2 Piita 1:8 - UWONBƆR A GBƆNPƆŊ LIKƆƆNL

⁸ Ni ye nbinben ŋan nan a bosu magir ni ki kpiɛ ke, mi li che naa li walin gurin bee naa li ye ban kaa jɔɔ nyɔɔri, ni biɛm ti Yudaau Yisa Masiya ni.

Uwumbɔr aagbaŋ

⁸ Nimi aabimbin yaa moo bi kina mbamɔm kan, nima le ga cha ni bee Tidindaan Yesu Kristo mbamɔm, ki tun waatuln sakpen, ki ŋa tinyoor tii u.

2 Piita 1:8 ပူးပေါင်းရင်းမြစ်များ

Matiu 13:22

Ndibim man lu ikunkon nin nan mu le ye wan gbir Uwonbɔr a bɔr, amaa le dulinya nan a mugil nin njɔɔm a bam lu ki nyagin i bu, le taa li fir naan ni.

Matiu 20:3

“Naah nan nan foo tikur tiwiɛ le ukpadaan nmɔn fii ki jon kinyaŋin, ki tan kan biba ki miin bi si le kaa tun niba.

Matiu 20:6

Le ni nan nan foo tikur tiŋmu le u jir ki tan kan biba ki miin bi si le, le u baan bi ke, ‘Ba ŋa wee ni si do yɔli liwonmunl kaa tun ni baa?’

Matiu 25:26

“Le u yudaau jiin bei u ke, ‘Fin utoontunn wan a pool to nan a ye ugbanyagdaan le! A pii nyi ke n chiɛ nan wee maa bun le, ki ji nyi ke n pii nan wee maa yaal ni le.

Jɔnn 15:2

U gaar ibon yan biɛn be nni wee kaa lo iloon nin le ki jaar, le ki mann gbar ibon yan biɛn lo iloon nin wee yin mann lo iloon.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 5:42

amaa n nyi naah ye lininfobol lan. N nyi ke naa jiɛ Uwonbɔr ni sufu ni.

Rom Yaab 12:11

Ni laa san ligbanyagili, amaa wee ki li ŋmag kinaaŋin ni sufu ni, ki li tun tenn Uyudaan na.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

2 Korenti 13:5

Ni mag ni bau njee ni sin be nin yadaa; ni baan ni bau. Naa nyi ke Masiya be ni ban naa? Wee naa ye ni lu ni magilin le-n.

2 Korenti 8:2

Nin bi fala nin bi bigim takpem a poolin, ni biɛn yɔli, ni nan mɔŋ bi le takpem le bi nan pu Uwonbɔr ipiin nin npopeen.

2 Korenti 8:7

Amaa naah jɔɔ nan yaba: Ni yada, nin ni pipagir, nin ni nyinyim, nin linunmanl nin njiɛm wee ni jɔɔ nin ti, ni mu che ni nyunyunbasanl a piini li yaba.

2 Korenti 9:14

Baah miɛ Uwonbɔr ki tenn nin, bi sufu le kun ni, Uwonbɔr kaah ta nyunyunbasanl lan kaa jɔɔ tarig ki sei ni nbu.

Filipi 1:9

N miɛ Uwonbɔr le ke: Ni jiɛm nmɔn n mann ki kpiɛ ki ji kpiɛ ni nlamin nin nbiɛmin,

Filipi 2:5

Ni che ni binbem li be ke Masiya a binbemin:

Filipi 3:8

Ni la yab ki jon ni tɔɔ, maah ta niwann biɛn gab nin maah gaa Masiya n yudaau wan jɔɔ tinyɔɔr ki jon niwann biɛn nin, uma bu le n ta niwann biɛn gab. Min ban ke ni ye lifatanpol a mɔɔr le naah li ŋa man wee n fir ki gaa Masiya,

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

Kolosiya 2:7

ki baan inyaan ki yabig nin uma, ki pɔɔg ni yada-n ke baah nan wɔɔn ni man nin, ki che ni nɔɔpoog li yaba ki tenn Uwonbɔr.

Kolosiya 3:16

Ni che Masiya a bɔŋann nin li be nin ni nbamɔma, wee ni li wɔɔn ni tab, ki gbeer tab nin nlamgɔrikaam, ki li gaah ilan, liwonpagil a lan, nin Kinaaŋ a lan nin linungbeel ni sufu ni ki sei Uwonbɔr.

1 Tesalonika 3:12

Uyudaan n che njiɛm man wee ni jɔɔ ban ni tabin n mann tann ki pii uninfo biɛn, ke ti yaa bamin kaah be nin ni man nin.

1 Tesalonika 4:1

N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

2 Tesalonika 1:3

N nabum, ni ye ti poor Uwonbɔr le ni bu, ni ŋan nin ti ŋa man, nan bu-n ni yada-n le mann yabirig le takpem, le njiɛm man wee ni jiɛ tabin mann kpiɛg le.

1 Timoti 5:13

Nan kpiɛ, ni che bi bii bi saŋi le, ki jin kɔɔ bininfob a niin yin ki chaa, naa ye bi bii bi saŋ a binba le, amaa bi su libɔɔnsul le ki jɔɔ linunmanl lan kaa jɔɔ nyɔɔri, ki kɔɔ tibɔr tan kaa nyan bi-n

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Filemonn 1:6

N miɛ Uwonbɔr le ke a li tun nin linunmanl ki li por yada kan wee a jɔɔ-n, wee nin che a biɛ nbamɔm niwann ŋan nan biɛn wee ti jɔɔ Masiya ni-n.

Hiibru Yaab 6:12

Taa ban ni ŋa bigbanyagdami, amaa ni toog ban nan ŋa yada wee ki jɔɔ limɔrilin na, wee nin che ni kan lifaal lan wee Uwonbɔr nan siin limɔsiinlin.

2 Piita 1:2

Uwonbɔr a nyunyunbasanl nin nposɔɔn li be ni bu takpem, naah biɛ Uwonbɔr nin ti Yudaau Yisa nbu.

2 Piita 1:3

Waah jɔɔ Uwonbɔr a pɔɔm man nin bu che ti jɔɔ taah ban nan limiɛfolin biɛn nin nwonjiɛn binben taah biɛ u nbu, wan yin ti u baantɔɔl a pag nin u ŋam bu-n.

2 Piita 2:20

Ni ye baah nyan dulinya nan a ŋmaruŋin, baah nyi ti Yudaau nin ti feeru Yisa Masiya-n, wee ni ye kuŋmaruŋ nmɔn ji choo bi ki nyaŋ bi ke, bi joorim na li bir ki jo bi piinim.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.