2 Tesalonika 1:9 - UWONBƆR A GBƆNPƆŊ LIKƆƆNL

⁹ Bi li ji fala wan kaa jɔɔ ndiɛmi bi tudaril nmɔn a poolin. Uwonbɔr na li ŋɔɔr bi ki nyan Uyudaan ban ki che bin lann u pɔɔm man jɔɔ jilima-n,

Uwumbɔr aagbaŋ

⁹ Tidindaan ga nyan bi unimbiin ni, waapɔɔn ni waawiihn sakpiin chee. U ga daa bitafal, ki cha bi ji falaa n‑yoonn mu kaa kpa ndoon na.

2 Tesalonika 1:9 ပူးပေါင်းရင်းမြစ်များ

Matiu 16:27

Nan bu-n uninfosaal a Big na li jirin nin u Baa a pag, nin u malakam iyaayoo nmɔn, u na li yɔ uninfo biɛn nin u toon kaah ye man.

Matiu 22:13

“Tɔ, le ubɔrin bei ban guu-n ke, ‘Ni lol u nɔɔi nin u taai, wee ki ta u nya tan gab nkaafiin libunbɔnlin na. Nan yaan wee timɔr nin kufabuŋ nin linyinŋmanl na yin be-n.’

Matiu 24:30

“N-yonn nmɔn, bi na li kan Uninfosaal a Big a siɛra kitilangbɔŋin, le kutingbɔŋ nan biɛn na li fabin, ki kan Uninfosaal a Big kaah be kitilangbɔŋin ki chaan nin npɔɔn nin kupag takpem.

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Matiu 25:46

Le bi na li jo ki tan kɔɔ litudaril lan kaa jɔɔ ndiɛm ni, amaa le bibuchim n mu li jo ki tan gaa limiɛfol lan kaa jɔɔ ndiɛmin.”

Matiu 26:24

Uninfosaal a Big li jo ke naah sɔb Uwonbɔr a gbɔŋin u bu man ni. Amaa woo ni li bir ki sei wan yin kɔɔr Uninfosaal a Bigin! Baa bi ma udaan gbaa ke, ni bi sɔ.”

Matiu 7:23

Iyaayoo nmɔn le n mu na li bei bi npaan ni ke, ‘Maa nyi ni, nim titoonbirdam nan, ni fɔr n ban na!’

Tibɔnyaan ti Luk ŋmee ti na 13:27

“Amaa le u ji li jiin ke, ‘Maa nyi ni, kaa nyi naah nyan nan yaan ni. Nim ti toonbir dam nan biɛn, ni fɔɔr n ban na!’

Jɔnn 5:14

Lidaal nmɔn a bɔɔn le Yisa nan ban kan u iwonjiɛn niin le ki bei u ke, “Lig, a pɔɔga. Jiɛn tibir a tuma, naa ye man ke nan bir jon man li fir kaŋ.”

Filipi 3:19

Bi na yin joor nŋmi-n le, bi weem le ye bi pooi, le bi pag ye bi fai. Bi potiɛl biɛn be dulinya nan a wan yɔɔrin le.

1 Tesalonika 5:3

N-yonn man wee bininfob li len ke “Nposɔɔn dan na bi gaa bi ba-n,” libol nmɔn le tibɔbir li dan bi bu, ni na yin be le ke nmarwiɛn kaah choo upii ke ni be man nin, le baa li ŋmari.

2 Tesalonika 2:8

Le limɔyiildaan nmɔn n nin kpiirin, wan wee Uyudaan Yisa na yin foor u mɔb a faam ki ku u, u dan daal nmɔn u na li bii limɔyiildaan nmɔn.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 10:29

Mambu, ni tiɛr ke baa a tudaril kpaan nin uninfo wan taah Uwonbɔr a bija a taal bu nan n kan naa, wan ŋa ncham man ye Uwonbɔr a poorin tijaginn a ŋaar, wee ncham nmɔn ŋunn udaan, wee udaan ji sug Uwonbɔr a nyunyunbasanl a Naaŋin naa?

2 Piita 2:17

Bininfob nmɔn nann kinyunbuŋ kan kaa jɔɔ nyum le nin liŋunl lan wee nfaam daar li chaa-n le. Libunbɔnjal le siin ki guu bi.

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

Juud 1:13

Bi nann limɔgil a nyungbann tan fii takpemin le, le bi fai a toon nmɔn nann ke bichiib a puugin. Bi nann iŋmabil yan chon jin le. Uwonbɔr pii mann libunbɔnjal le li si guu bi.

Tibɔkpiirkaan 20:11

Le n kan kunaangbɔŋ pɔŋ takpoŋ, nin wan ka ki bu-n. Le kutingbɔŋ nin kitilangbɔŋ nan guun fɔɔr u ban kaa ji jɔɔ binbeboli.

Tibɔkpiirkaan 20:14

Le u ta nkum nin kitakpiin tiŋ ki gab nŋmi a mɔgilin yaan. Nŋmi a mɔgil nmɔn le ye nkum man kpiɛ milee.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.