2 Timoti 2:12 - UWONBƆR A GBƆNPƆŊ LIKƆƆNL

¹² ni ye ti pɔɔn tiba ke, ti mu wo li ji u nnaamin. Ni ye ti yii u ke, u mu wo li yii ti

Uwumbɔr aagbaŋ

¹² Ti yaa dii u ki kpa limɔr kan, ti ga ji nnaan u chee. Ti yaa len ke taa nyi u kan, u mu ga len ke waa nyi timi.

2 Timoti 2:12 ပူးပေါင်းရင်းမြစ်များ

Matiu 10:33

Wan mu ke waa ye n bɔɔnɔɔru bininfobin ke, n mu na li ke maa nyi wi, n Baa wan be paab nan ban.

Matiu 26:35

Amaa le Piita jiin ke, “Hali ni ye min nin fin nlagin kpo ke, maa li nyi ki niɛ ke maa nyiŋi.” Le Yisa a bɔɔnɔɔbin biɛn mu len man.

Matiu 26:75

Le Piita nin tiɛr Yisa kaah bi bei u tibɔr tan nin ke: “Ukooja kaa la li mɔ le a niɛ nfimitaa ke ŋaa nyimi.” Le Piita nyan nkaafiin ki tan mɔɔ takpem.

Tibɔnyaan ti Mak ŋmee ti na 10:33

ke laa, “Ti yin do Jerusalam le nan, nan yaan wee bi li ta Uninfosaal a Big ki ŋubin kumanug a yudam nin ban wɔɔnn nsiim a nɔɔn le bin ji u tibɔr ki ke bin ku u, le ki ta u ki sei ban kaa ye Juu yaab nan;

Tibɔnyaan ti Mak ŋmee ti na 8:38

Wan mu san ifa nin un ta n bɔr nan ki wɔɔn titoonbirdam nin tukangbirdam dulinya nan yaan ke, wee Uninfosaal a Big nan jiirin nin u Baa Uwonbɔr a pɔɔm nin u malakam ke, u mu na li san u ifa nin un ta u ki kpiɛ u ninfobin.

Tibɔnyaan ti Luk ŋmee ti na 12:9

amaa wan mu ke waa nyim bininfobin ke, min Uninfosaal a Big mu na li ke maa nyi wi Uwonbɔr a malakam ban.

Tibɔnyaan ti Luk ŋmee ti na 22:29

N Baa Uwonbɔr kaah jim nnaam man nin, mu yaa naam le n yin jin ni mu,

Tibɔnyaan ti Luk ŋmee ti na 22:30

wee ni li fir ji ki nyu n ban n naamin, ki nan kal tinaangbann bu ki ji Iziral yaab a bol piig nin ilee-n tibɔr.”

Tibɔnyaan ti Luk ŋmee ti na 9:26

Wan sam ifa ki jiin n mɔboi nan paam ke, Uninfosaal a Big mu na li san u ifa lidaal lan wee u nan dan nin u pag nin u ba a pag nin kasi a malakamin.

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Rom Yaab 5:17

Ni ye uninfo uba a bir bu, le nkum nɔɔ uninfo uba nmɔn bu ki dan ke, man ke Uwonbɔr a buchin piin yan yab ki san ti kunyunyunbaagin ma jon man na, U ma ye Yisa Masiya wan sei ti limiɛfolin.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

Filipi 1:28

naah kaa san bininfob ban fann ni nan. Ni ma ye siɛra ki wɔɔn bi ke baa li kan nnyaŋim mi, amaa nim li kan n nŋmarim man nyan Uwonbɔr ban.

1 Timoti 5:8

Ni ye wan kaa ter u maali, nin naah jann tɔɔ ban bu u tɔɔl a niin yaab ke, u yaa daan kaa ji ŋa yada le nmɔn, ni bu u bir ki jon wan kaa ye uwonjiɛn na

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.

Tibɔkpiirkaan 1:6

le ki che ti ŋa u naam a ninfob nin biminmanib ke ti li jiɛn Uwonbɔr wan ye u Baa-n, u binba le kpaan nin kupag nin npɔɔn iyoo nin iyoo! Ibamɔn.

Tibɔkpiirkaan 1:9

Min, Jɔnn wan ye ni nabig, wee ki ye ni kpiɛg ti fala-n nin ti naamin nin ti mɔril a nyiginimin nan ye ti yaan Yisa bu-n, wee ki nan be ligungonl lan be nnyum a sisiigin Patmosi-n Uwonbɔr a mɔleen bu nin maah ye Yisa a siɛra bu-n.

Tibɔkpiirkaan 2:13

N nyi naah be nan yaan, nan yaan wee Sintani a naam a gbɔŋ be-n. Amaa le ni sin ŋmag n yinl nbamɔm. Naa ta naah ŋaam yada-n ki jaa, hali nin Antipasi a yonn nin wan nan ye n yada a siɛradaau ibamɔn nin, wee bi nan ku u ni tiŋin ni, Sintani a binbebolin.

Tibɔkpiirkaan 20:4

Iyaayoo le n kan tinaangbann, le bi sei ban ka ti bu-n tininkper a pɔɔm ke bi li ji tibɔr. Le n kan baah nan tugir ban a yuli yin a naam, baah nan jin Yisa a siɛra nin Uwonbɔr a mɔleen n bu. Baa nan jiɛn kuwanbiigin bee ki nunaŋi, kaa gaa ki daagim bi yutun bu bee bi nɔɔi bu. Bi jirin bi miɛfolin le bi ma nin Yisa lagin ŋmag nnaam ibin turil.

Tibɔkpiirkaan 20:6

Tikaar nin kasi be ban kpiɛ wee Uwonbɔr chinn fiin bi nkumin nin bu. Nkum man yin kpiɛ milee-n kaa jɔɔ bi pɔɔmi, amaa bi na yin ye Uwonbɔr nin Yisa a minmanib le, bi ma nin Yisa na li lagin ki ŋmag nnaam ki tan kpaa ibin turil.

Tibɔkpiirkaan 3:10

Naah nyigin wee ki jɔɔ limɔril ki ŋmag n siimin bu, n na li nyan ni limugil lan yin foon ki nan mag ban be dulinya nan yaan biɛn nin.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.

Tibɔkpiirkaan 3:8

N nyi ni ŋaar kaah ye man. Ni lig, n loor ntisamɔn le ki sei ni le uba kaa li fir loon ntisamɔn nmɔn ni. N nyi naah jɔɔ npɔɔn wama, amaa ni biɛn yɔli ni ŋmag n mɔleen le kaa yii n yinli.

Tibɔkpiirkaan 5:10

Le a jin bi nnaam, ki ta bi ŋa biminmanib ke bi li jiɛn ti Wonbɔru, le bi na li kal kunaangbɔŋin bu.”