwonbɔr ta U yaa daagim ki daag ni, lan ye limɔsiinl Kasi a Naaŋin,

1 Tesalonika 2:4

Amaa ti pag le ke ban wee Uwonbɔr ke bi ŋan nin, Uma ta tibɔŋann nmɔn ki ŋa ti nɔɔn, ni ma bu taa ban ti pag ki penn bininfob a sufu amaa ti ban ti penn Uwonbɔr wan magir ti potiɛlin a sufu le.

1 Tesalonika 5:14

Ti balin ni le, n nabum, ni kpaan ban ye bigbanyagdamin na, ki pɔɔg ban san bijawaamin a sufuu, ki ter ban a yada kaa pɔɔ-n, ki li jɔɔ limɔril nin uninfo biɛn na.

1 Timoti 4:6

A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

Hiibru Yaab 4:11

Ni ma bu, ni che ti pɔɔn tiba wee ki kɔɔ lifooril nmɔn yaan, wee ti ni uba laa nɔɔ limɔyiil a sam ki nan lu.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

Jemisi 1:18

U yaa wiib bu le U ma ti, ibamɔn a mɔleen yin bu, ke nin che ti kpann u bininkpeem waah naan nan biɛn ni.

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,

2 Piita 1:15

N li pɔɔn nba niwann biɛn nin, ki ŋa nan kpaa talar ke n ŋa, wee ni bɔɔn bu n nan fɔɔr ni ban ke ni li fir tiɛr ni niɛ nan biɛn bu.

2 Piita 3:14

Ni ma bu n jɔtiib, naah guu ni niɛ nan bu, ni pɔɔn niba ki li jɔɔ kasi a binbem wee ki laa jɔɔ igalin Uwonbɔr ban ni, wee ki li jɔɔ nposɔɔn nin Uwonbɔr.