2 Timoti 1:13 - UWONBƆR A GBƆNPƆŊ LIKƆƆNL

¹³ Ŋaah gbir man n ban nin, li ŋmag nwɔɔm bamɔm man wee n ta wɔɔn niŋ nbamɔm, nin yada nin njiɛm Masiya bu.

Uwumbɔr aagbaŋ

¹³ Aa nan gaa Yesu Kristo ki kii le ki gee u; nima pu na, aa li joo maah tuk si tibɔnyaan ti na mbamɔm.

2 Timoti 1:13 ပူးပေါင်းရင်းမြစ်များ

Rom Yaab 2:20

ki ye wan kpaan tijɔri, ki ye wan wɔɔnn nbuwaab tirim, nan bu-n ni jɔɔ nnyinyin nin ibamɔn nin kaah sɔb man nsiimin a gbɔŋin,

Rom Yaab 6:17

Amaa n tenn Uwonbɔr kunɔɔpoog, nin nim ban nan ye titoonbir a yomi wee ki nan nɔɔ nwɔɔnim man wee ni nan gaa nin ni sufu biɛn nin bu.

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Filipi 4:9

Niwann nan wee ni tinn n ban bee ki gaa n ban bee ki gbir n ban nin ni li jɔɔ tun itoon na man. Wee nposɔɔn a Wonbɔr win li be nin ni.

Kolosiya 1:4

nan bu-n ti gbir naah ŋa Yisa yada man, nin naah jiɛ Uwonbɔr a ninfo gannkaabin man na,

1 Tesalonika 5:21

Ni mag i biɛn liga, ki gann yan ŋan ki li ŋmaga.

1 Timoti 1:10

nin ban tun iwanjaab toon, nin ban yii bi piib wee ki dɔ nin bijab tabin, nin ban jɔɔ biyom kpeŋ nin ban ye tibɔkardam, nin ban ji tibɔkar a siɛra, nin ban biɛn kaa nɔɔ ibamɔn a wɔɔnimin,

1 Timoti 1:14

Ti yudaau nan kpaar u nyunyunbasanl takpem le ki jaa n bu, ki ji kpiɛ yada nin njiɛm man be Masiya nin.

1 Timoti 6:3

Wan wɔɔn tibɔkar a wɔɔm wee kaa chee nwɔɔm bamɔm man wee ti Yudaau Yisa Masiya wɔɔn nin liwonjiɛnl a wɔɔmin ke,

2 Timoti 1:1

Min Pɔɔl wan ye Masiya a toom Uwonbɔr a bam bu-n, le u ke n mɔɔn limiɛfol a bɔr tan wee Uwonbɔr nan siin limɔsiinl Masiya bu-n,

2 Timoti 1:14

Li ŋmag tinyɔɔŋann tan wee bi nan ta wɔɔniŋ nna, Kasi a Naaŋ kan be ti ni-n li teriŋ wee a fir ŋmag ti nbamɔm.

2 Timoti 2:2

Ta tibɔr tan wee a gbir n pag kuninfogbaluŋ a numin nin, ki wɔɔn bininfob ban si nbamɔm wee ki mu ye ban li fir wɔɔn bi kpiɛtiibin.

2 Timoti 3:14

Amaa fin ma, le li ŋmag nan wee a tinn ki ŋa ni yada-n na, nan bu-n a nyi ban tinniŋ tibɔŋann nmɔn,

2 Timoti 4:3

Iyoo chaan le bininfob kaa ji na yin pelig ibamɔn a wɔɔmi. Amaa le ki nɔɔ bi sufu a bam, bi na li lagin ban wɔɔnn takpem ke bin pag bi tuli kaah saag ki ban bin gbir nan ni.

Taitus 1:9

Ki li ŋmag ibamɔn a bɔr tan wee bi nan wɔɔn win kenken, wee ki fir pɔɔg u kpiɛtiib a gbanann nin ibamɔn a wɔɔmin, wee ki fir nyaŋ ban biɛn kaa cheel tibɔŋann nmɔn nin.

Taitus 2:1

Ni kpaa le nin fin Tatusi n wɔɔn bi ibamɔn a wɔɔm.

Taitus 2:8

Ki li pag ibamɔn yan wee uba kaa li fir pag bii ti, wee ban kaa chee a wɔɔm nmɔn n ji ifa, nan bu-n baa jɔɔ niba a bɔbir ki li fir pag sei ti.

Hiibru Yaab 10:23

Ni che ti li ŋmag taah jɔɔ tama kan ki pag ki bɔrin wee ki laa yeŋi, nan bu-n wan siin limɔsiinlin nmɔn ye yada daan le.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

Juud 1:3

N jɔtiib, hali maah nan jɔɔ inunman ke n sɔb kugbɔŋ ki sei ni ki ta jiin nŋmarim man wee ti nan por nin tabin paami, n lig ki miin ni kpaa le nin n sɔb ki balin ni wee ni li kɔn yada kan wee Uwonbɔr nan ta ŋubin u ninfogannkaabin a nɔɔn nin buu.

Tibɔkpiirkaan 2:25

Ni le li ŋmag nan wee ni jɔɔ-n hali nin maah na li dan.

Tibɔkpiirkaan 3:11

N chaan le daandaan nan. Ni li ŋmag nan wee ni jɔɔ nna, wee uba laa nan fee ni naam a yuchigirigi.

Tibɔkpiirkaan 3:3

Mambu, ni li tiɛr, nan wee ni gaa ki gbirin; ni chee sei tibɔr nmɔn na, wee ki kpenn ni binbema. Amaa ni ye naa fii paab ke, n li dan ke unaayig a dann nin, le naa yin nyi n-yonn man wee n yin dan ni.