2 Tesalonika 3:14 - UWONBƆR A GBƆNPƆŊ LIKƆƆNL

¹⁴ Ni ye uba kaa chee ti wɔɔnim man be kugbɔŋ nan yaan nan ke, ni li mann nyi u bu ki laa che ni baga be u ni, wee ifa n choo u.

Uwumbɔr aagbaŋ

¹⁴ Unii ubaa yaa kaa dii taah tuk nimi kigbaŋ kee ponn ni pu na kan, ni daan udaan ngbaan, ki taa kpaan u chee. Nima le ga cha inimɔɔn chuu u.

2 Tesalonika 3:14 ပူးပေါင်းရင်းမြစ်များ

Matiu 18:17

Ni ye ke waa chee un gbir ki sei bi ke, a wɔɔn biwonjiɛm a laguŋ; ni ye ke waa ji chee un gbir ki sei biwonjiɛm a laguŋin ke, ni nin jiɛn waah wee u li be ke naah bi li be nin ban kaa ye Juu yaab man ni, bee ulanpogaarin.

Rom Yaab 16:17

N nabum, n balin ni le, ni li dibir bininfob ban jɔɔ nbɔgirim chaan ki nan legin ni samin wee naa chee sei nwɔɔm man wee ni tinn nin. Ni li lɔg ba.

1 Korenti 4:14

Maa sɔb ni niɛ ke n jin ni ifa le, amaa n kpaan ni le, naah ye nbibankaam nbu.

1 Korenti 5:11

Amaa n sɔb ki bei ni ke ni laa jɔɔ nɔɔ nin tab nin ban yi biba ke biwonjiɛm wee ki sin chon tun iwanchɔgin toon lipiibanl bee lijabanl, bee kujaŋuuŋ bee libawomanil bee kutingbiig bee bidanyub bee ban ji bitab dulim. Ni laa lagin ki ka nin u yaadaan ki ji tijiiri.

1 Korenti 5:9

N gbɔŋ kan wee n sɔb ki sei ni-n, n pii bei ni ke ni laa nɔɔ bininfob ban tun iwanjaab toon nni.

2 Korenti 10:6

Ni ye ni jɔɔ limɔcheel ke, ni bɔɔn bu ti mu li ŋa sili ki dar tukangbirdam biɛn a tuli.

2 Korenti 2:9

Ni nan bu le n sɔb ki mag ni njee ni sin chee n mɔb biɛn waa?

2 Korenti 7:15

Waah ban ni man u sufu nni, mann kpiɛg le, ni ye u nan tiɛr ni biɛn kaah jɔɔ limɔcheel ki tenn u man ke, nin naah nan gaa u ki san u bijawaam ki jegil man.

Filipi 2:12

Ni ma bu n jɔtiib, naah jɔɔ limɔcheel n-yonn man wee n be ni ban nin, ni le li jɔɔ limɔcheel nmɔn n-yonn man wee maa nan be ni ban na, ni tugir ki li tun ke bininfob ban kan nŋmarimin ki li san bijawaam ki li jegila.

Kolosiya 4:16

Ni karin kugbɔŋ nan ki diɛ a bɔɔn ke, ni pɔɔn niba wee bin karin ki, ki sei biwonjiɛm a laguŋ kan be Laodisiya nna wee ni mu n karin kugbɔŋ kan be Laodisiya a wonjiɛm ban nin na.

1 Tesalonika 4:8

Mambu uninfo wan yii kaa nɔɔ nwɔɔnim nan ke, naa ye uninfosaal le u yii amaa u yii Uwonbɔr wan sei ni U Kasi a Naaŋin le.

2 Tesalonika 3:6

Uyudaan Yisa Masiya a yinl bu, le ti bei ni ke, n nabum, ni nyan ni num ki sin jiɛn n nabum man biɛn san ligbanyagil kaa be taah wɔɔn bi ke bi li be man nni.

Taitus 2:8

Ki li pag ibamɔn yan wee uba kaa li fir pag bii ti, wee ban kaa chee a wɔɔm nmɔn n ji ifa, nan bu-n baa jɔɔ niba a bɔbir ki li fir pag sei ti.

Taitus 3:10

A kpaan kumabiyiɛrugdaan taaliba bee itaa ilee wee waa kpenn ke, a nyam udaan a bɔrin ki laa ji kan u ki kpiɛ ni kanlin ni.

Filemonn 1:21

N jɔɔ tidindann a mɔcheel lan wee a jɔɔ-n bu, ni bu le n sɔb kugbɔŋ nan ki tenniŋ, ki nyi ke a pii li tun ke nin jo nan wee n ke a ŋaa-n.

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

2 Jɔnn 1:10

Ni ye uba dan a ban wee kaa ŋmag Yisa a wɔɔmin ke, laa che un kɔɔ a niin bee a poor wi.