2 Tesalonika 3:4 - UWONBƆR A GBƆNPƆŊ LIKƆƆNL

⁴ Uyudaan che ti jɔɔ tidindann ni bu ke ni tun, ki le mann tun ke taah bei ni man nin.

Uwumbɔr aagbaŋ

⁴ Tidindaan pu le ti bee ke ni ŋani taah tuk nimi pu na, ki ga li beenin ŋani kina.

2 Tesalonika 3:4 ပူးပေါင်းရင်းမြစ်များ

Matiu 28:20

ki wɔɔn bi wee bin chee nan wee n pii wɔɔn nimin n biɛn. Ibamɔn bu n yin be ni ban le hali nin dulinya a diɛm.”

Rom Yaab 15:14

N nabum, min tɔɔl kaa biɛni, ni tɔɔl gbee nin nbinben ŋan, ki jɔɔ nbiɛm takpem, ki li fir wɔɔn tab nbamɔm.

Rom Yaab 15:18

Maa li nyi ki pag niba wee naa ye Masiya kaah taam tun litoonl lan ni, ke n liin ban kaa ye Juu yaabin a sam ki wɔɔn bi wee bin chee Uwonbɔr a mɔb nin maah wɔɔn bi man nin maah tun man.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

1 Korenti 14:37

Ni ye uba tiɛr ke u ye ulinlenn bee u jɔɔ Kinaaŋ a piini ke, ni ŋan nin u yaadaan n biɛ ke nan wee n sɔb ki sei ni nan ni ye Uyudaan a siim le.

1 Korenti 7:19

A jii ke ni ye yɔli le, ŋaa ti ji jii ke ni ye yɔli le. Nan kpaa talar ye ni ŋmag Uwonbɔr a siimin le.

2 Korenti 2:3

Ni bu le n nan sɔb kugbɔŋ nan ke, maa ban n dan ki nan kan npoobiin ban bi li che ni li mɔm n ban ni. N jɔɔ tidindann ni biɛn nan bu, ke ni biɛn na li ji n mɔm.

2 Korenti 2:9

Ni nan bu le n sɔb ki mag ni njee ni sin chee n mɔb biɛn waa?

2 Korenti 8:22

Nan kpiɛ, ti yin che ti na a big kiba le nnɔɔ bi ki dan, wan wɔɔn ti waah jɔɔ kɔlisa man nin niwann biɛn ni nin iyoo biɛn, waah jɔɔ tidindann takpem ni bu nbu.

Galantiya 5:10

Uyudaan bu n jɔɔ tidindann ke naa ji li jɔɔ lipotiɛl liba kpiɛ. Uninfo wan ŋmarin ni potiɛl nmɔn ke, Uwonbɔr li dar u daan a tul, ni baga kaa be waah ye wan ni.

Filipi 1:6

n jɔɔ tidindann, ki nyi ke Uwonbɔr wan piin itoon ŋan nan nin ni-n, u yin ŋmag ni man le hali nin n-yonn man wee u na yin diɛ itoon ŋan nmɔn, Masiya a jirin daal.

Filipi 2:12

Ni ma bu n jɔtiib, naah jɔɔ limɔcheel n-yonn man wee n be ni ban nin, ni le li jɔɔ limɔcheel nmɔn n-yonn man wee maa nan be ni ban na, ni tugir ki li tun ke bininfob ban kan nŋmarimin ki li san bijawaam ki li jegila.

1 Tesalonika 4:10

Le ni ye ibamɔn le, ni sin ban n nabum man biɛn be Masedoniya a tiŋin nin. Jigin ti balin ni le ke ni mann tun man takpema.

2 Tesalonika 3:12

Bininfob nmɔn a bol le ti jɔɔ Uyudaan Yisa Masiya a yinl ki kpaan bi ke bin pɔɔn biba wee ki tun ki kan bi tɔɔl a jiir ki ji.

2 Tesalonika 3:6

Uyudaan Yisa Masiya a yinl bu, le ti bei ni ke, n nabum, ni nyan ni num ki sin jiɛn n nabum man biɛn san ligbanyagil kaa be taah wɔɔn bi ke bi li be man nni.

Filemonn 1:21

N jɔɔ tidindann a mɔcheel lan wee a jɔɔ-n bu, ni bu le n sɔb kugbɔŋ nan ki tenniŋ, ki nyi ke a pii li tun ke nin jo nan wee n ke a ŋaa-n.