2 Piita 2:3 - UWONBƆR A GBƆNPƆŊ LIKƆƆNL

³ Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

Uwumbɔr aagbaŋ

³ Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

2 Piita 2:3 ပူးပေါင်းရင်းမြစ်များ

Matiu 23:14

Woo nim ban wɔɔnn nsiim nin Farasii yaab nan, nim le ye bilinlarib nmɔn, nan bu-n ni gaan ipukɔɔ a niin, ki miɛ Uwonbɔr ki yuur, ni tudaril na li yab takpem.

Tibɔnyaan ti Luk ŋmee ti na 18:8

“N bei ni le, u yin sei bi ibamɔn le weem. Amaa Uninfosaal a Big nan foon n-yonn man ke u li kan yada daam kutingbɔŋ nan yaan naa?”

Tibɔnyaan ti Luk ŋmee ti na 20:20

Baah ni nan guu win, le bi nan tun bininfob penkaab, ban nan ta biba ŋa ke bipopendamin. Bi nan jɔɔ tama ke bin choo Yisa u mɔboi bu, wee ki ta u ki sei tininkper a pɔɔm nin npɔɔn man biɛn be ban ŋma kitiŋin a nɔɔn.

Tibɔnyaan ti Luk ŋmee ti na 22:47

Waah nan be ki pag nin u bɔɔnɔɔbin, le bi kan kuninfogbaluŋ chaan. Le Judasi wan nan ye u tooi piig nin bilee-n a ni uba, nan lii bi sam, le ki nan fɔɔr mal Yisa ke un poor u,

Jɔnn 2:16

Le ki bei bilanjel kɔɔribin ke, “Ta i ki nya doo! Ni laa nyi ta n Baa a niin ki labir kinyaŋi!”

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

1 Tesalonika 2:5

Ni nyi ke taa la nyi ki dan nan pag ni nmɔmɔmi, bee tibɔr tan degin kujaŋuuŋ a bɔri, Uwonbɔr le ye ti siɛra daau.

1 Tesalonika 5:3

N-yonn man wee bininfob li len ke “Nposɔɔn dan na bi gaa bi ba-n,” libol nmɔn le tibɔbir li dan bi bu, ni na yin be le ke nmarwiɛn kaah choo upii ke ni be man nin, le baa li ŋmari.

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 3:8

Ni li ye man ki sei bititerib mu, ni kpaa talar le nin bi li jɔɔ nbinben ŋan wee bininfob li tenn bi jilima, ki li ye bibamɔndam, ki laa nyuu ndaam takpemi, ki laa ban bin kan tiyɔr tibɔkar bu.

1 Timoti 6:5

ki far limɔkpel nin bininfob ban tiɛr tipotiɛbir bi sufu-n nin, bi lann bibamɔn le ki nyi ke liwonjiɛnl ye njɔɔm a wan le.

Taitus 1:11

Ni kpaa talar le nin bin ŋmin, nan bu-n bi choon kɔɔ bininfob biɛn a niin yin le ki wɔɔn nwɔɔm man kaa kpaan nin bi li wɔɔn ni, bi wɔɔn man ki ban tinyɔɔr tan kaa jɔɔ jilima le.

Taitus 1:7

Nibu, uwonjiɛn sanliir kaah ŋmag Uwonbɔr a toon yin ni, naa ŋan nin u li jɔɔ igalin bee ki mugir u tabi, ki laa ye wan a ŋuul fii yɔli yɔli, ki laa ye udanyugbeeri, ki laa ye ukɔnban bee ki laa ban tinyɔɔr tan kaa jɔɔ jilima.

1 Piita 2:8

nin, “Litangbagil lan che bininfob gbiɛr nin litangbagil takpenl lan che bininfob lur.” Bi gbiɛr li le, nan bu-n baah kaa chee Uwonbɔr a bɔrin bu, wee ni mu ye Uwonbɔr kaah siin bi man le yen nin.

1 Piita 5:2

Ni li kpaa Uwonbɔr a peei yan wee u taa ŋa ni nɔɔn nin na, ki li tun ke uwonjiɛn sanliira wee ni laa ye bi mug ni le amaa ni tɔɔl a bam bu, ke Uwonbɔr kaah ban ni li be man nin; kaa ye ilig a bam bu, amaa ki li ye ban ŋa sili nin ni tun;

2 Piita 1:16

Taa nɔɔ nlam a teeni isaŋ yan wee ti nan taah wɔɔn ni ti Yudaau Yisa Masiya a pɔɔm nin u dam a bɔrin ni, amaa ti ye siɛra jib le ban a num nan kan u jilima-n.

2 Piita 2:1

Amaa tibɔkar a linlem mu nan be bininfob nmɔn ban, ke ban wɔɔnn tibɔkar kaah na li be ni mu ban man nin. Bi na li woon ki ta nan kaa ye ibamɔn ki wɔɔn ni, hali ki yii Uyudaan wan jɔɔ npɔɔn biɛn wee ki nan daa bin, ki ban nbiin man yin dan weem ki jaar biba bu.

2 Piita 2:9

Ni ye Uyudaan ŋa man biɛn ke, U nyi waah li ŋa man ki fee ban ye biwonjiɛmin ki jaa bi mugilin, amaa le ki guu ban kaa ye bibuchimin tibɔr a ji daal, nin waah na tugir ki dar bi tuli man.

Juud 1:11

Bi woo tibɔbir be bi bu! Bi gaa Kenn a toon le, bi ban tinyɔɔr le weem weem le ki kɔɔ Balaam kaah kɔnn nin bininkpeeb; le ni bii bi Kɔra mɔyiilin bu.

Juud 1:15

ke un ji uninfo biɛn tibɔr, ki choo ban kaa ye biwonjiɛm biɛn baah nɔɔ nan kaa ye liwonjiɛnl a sam ki ŋaan tiŋaar tan kaa ye Liwonjiɛnl a ŋaarin bu, nin titintann a mɔleen yan wee tibirdam ban kaa ye biwonjiɛm pag ki galin Uwonbɔr nan.”

Juud 1:16

Bininfob nmɔn ŋulin le ki ban bitab a galin; bi nɔɔ bi baantɔɔl a gbanann a kɔlisa; ki far bi tɔɔl a gbingban ki jɔɔ nmɔmɔn nin bininfob bi tɔɔl a nyɔɔr bu.

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.

Juud 1:7

Ni ye man le a li ke, Sodom nin Gomoriya nin ntim man nan mal bin a ninfob kaah nan tun iwanchɔgin toon bi piibanlin nin bi jabanlin nin ichɔgin. Bi ma ye limagil ki wɔɔn ban nan yin kɔɔ nŋmi-n a fala a jim kaah na li ye man.