2 Tesalonika 3:6 - UWONBƆR A GBƆNPƆŊ LIKƆƆNL

⁶ Uyudaan Yisa Masiya a yinl bu, le ti bei ni ke, n nabum, ni nyan ni num ki sin jiɛn n nabum man biɛn san ligbanyagil kaa be taah wɔɔn bi ke bi li be man nni.

Uwumbɔr aagbaŋ

⁶ Tinaabitiib, ti tuk nimi Tidindaan Yesu Kristo aayimbil pu la, ninaabitiib bimɔk kaa ban ke bi tun lituln, kaa dii taah tuk nimi pu na, ni nya bi chee.

2 Tesalonika 3:6 ပူးပေါင်းရင်းမြစ်များ

Matiu 18:17

Ni ye ke waa chee un gbir ki sei bi ke, a wɔɔn biwonjiɛm a laguŋ; ni ye ke waa ji chee un gbir ki sei biwonjiɛm a laguŋin ke, ni nin jiɛn waah wee u li be ke naah bi li be nin ban kaa ye Juu yaab man ni, bee ulanpogaarin.

Rom Yaab 16:17

N nabum, n balin ni le, ni li dibir bininfob ban jɔɔ nbɔgirim chaan ki nan legin ni samin wee naa chee sei nwɔɔm man wee ni tinn nin. Ni li lɔg ba.

1 Korenti 11:2

N pagir ni nin naah tiɛr nbu ki la biɛn nin nɔɔ maah nan wɔɔn ni nan biɛn ni.

1 Korenti 5:4

Ni ye ni nan lagin tab Uyudaan Yisa a yinlin bu wee n be ni ban nin Kinaaŋin ke, wee ti Yudaau Yisa a pɔɔmin be nin ti ke,

1 Korenti 5:9

N gbɔŋ kan wee n sɔb ki sei ni-n, n pii bei ni ke ni laa nɔɔ bininfob ban tun iwanjaab toon nni.

2 Korenti 2:10

Ni ye ni jiɛn wan a bir ki per u ke, n mu jiɛn per wa. Le nan wee n jiɛn perin, hali ni ye niba le n jiɛn per ke, nim bu le n jiɛn per u Masiya a nintogil,

Efesusi 4:17

Ni niɛ nan le n bei ni, Uyudaan bu le n si maah pag n bɔr tan nan bu, ki ke ni laa ji be ke ban kaa ye Juu yaabin kaah be man nin ni, wee bi potiɛl kaa jɔɔ nyɔɔrin ni.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

1 Tesalonika 4:1

N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

1 Tesalonika 4:11

Ni che ni li ye ni toonl ke ni li be nbinben ŋan, ki che ni baga li be ni tɔɔl a toon yin ki li jɔɔ ni nɔɔi tun ki jiu, ke taah bei ni man nin,

1 Tesalonika 5:14

Ti balin ni le, n nabum, ni kpaan ban ye bigbanyagdamin na, ki pɔɔg ban san bijawaamin a sufuu, ki ter ban a yada kaa pɔɔ-n, ki li jɔɔ limɔril nin uninfo biɛn na.

2 Tesalonika 2:15

Ni ma bu n nabum, ni mann sir nbamɔm ki li ŋmag taah wɔɔn ni man nin, naah ye imɔleen le ti pag bee kugbɔŋ le ti sɔb sei ni ke ni.

2 Tesalonika 3:7

Ni baan tɔɔl nyi nbamɔm ke ni ni ye ni li tun le ke taah tun man ni. Taah nan be ni ban nin, taa nan san ligbanyagil,

1 Timoti 5:21

Uwonbɔr a nintogil, nin Masiya a nintogil nin Malaka gannkaabin a nintogil le n kpaaniŋ ke, a chee nwɔɔm nan wee ki laa jɔɔ nbɔgirim bee ki gann ki ban uba ki jiɛn utɔ ŋaah tun nan biɛn nin ni.

1 Timoti 6:5

ki far limɔkpel nin bininfob ban tiɛr tipotiɛbir bi sufu-n nin, bi lann bibamɔn le ki nyi ke liwonjiɛnl ye njɔɔm a wan le.

2 Timoti 3:5

bi na yin jɔɔ nwonjiɛn binben le tigbanann nin, amaa le ki sin yii liwonjiɛnl a pɔɔm. Ni laa che nim nin bi ma jɔɔ nɔɔ nin tabi.

2 Timoti 4:1

Uwonbɔr a nintogil nin Masiya wan na yin ji ban fo nin ban kpo a bɔr, wee ti lig waah na yin degirin nin u naamin, le n kpaaniŋ nan:

2 Jɔnn 1:10

Ni ye uba dan a ban wee kaa ŋmag Yisa a wɔɔmin ke, laa che un kɔɔ a niin bee a poor wi.