2 Tesalonika 2:16 - UWONBƆR A GBƆNPƆŊ LIKƆƆNL

¹⁶ Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

Uwumbɔr aagbaŋ

¹⁶ Tɔ, Tite Uwumbɔr gee timi sakpen. Waabulchinn pu, le u tii timi lipobisoon li kaan doo na, ni limakl nyaan.

2 Tesalonika 2:16 ပူးပေါင်းရင်းမြစ်များ

Tibɔnyaan ti Luk ŋmee ti na 16:25

“Amaa le Abiraham nan jiin u ke, ‘N big, li tiɛr ŋaah nan be a miɛfolin ni a nan gaa a wan ŋann na, le Lazarusi mu nan gaa nan kaa ŋan na, amaa daandaan nan u ni be lifooril ni le a mu be limugil ni.

Jɔnn 13:1

Ni nan yin wonn kutaag Yuglagir a Chiigin le. Le Yisa nan nyi ke iyoo foo nin u nya dulinya nan yaan ki jo Baa-n ban. Waah pii nan jiɛ u yaab ban be dulinya nan yaan nin, le u nin nan ta u jiɛm man gbee-n kaah kpaa man ki wɔɔn bi.

Jɔnn 15:13

Njiɛm takpem kaa be ki jon nin uninfosaal nta u miɛfol ki kpenn u jɔtiibi.

Jɔnn 15:9

“Ke Baa-n kaah nan jiɛm man nin, man le n mu jiɛ ni. Daandaan nan li be nin n jiɛmin yaan na.

Jɔnn 16:22

Man le ni ye ki sei ni: Daandaan nan le ye ni sufu biil a yonni, amaa n ji li kan ni le ni jɔɔ nmɔn, le uba kaa li fir ta ni mɔm nmɔn ki sin jiɛn ni.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Lituln 15:11

Aai! Tim ŋa yada ke ti Yudaau Yisa a nyunyunbasanl bu le ti kan nŋmarim, ke bi mu kaah kan man nin.”

Lituln 18:27

Apolosi kaah nan ban un jo Akaya nan le biwonjiɛmin pɔɔg u gbanann ki sɔb kugbɔŋ ki sei bi bɔɔnɔɔb ban nan be niin nin ke, bin gaa mu kuchɔŋ. Waah tan foo niin n-yonn man nin, u sin nan jiir ban ŋa yada, Uwonbɔr a nyunyunbasanl nbu le ki ye literil ki sei bi.

Rom Yaab 1:7

N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Rom Yaab 4:16

Mambu Uwonbɔr a mɔsiinlin nɔɔ nin yada le, ki ye Uwonbɔr a nyunyunbasanl ki si guu Abiraham a yaabili biɛn, naa ye ban ŋmag nsiimin a binba, amaa ban jɔɔ Abiraham a yada-n. U ma ye ti biɛn nan a baa.

Rom Yaab 4:4

Ni ye uninfo tun litoonl ki gaa tiyɔr ke, baa kaan u yɔr nmɔn ke ti ye ipiin ni, amaa ni kpaan un gaa le.

Rom Yaab 5:8

Amaa Uwonbɔr kaah mag ki wɔɔn ti U tɔɔl a jiɛm man wee U jiɛ ti-n ye nan le: Taah le la nan ye tibirdamin, le Masiya kpo ki sei ti.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Efesusi 5:25

Piidam, ni li jiɛ ni piiba, ke Masiya kaah jiɛ biwonjiɛm man wee ki kpo bi bu-n,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 3:11

Ti Baa Uwonbɔr baan tɔɔl nin ti Yudaau Yisa n mann nsan ki sei ti wee ti dan ni ban.

2 Tesalonika 2:13

Ni ye ti le li poor Uwonbɔr le iyoo biɛn ni bu, n nabum, nim ban wee Uyudaan jiɛ, nan bu-n npiinimin Uwonbɔr nan gann ni le ke ni kan nŋmarim Kinaaŋin a pɔɔmin ki ŋa ni u kasi a ninfob nin naah ŋa ibamɔn nin yada-n.

Taitus 1:2

yada nmɔn nin nbiɛmin tɔɔ tama kan wee bi jɔɔ ke bi na li kan limiɛfol lan kaa jɔɔ diɛmin bu le, ke Uwonbɔr, wan kaa por tibɔkarin, kaah nan siin limɔsiinl ke u na li sei ti limiɛfol nmɔn n-yonn man wee dulinya kaa la nan piin nin,

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 7:19

(nsiim nmɔn kaa nan fir ŋa niba kasi), mambu le Uwonbɔr wɔɔn ti tama kan ŋan, nan che ti fɔɔr mal Uwonbɔr.

1 Jɔnn 3:16

Ni niɛ nan le che ti biɛr njiɛm kaah ye nan: Yisa Masiya kaah nan gaa ti kum ki kpe-n. Ni ŋan nin ti mu nkpo ti nabum bu.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 22:5

Kunyiɛg kaa ji na yin be nin yaan ni. Baa ji na li ban fila a wonweemi, bee nween a wonweemi, nan bu-n Uyudaan Uwonbɔr na li sei bi nwonween. Le bi na li ji nnaam ki li be hali nin iyoo yan kaa jɔɔ ndiɛm.

Tibɔkpiirkaan 3:9

N li ŋa ban be Sintani a jiɛndiigin, wee ki ke bi ye Juu yaab amaa wee kaa sin ye Juu yaabin, ki ye bilinlaribin, n li che bin dan ki nan gbaan ni taatum ki tiɛr ke n jiɛ ni.