2 Tesalonika 1:5 - UWONBƆR A GBƆNPƆŊ LIKƆƆNL

⁵ Ni niɛ biɛn ye siɛra le ki wɔɔn ke Uwonbɔr a bɔjil ŋan, le ni joorimin bi li kan ni ki kpiɛ bininfob ŋamin Uwonbɔr a naam man bu wee ni ji fala nan.

Uwumbɔr aagbaŋ

⁵ Binib aah ŋani nimi falaa pu na, nima le mɔk ke Uwumbɔr yaa daa bitafal kan, ni ŋan. Naah ji falaa pu na, Uwumbɔr aanaan pu le ni ji. Nima le Uwumbɔr ga len ke ni ŋeer ke ni koo waanaan ngbaan ni.

2 Tesalonika 1:5 ပူးပေါင်းရင်းမြစ်များ

Tibɔnyaan ti Luk ŋmee ti na 20:35

Amaa ban kpaan nin dulinya pɔŋin nin nkum a fiimin, bijab kaa na li kɔɔn bipiib le bipiib mu kaa li kun bijabi,

Tibɔnyaan ti Luk ŋmee ti na 21:36

Ni li guu nbamɔma, ki sin li miɛ Uwonbɔr wee ni fir guun ŋmar nan biɛn yin ŋa nan, wee ni nan fir ki sir uninfosaal a bija-n a nintogil.”

Lituln 13:46

Le Pɔɔl nin Banabasi le pag nin lipoobil ke, “Ti chinn pag tibɔr nan ki sei nim Juu yaab le. Amaa naah yii tibɔr nmɔn, ki ji tiɛr ke naa ŋan nin ni kan limiɛfol lan kaa jɔɔ ndiɛmin bu, ni ma che ti jiɛn ni, le ki chaa ban kaa ye Juu yaab ban.

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

Efesusi 4:1

Min wan ye uloondiikɔɔr Uyudaan a toon yin bu-n, n balin ni le ke ni che ni binbem nkpaan ni yim man wee ni nan ga-n.

Filipi 1:28

naah kaa san bininfob ban fann ni nan. Ni ma ye siɛra ki wɔɔn bi ke baa li kan nnyaŋim mi, amaa nim li kan n nŋmarim man nyan Uwonbɔr ban.

Kolosiya 1:12

wee ni li tenn ti Baa Uwonbɔr kunɔɔpoog, wan sei ni npaan ke nim nin uninfo gannkaabin nan por lifaal lan be nwonween a naam a yerin nin yaan nin.

1 Tesalonika 2:14

Amaa nim ban ye ti nabum nan, ni toog biwonjiɛm a laginn ban be Judiya wee ki be Masiya ni nle. Ni jin fala ni tɔɔl a bol yaabin le ke biwonjiɛm a laginn nmɔn kaah nan jin fala Juu yaab a nɔɔn man nin,

2 Tesalonika 1:11

Naah be ti sufu-n nin bu, le ti miɛ Uwonbɔr ki tenn ni iyoo biɛn, ke ti Wonbɔru n ŋa ni bininfob ŋam ke waah yin ni ki ban ni li be man nin, ki che naah tiɛr nan biɛn n ŋa n ŋam ki sei ni u yaa pɔɔm bu, ki che ni gbaar ni yada a toonlin.

2 Timoti 2:12

ni ye ti pɔɔn tiba ke, ti mu wo li ji u nnaamin. Ni ye ti yii u ke, u mu wo li yii ti

Tibɔkpiirkaan 15:4

Ŋma kaa na li saŋa, Uyudaan aa, le ki ta kupag ki sei a yinlaa? Nan bu-n a binba le be kasi. Ibol biɛn na li dan ki nan jiɛniŋ a nintogil, nan bu-n a buchinn toon-yin kpiira.”

Tibɔkpiirkaan 16:7

Le n gbir likukɔl kaah nyan libinbinlin ban ki len ke, “Nn, Uyudaan Uwonbɔr Npɔɔn biɛn daan, a bɔjil ŋan le ki ye ibamɔn.”

Tibɔkpiirkaan 19:2

nan bu-n U bɔjil ŋan le ki ye ibamɔn. U bii lipiijagɔɔril takpenlin na, wan ta iwanchɔgin toon ki boon kutingbɔŋin. U dar u tul ki jiin U toontumin a cham buu.”

Tibɔkpiirkaan 3:4

Amaa ni jɔɔ bininfob wama Sadisi ban kaa che bi wan yɔɔr gbarin niba. Min nin bi ma na yin lagin chonn ki yee tiwanpenn, nan bu-n bi kpaan nin man le.