2 Piita 3:12 - UWONBƆR A GBƆNPƆŊ LIKƆƆNL

¹² a li ke naah lig Uwonbɔr a daal wee ki ban ke li pii bi foon nin. Lidaal nmɔn le nŋmi na yin gaa ki bii papaab, le nŋmi nmɔn a tuntom na li che tiwann tan be paab ndenn.

Uwumbɔr aagbaŋ

¹² ki li lik Uwumbɔr aawiindaal aah ga fuu ni buyoonn na, ki cha ninimbil li man nwiin ngbaan pu. Liyaadaal ngbaan, le paacham ga gaa mmii ki donn. Mmii mu ton sakpen na ga donn paacham aawan mɔmɔk.

2 Piita 3:12 ပူးပေါင်းရင်းမြစ်များ

Matiu 16:27

Nan bu-n uninfosaal a Big na li jirin nin u Baa a pag, nin u malakam iyaayoo nmɔn, u na li yɔ uninfo biɛn nin u toon kaah ye man.

Matiu 16:28

N bei ni ibamɔn le, biba be doo kaa li kpo see ke bi nan kan Uninfosaal a Big kaah na li foon nin nnaam man.”

Filipi 1:6

n jɔɔ tidindann, ki nyi ke Uwonbɔr wan piin itoon ŋan nan nin ni-n, u yin ŋmag ni man le hali nin n-yonn man wee u na yin diɛ itoon ŋan nmɔn, Masiya a jirin daal.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

2 Piita 3:10

Amaa ti Yudaan a dam nmɔn na yin nann unaayig a dann le. Papaab na li fɔɔr nin tifur takpenn; le nŋmi na li gaa tiwann tan be papaabin, le tum nin tiwann tan be tum nmɔn na li dɔɔn yɔli.

2 Piita 3:11

Tɔ, ni niɛ biɛn kaah na li gab yɔli nan, ni kpaan ni li ye ŋmam maa? Ni kpaan ni li be nbinben man ye kasi le nin nwonjiɛn binben,

2 Piita 3:4

Bi na li len ke, “Waah nan siin limɔsiinl ke u li dan nin, u dam nmɔn be laa? Hali ti baam a kum a bɔɔn ki nan kpaa daandaan nan, niwann biɛn le la be le ke dulinya a naan yonn nin.”

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

Juud 1:21

Ni li ŋmag niba Uwonbɔr a jiɛmin yaan na, ki li guu Uyudaau Yisa Masiya a nyunyunbasanl lan na yin ta ni ki kɔɔ limiɛfol lan kaa jɔɔ ndiɛmin yaan.