2 Piita 2:4 - UWONBƆR A GBƆNPƆŊ LIKƆƆNL

⁴ Ni ma bu Uwonbɔr kaa nan jiɛn malakam ban nan tun tibirin nni, amaa le ki nan ta bi jaa nŋmi-n, nan yaan wee ntuton be-n wee bi nan kan tibɔr a jim.

Uwumbɔr aagbaŋ

⁴ Hali Uwumbɔr aatuuntiib bi nan tun titunwanbir na, Uwumbɔr aa nan di cha bi, u daa bitafal la. U buu bi idɔribi, ki di bi lii mmii mu kaan junn na ni, mbɔmbɔɔn ni, bi li bi nima ki ti saa bundaln u ga ji bi tibɔr na.

2 Piita 2:4 ပူးပေါင်းရင်းမြစ်များ

Matiu 25:41

“Le u na li bei ban si u nɔɔgam paamin, ‘Nim ban wee limɔpool nɔɔ nan, fɔɔr n ban na, ki li chaa ki tan kɔɔ nŋmi man gaan kaa jɔɔ njunim wee Uwonbɔr mann ki guun ulinlaril nin u malakam mi.

Matiu 8:29

Le bi tiɛn ki ke, “Fin Uwonbɔr a bija, tim nin fin babu, a dan a nan jin ti fala wee iyoo kaa la foo?”

Tibɔnyaan ti Mak ŋmee ti na 5:7

le ki yigin nkukɔpɔɔn ki ke, “Yisa Uwonbɔr wan be paab nan a Bija, min nin fin babu? Poo Uwonbɔr bu ke, ŋaa li mugirimi!”

Tibɔnyaan ti Luk ŋmee ti na 10:18

Le u jiin ke, “N kan Sintani kaah nyan papaab ki lunn ke utaal li nyagin ni.

Tibɔnyaan ti Luk ŋmee ti na 8:31

Iyaayoo le nnaanbiim nmɔn nan gbaa balin Yisa ke u laa che bin jiir kubonyɔɔŋ nan yaan ni.

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Rom Yaab 11:21

Ni bu ni ye Uwonbɔr kaa nan jaa isiig a bon ke waa yin jaa a mu.

Rom Yaab 8:32

Uwonbɔr wan kaa nan yii U tɔɔl a bija a kum bu, amaa le ki ta u mann kumanug ki sei ti biɛn, ke ni yin ŋa nii wee waa ji li fir ta U ki kpiɛ tiwann tan biɛn gurin bu ki sei taa?

2 Piita 2:11

hali malakam, kaah le jɔɔ tigbanann a pɔɔn takpemin gbaa, baa jɔɔ kutingbiig a galin ki tenn ban be papaabin Uyudaan a nintogili.

2 Piita 2:5

Waa nan jiɛn yaaja yoo a ninfob a bir ki per bi wee ki nan che nnyum jin ban kaa jɔɔ ween nin, le ki nyan Nowa, wan nan mɔɔn tibuchinn a binbem, nin bininfob bilile.

2 Piita 2:9

Ni ye Uyudaan ŋa man biɛn ke, U nyi waah li ŋa man ki fee ban ye biwonjiɛmin ki jaa bi mugilin, amaa le ki guu ban kaa ye bibuchimin tibɔr a ji daal, nin waah na tugir ki dar bi tuli man.

1 Jɔnn 3:8

Wan tun nan bir ke u ye ulinlaril a ninfou le, nan bu-n ulinlaril pii ye wan tun tibir le npiinimin na. Nan bu wee Uwonbɔr a Bija nan degirin ni, nan ye un bii ulinlaril a toon le.

Juud 1:13

Bi nann limɔgil a nyungbann tan fii takpemin le, le bi fai a toon nmɔn nann ke bichiib a puugin. Bi nann iŋmabil yan chon jin le. Uwonbɔr pii mann libunbɔnjal le li si guu bi.

Juud 1:6

Le malakam ban kaa nan ŋmag bi ninkper a pɔɔm a sisibol amaa wee ki fɔɔr bi baantɔɔl a niin yin nin, Uwonbɔr ta ni niɛ le ŋa libunbɔnlin, ki lol bi tikulor tan kaa jɔɔ chiim ki guu tibɔr a jim lidaal takpenlin daal.

Tibɔkpiirkaan 20:10

Le Sintani wan lar bin, Uwonbɔr ta u ki gab lichibil lan gaan nŋmi-n ni a mɔgilin yaan, nan yaan wee bi nan ta kuwanbiigin nin tibɔkar a linlemin ki gabin. Ni yaan le bi yin ji fala nween nin kunyiɛg hali nin iyoo yan kaa jɔɔ diɛm.