2 Piita 2:2 - UWONBƆR A GBƆNPƆŊ LIKƆƆNL

² Bininfob takpem na li nɔɔ bi fai nmɔn a sam, le ki che ibamɔn a samin kaa jɔɔ jilima.

Uwumbɔr aagbaŋ

² Binib pam ga dii baasanwanbir ngbaan. Bi pu le binib ga sii mbamɔn aasan na.

2 Piita 2:2 ပူးပေါင်းရင်းမြစ်များ

Matiu 22:16

Bi nan tun bi bɔɔnɔɔb biba nin Herɔd a ninfob u ban, le bi tan baan u ke, “Wan wɔɔn, ti nyi ke a ye ubamɔn pagir le, ki wɔɔn bininfob Uwonbɔr a bɔr nbamɔm nan bu-n a baga kaa be bininfosaalib kaah ye ban ni.

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Matiu 7:14

Limiɛfol a timansanmɔnn n ma kaa yalin ni, le mi sanchonl pɔɔ nin nnɔɔm, mambu che bininfob wama nan le kan mi.

Tibɔnyaan ti Mak ŋmee ti na 12:14

Le bi nan foon ki baan u ke, “Wan wɔɔn, ti nyi ŋaah pag ibamɔn, kaa san bijawaam nin bininfob kaah li tiɛr man ni. A biɛ wɔɔn bininfob Uwonbɔr a sam nin ibamɔn, le a baga kaa be nin uninfo kaah ye wan ni. Mambu, bei ti ni, ni ŋan nin ti yɔ lampo ki sei Rom a tiŋ a bɔru Siiza, bee ti laa yɔɔ?”

Tibɔnyaan ti Mak ŋmee ti na 13:22

Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Lituln 13:10

“A ye ulinlar a big le, ki ye nan ŋan biɛn a dataag! A gbee nin kularug le iyoo biɛn nin nbiin. A li jiɛn ki laa labir Uyudaan a bamɔn yin ki ŋa ti tibɔkaraa?

Lituln 14:2

Amaa Juu yaab ban kaa nan chee ŋa yada-n nan bii ban kaa nan ye Juu yaabin a sufu le. Le bi ŋuui fii biwonjiɛmin bu.

Lituln 16:17

Le kibisiɛgin nɔɔ Pɔɔl nin tim ban gurin a bɔɔn ki tann papaab ke, “Bininfob nan ye Uwonbɔr wan kaa jɔɔ kpiɛg nan a toontum le, le ki bei ni naah li ŋa man ki kan nŋmarim.”

Lituln 18:26

Le u piin ki pag Uwonbɔr a bɔr nin lipoobil, Juu yaab a wonjiɛndiigin. Le Pirisila nin Akula gbir u bɔr nmɔn, le ki nan ta u kun ki tan mann wɔɔn u Uwonbɔr a sam nbamɔm.

Lituln 19:9

Amaa bi ni biba nan ye tukangbirdam le; kaa chee Yisa a sam, ki pag tibɔbir kuninfogbaluŋin yaan ki jiin Uyudaan nmɔn paam. Le Pɔɔl fɔɔr jiɛn bi. Le ki ta biwonjiɛmin jon Tiranusi a wɔɔnim a diigin, le idaa biɛn ke u wɔɔn bi niin.

Lituln 22:4

N nan mugir ki ku ban nɔɔ Yisa a samin le, ki ji chor bijab nin bipiib ki loog kuloondiigin,

Lituln 24:14

Amaa, n che ke, n jiɛn Uwonbɔr wan ye ti yaajam a weemin le, ki nɔɔ u siimin, man wee bi ke maa ye ibamɔn nin. N ŋa nan sɔb nsiim a gbɔŋin nin nan sɔb Uwonbɔr a linlem a gbann nin yaan biɛn yadau,

Rom Yaab 2:24

Ke naah sɔb Uwonbɔr a gbɔŋin man nin: “Ban kaa ye Juu yaabin sugir Uwonbɔr le nim Juu yaab bu.”

1 Timoti 5:14

Ni bu n kpaan bipiisapɔm ban ye ipukɔɔ nbiɛn le ke bin kum bijab, ki maa nbuwaab, ki li lig bi niin nbamɔm wee ki laa che kidataagin n kan npaan ki ŋa kutingbiigin.

Taitus 2:5

ki li chor biba, ki li be kasi, ki li jɔɔ inunman bi niin yin, ki li be nbamɔm, ki li ye ban cheel bi chiɛb a mɔɔŋi, ni ma li che uba kaa li fir pag ki bii Uwonbɔr a bɔri.

Taitus 2:8

Ki li pag ibamɔn yan wee uba kaa li fir pag bii ti, wee ban kaa chee a wɔɔm nmɔn n ji ifa, nan bu-n baa jɔɔ niba a bɔbir ki li fir pag sei ti.

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

2 Piita 2:12

Amaa bilinlarib nan, bi wɔɔn biba le ki sugir tibɔr tan biɛn wee baa nyi ti taai. Bi nann kulɔŋ a wankor le, tiwann naan wann tan kaa nyi niba, tan be wee bi nan chor tan kɔr, bi na li kpo ke tiwankorin.

2 Piita 2:15

Bi ta nsan man telin le gab ki bor ki nɔɔ Balaam Bɔɔr a bija, wan ban npooton a yɔrin.

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.

2 Piita 2:21

Ni ye baa bi nyi tibuchinn a samin ke, ni bi li ŋan ki sei bi ki jon nin baah nyi mi wee ki labir bi bɔɔn ki kpaa kasi a siim man wee bi nan ta sei bi nna.

2 Piita 2:7

Le U nan fee Lɔɔr wan nan ye ubuchin wee ban bii nsiimin nan mugir win gab,

Juud 1:10

Amaa bininfob nan ma sugir niwann nan biɛn wee baa biɛ le nin tiwann tan wee bi nyi wee kaa jɔɔ nlamgɔrikaami, ke tiwankor tan kaa jɔɔ potiɛlin, tiwann nmɔn le bii bi.

Juud 1:15

ke un ji uninfo biɛn tibɔr, ki choo ban kaa ye biwonjiɛm biɛn baah nɔɔ nan kaa ye liwonjiɛnl a sam ki ŋaan tiŋaar tan kaa ye Liwonjiɛnl a ŋaarin bu, nin titintann a mɔleen yan wee tibirdam ban kaa ye biwonjiɛm pag ki galin Uwonbɔr nan.”

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.

Juud 1:7

Ni ye man le a li ke, Sodom nin Gomoriya nin ntim man nan mal bin a ninfob kaah nan tun iwanchɔgin toon bi piibanlin nin bi jabanlin nin ichɔgin. Bi ma ye limagil ki wɔɔn ban nan yin kɔɔ nŋmi-n a fala a jim kaah na li ye man.

Tibɔkpiirkaan 12:9

Le bi nyan kutunwiɛŋ takpeŋ nmɔn gab, u pii ye uwaa wan nan be le yaayoo-n, wee bi yi u ke ulinlaril bee Sintani, wan liir dulinya yaab a sam ki che bi borin, le bi nyan uma nin u malakam ki gabin dulinya nan yaan.

Tibɔkpiirkaan 13:14

Chinchinn a wanbiigin kaah sei u npɔɔn man wee u si u taalin ki fir ŋa siɛra a toon yin, ni bu che u fir lar dulinya yaaba. Le ki bei bi ke bin maa litingbanl nin jilima lan nann chinchinn a wanbiigin kan nan kan takoobi a daŋ amaa wee kaa kpe-n.

Tibɔkpiirkaan 13:8

Bininfob ban biɛn be dulinya nan yaan wee bi yin kaa sɔb ŋa Kipeebig kan wee bi nan ku-n a miɛfol a gbɔŋin yaan dulinya nan a piimin nin, bi biɛn nan yin jiɛn kuwanbiig nmɔn le.