2 Piita 2:1 - UWONBƆR A GBƆNPƆŊ LIKƆƆNL

¹ Amaa tibɔkar a linlem mu nan be bininfob nmɔn ban, ke ban wɔɔnn tibɔkar kaah na li be ni mu ban man nin. Bi na li woon ki ta nan kaa ye ibamɔn ki wɔɔn ni, hali ki yii Uyudaan wan jɔɔ npɔɔn biɛn wee ki nan daa bin, ki ban nbiin man yin dan weem ki jaar biba bu.

Uwumbɔr aagbaŋ

¹ Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

2 Piita 2:1 ပူးပေါင်းရင်းမြစ်များ

Matiu 10:33

Wan mu ke waa ye n bɔɔnɔɔru bininfobin ke, n mu na li ke maa nyi wi, n Baa wan be paab nan ban.

Matiu 24:11

le tibɔkar a linlem na li nyann ki nan lar bininfob takpem.

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Matiu 24:5

Nan bu-n bininfob takpem na li ta n yinl ki dan ki ke bi ma ye min Masiya nan, ki lar bininfob takpem.

Matiu 7:15

“Ni li nyi tibɔkar a linlem nan bu, ban chaan ni ban ki nann ipee, wee ki sin ye igbingbel bamɔn nan.

Tibɔnyaan ti Mak ŋmee ti na 13:22

Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab.

Tibɔnyaan ti Luk ŋmee ti na 12:9

amaa wan mu ke waa nyim bininfobin ke, min Uninfosaal a Big mu na li ke maa nyi wi Uwonbɔr a malakam ban.

Tibɔnyaan ti Luk ŋmee ti na 21:8

Le u jiin ke, “Ni li nyi man, wee uba laa lar ni. Nan bu-n bininfob takpem na li dan n yinl bu, ki len ke, ‘Min sɔ,’ bee ‘Iyonn nmɔn mala.’ Ni laa nɔɔ bi.

Tibɔnyaan ti Luk ŋmee ti na 6:26

Woo, nim ban wee bininfob biɛn pagir ni nan, nan bu-n man le bi baam nan pagir tibɔkar a linlem.

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

1 Korenti 11:19

Naa jɔɔ nbiɛnimi, ni ye ni li jɔɔ nbɔgirim le ni sisiigin wee nin wɔɔn ban ye bibamɔndamin kaah ye ban ni sisiigin.

1 Korenti 6:20

Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

1 Korenti 7:23

Uwonbɔr daa ni le ki yɔn; Mambu ni laa ji ŋa bininfob a yomi yi.

Galantiya 2:4

Tibɔr nmɔn nan nyan nnabum man por tibɔkar tenn bi ba ke bi mu ye Yisa a bɔɔnɔɔbin le, bi nan be ti sisiigin le ki pigir ti ki ban bin biɛ taah gaa ti ba Masiya bu man wee ki ŋa ti nsiim a yomi.

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Galantiya 4:17

Bininfob biba jɔɔ inunman ki ban ni ta ni baga ŋa bi ni, amaa naa ye ni ŋam bu le bi ŋaan nmɔn ni. Bi ban bin ta ni ŋa bicham ti ban, naah li ŋa man wee ni li jɔɔ inunman ki ta ni baga ŋa bi ni.

Galantiya 5:20

nin libawol manil nin kusɔɔg; kininaŋ, likɔnl, lipiiponl, liŋuul, npooton a bam, kumaabiyiɛrug, nbɔgirim,

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 4:14

Taa ji yin ye nbuwaab tirimi, wee bilinlarib a wɔɔnimin li jɔɔ ti ki yeŋ ke kubulunkpoŋ kan wee kunyungbɔŋ daar ki yeŋ chaa kaah ban nan paami.

Filipi 3:19

Bi na yin joor nŋmi-n le, bi weem le ye bi pooi, le bi pag ye bi fai. Bi potiɛl biɛn be dulinya nan a wan yɔɔrin le.

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

Kolosiya 2:8

Ni laa che uba n ta uninfosaal a biɛm man kaa jɔɔ nyɔɔrin ki lar ni kɔɔn tiyomirin ni, ni ma nyan bininfob a kaalin le nin kutingbɔŋ nan a maabiyiɛrugin, naa nyan Yisa ban ni.

1 Timoti 5:8

Ni ye wan kaa ter u maali, nin naah jann tɔɔ ban bu u tɔɔl a niin yaab ke, u yaa daan kaa ji ŋa yada le nmɔn, ni bu u bir ki jon wan kaa ye uwonjiɛn na

2 Timoti 4:3

Iyoo chaan le bininfob kaa ji na yin pelig ibamɔn a wɔɔmi. Amaa le ki nɔɔ bi sufu a bam, bi na li lagin ban wɔɔnn takpem ke bin pag bi tuli kaah saag ki ban bin gbir nan ni.

Taitus 1:11

Ni kpaa talar le nin bin ŋmin, nan bu-n bi choon kɔɔ bininfob biɛn a niin yin le ki wɔɔn nwɔɔm man kaa kpaan nin bi li wɔɔn ni, bi wɔɔn man ki ban tinyɔɔr tan kaa jɔɔ jilima le.

Taitus 3:10

A kpaan kumabiyiɛrugdaan taaliba bee itaa ilee wee waa kpenn ke, a nyam udaan a bɔrin ki laa ji kan u ki kpiɛ ni kanlin ni.

Hiibru Yaab 10:29

Mambu, ni tiɛr ke baa a tudaril kpaan nin uninfo wan taah Uwonbɔr a bija a taal bu nan n kan naa, wan ŋa ncham man ye Uwonbɔr a poorin tijaginn a ŋaar, wee ncham nmɔn ŋunn udaan, wee udaan ji sug Uwonbɔr a nyunyunbasanl a Naaŋin naa?

1 Piita 1:8

Hali naah kaa le kan u nni, amaa ni jiɛ u; nin hali naah kaa le la kan u daandaan nan gbaa, ni ŋaa u yadau, mambu le ni gbee nin nmɔn man kaa jɔɔ magimi,

2 Piita 2:3

Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

1 Jɔnn 2:26

N sɔb ni tiwann nan le ki tenn ni ki jiin ban ban bin lar ni ki kɔɔn kulɔŋ nbu.

1 Jɔnn 4:1

N jɔtiib ni laa ŋa kinaaŋ biɛn yada, amaa ni mag kinaaŋ biɛn njee ki nyan Uwonbɔr ban na, nan bu-n tibɔkar a linlem takpem dan dulinya nan yaan na.

Juud 1:18

Bi nan bei ni ke, “Iyoo yan na yin joorin, ban yɔɔlin na li be, ki nɔɔ bitɔɔl a wonjiɛnl a kɔlisa birug.”

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.

Tibɔkpiirkaan 13:14

Chinchinn a wanbiigin kaah sei u npɔɔn man wee u si u taalin ki fir ŋa siɛra a toon yin, ni bu che u fir lar dulinya yaaba. Le ki bei bi ke bin maa litingbanl nin jilima lan nann chinchinn a wanbiigin kan nan kan takoobi a daŋ amaa wee kaa kpe-n.

Tibɔkpiirkaan 2:13

N nyi naah be nan yaan, nan yaan wee Sintani a naam a gbɔŋ be-n. Amaa le ni sin ŋmag n yinl nbamɔm. Naa ta naah ŋaam yada-n ki jaa, hali nin Antipasi a yonn nin wan nan ye n yada a siɛradaau ibamɔn nin, wee bi nan ku u ni tiŋin ni, Sintani a binbebolin.

Tibɔkpiirkaan 2:9

N nyi ni fala a jim bu nin naah ye faladam, amaa ni ye bijɔɔndam le! Ki nyi biba kaah jɔɔ kutingbiig ki bei ni ke bi ye Juu yaab le amaa kaa sin ye; amaa bi ye Sintani a wonjiɛndiig a ninfob le.

Tibɔkpiirkaan 3:8

N nyi ni ŋaar kaah ye man. Ni lig, n loor ntisamɔn le ki sei ni le uba kaa li fir loon ntisamɔn nmɔn ni. N nyi naah jɔɔ npɔɔn wama, amaa ni biɛn yɔli ni ŋmag n mɔleen le kaa yii n yinli.

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.

Tibɔkpiirkaan 6:10

Le bi nan yin nin nkukɔpɔɔn ki ke, “Uyudaan wan jɔɔ npɔɔn biɛn, fin wan ye kasi nin ubamɔndaan, ni yin yuur ki tan kpaan niin a tarig wee a ji dulinya nan yaab tibɔr ki jiin ti cham a pɔnlaa?”