2 Piita 3:7 - UWONBƆR A GBƆNPƆŊ LIKƆƆNL

⁷ Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

Uwumbɔr aagbaŋ

⁷ Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.

2 Piita 3:7 ပူးပေါင်းရင်းမြစ်များ

Matiu 10:15

N bei ni ibamɔn le, lidaal lan wee Uwonbɔr nan yin ji bininfob tibɔrin, kitiŋ nmɔn yaab a tudaril na li jo Sodom nin Gomoriya yaab yaal.

Matiu 11:22

Amaa n bei ni le, lidaal lan wee Uwonbɔr na yin ji bininfob tibɔr nan, ni tudaril na li jo Taya nin Sidonn yaab yaal.

Matiu 11:24

Amaa n bei ni le, tibɔr a ji daal, ni tudaril na li jo Sodom yaab yaal.”

Matiu 12:36

Amaa n bei ni le, tibɔr a ji daal Uwonbɔr na li ji uninfo biɛn tibɔr nin baah pag tibɔyɔɔr tan biɛn nin bu.

Matiu 24:35

Paab nin tum na li jo, amaa n bɔr kaa jɔɔ tin jo.

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Tibɔnyaan ti Mak ŋmee ti na 6:11

Ni ye ni foo kitiŋ kiba ni, wee bininfobin kaa gaa ni ke, ki mu kaa ji pel ni wɔɔnim n ke, ni nya kitiŋ nmɔn yaan na, wee ki pir ni taai a tan ki jaa kitiŋ nmɔn yaan na, wee ni li ye siɛra biig ki sei bi.”

Jɔnn 12:48

Wan yii min kaa ŋaan maah len man nin ke u daan a bɔjiru be; nan li ku u idajoorikaa ye n mɔleen yan n pagin le.

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

1 Korenti 3:13

u toonl nmɔn li wɔɔn liba la ye lan, nan bu-n Yisa a jirin daal nŋmi li na yin kpiir li ki mag uninfo biɛn a toonl ki lig li ŋam kaah ye man.

Filipi 1:28

naah kaa san bininfob ban fann ni nan. Ni ma ye siɛra ki wɔɔn bi ke baa li kan nnyaŋim mi, amaa nim li kan n nŋmarim man nyan Uwonbɔr ban.

2 Tesalonika 2:3

Ni laa che uba n ta niba lar ni, lidaal nmɔn kaa la yin foo see ke wan kɔnn nin bininkpeeb nin limɔyiildaan nin nyan npaan ni, wan a binbebol ye nŋmi-n nin.

1 Timoti 6:9

Bininfob ban ban bin ŋa bijɔɔndamin, bi ma kɔɔ nbigimin, nin kupeŋin nin ijɔrig takpem a wann nin kɔlisa kan ye kidaŋ ki bii bininfob wee bi lurin.

Hiibru Yaab 12:29

ni ma bu “Ti Wonbɔru nmɔn ye nŋmi man gaan le.”

2 Piita 2:9

Ni ye Uyudaan ŋa man biɛn ke, U nyi waah li ŋa man ki fee ban ye biwonjiɛmin ki jaa bi mugilin, amaa le ki guu ban kaa ye bibuchimin tibɔr a ji daal, nin waah na tugir ki dar bi tuli man.

2 Piita 3:10

Amaa ti Yudaan a dam nmɔn na yin nann unaayig a dann le. Papaab na li fɔɔr nin tifur takpenn; le nŋmi na li gaa tiwann tan be papaabin, le tum nin tiwann tan be tum nmɔn na li dɔɔn yɔli.

2 Piita 3:12

a li ke naah lig Uwonbɔr a daal wee ki ban ke li pii bi foon nin. Lidaal nmɔn le nŋmi na yin gaa ki bii papaab, le nŋmi nmɔn a tuntom na li che tiwann tan be paab ndenn.

1 Jɔnn 4:17

Ni niɛ nan bu, njiɛm ŋa dede ti ban na le ti li fir jɔɔ tidindann tibɔr a jidaal, nan bu-n ti nann U le dulinya nan yaan.

Juud 1:7

Ni ye man le a li ke, Sodom nin Gomoriya nin ntim man nan mal bin a ninfob kaah nan tun iwanchɔgin toon bi piibanlin nin bi jabanlin nin ichɔgin. Bi ma ye limagil ki wɔɔn ban nan yin kɔɔ nŋmi-n a fala a jim kaah na li ye man.

Tibɔkpiirkaan 17:11

Kuwanbiig kan pii nan be wee kaa jin nan be-n, le ye ubɔr wan kpiɛ biniin nin. U ye bibɔrtiib bilile-n a ni uba le, le ki chaa u biim a bol.

Tibɔkpiirkaan 17:8

Kuwanbiig kan wee a kan nin, nan be le, le kaa ji be daandaan nan ni, le ki na li nyan libogil lan nyɔɔ n-yaan ki jo nan yaan wee bi li bii u. Le kutingbɔŋ yaab ban a yin kaa sɔb be limiɛfol a gbɔŋin n-yaan dulinya a piinimin nin, bi nan kan kuwanbiig nmɔn ke ni li gar bi, nan bu-n u pii nan be, le kaa ji be daandaan nan nin, le ki ji na li dan.

Tibɔkpiirkaan 20:11

Le n kan kunaangbɔŋ pɔŋ takpoŋ, nin wan ka ki bu-n. Le kutingbɔŋ nin kitilangbɔŋ nan guun fɔɔr u ban kaa ji jɔɔ binbeboli.

Tibɔkpiirkaan 21:1

Le n kan paab pɔŋ nin kutingbɔŋ pɔŋ, nan bu-n chinchinn a papaab nin chinchinn a tumin nan fɔɔra, le limɔgil kaa ji be.