2 Tesalonika 3:16 - UWONBƆR A GBƆNPƆŊ LIKƆƆNL

¹⁶ Uyudaan wan ye nposɔɔndaan baan tɔɔl n sei ni nposɔɔn isaŋ biɛn nin niwann biɛn nin. Uyudaan li be nin ni biɛn.

Uwumbɔr aagbaŋ

¹⁶ Tidindaan u tii timi nsuudoon na tii nimi nsuudoon n‑yoonn mɔmɔk, tiwan mɔmɔk ponn ni. Tidindaan li bi ni mɔmɔk chee.

2 Tesalonika 3:16 ပူးပေါင်းရင်းမြစ်များ

Matiu 1:23

“Lig! Usapɔɔn wan kaa nyi uja na li choo lipool ki maa kibijag, le bi na li yin u yinl ke Imanuel.” Ni taai le ye, “Uwonbɔr be nin ti.”

Matiu 28:20

ki wɔɔn bi wee bin chee nan wee n pii wɔɔn nimin n biɛn. Ibamɔn bu n yin be ni ban le hali nin dulinya a diɛm.”

Tibɔnyaan ti Luk ŋmee ti na 2:14

“Kupag ye Uwonbɔr wan be paab nan a yaan le. Nposɔɔn li be dulinya nan a ninfob ban bu wee U nyɔɔr be-n.”

Jɔnn 14:27

Nposɔɔn li be ni ni; nposɔɔn man be n nin le n ta sei ni. Maa sei ni ke dulinya kaah tenn man nin ni. Ni laa che ni mug ni sufu ki laa san bijawaami.

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Rom Yaab 1:7

N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Rom Yaab 15:33

Nposɔɔn a Wonbɔru li be nin ni biɛn. Ibamɔn.

Rom Yaab 16:20

Nposɔɔn daan Uwonbɔr li taah Sintani ki mar ni taatum ke naa yuuri. Ti Yudaau Yisa a nyunyunbasanl li be nin ni.

1 Korenti 14:33

Uwonbɔr kaa ye kuŋmaruŋ a Wonbɔru wi. Nin tiwann tan ye yɔli, amaa U ye wan tun nin ni sam bu le. Ke naah be man biwonjiɛm biɛn a sisiigin ni,

2 Korenti 13:11

Ni joorimin n nabum, n chabir ni le, ni li ban nbinben ŋan na, ni gbirim maah len nan nan, ni li jɔɔ lipotiɛl libau, ki li be nin nposɔɔn, le Uwonbɔr wan jɔɔ njiɛm nin nposɔɔni li be nin ni.

Efesusi 6:23

Ti Baa Uwonbɔr nin ti Yudaau Yisa Masiya a posɔɔm, nin u jiɛm, nin yada li be ti nabumin biɛn bu.

1 Tesalonika 3:11

Ti Baa Uwonbɔr baan tɔɔl nin ti Yudaau Yisa n mann nsan ki sei ti wee ti dan ni ban.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

2 Tesalonika 3:18

Ti Yudaau Yisa Masiya a nyunyunbasanl li be ni biɛn bu.

2 Timoti 4:22

Uyudaan li be nin a naaŋ. Linyunyunbasanl li be a bu.

Filemonn 1:25

Ti yudaau Yisa Masiya a nyunyunbasanl li be nin ni naam.

Hiibru Yaab 13:20

Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

Hiibru Yaab 7:2

le Abiraham nan nyan waah jɔɔ nan biɛn piig a poolin libaba ki sei u. Chinchinn, Melikizɛdɛg a yinl a taai le ye “Tibuchinn a bɔru”; le ki ji ye “Salem a bɔru” le li mu a taai ye “Nposɔɔn a bɔru.”