2 Piita 1:3 - UWONBƆR A GBƆNPƆŊ LIKƆƆNL

³ Waah jɔɔ Uwonbɔr a pɔɔm man nin bu che ti jɔɔ taah ban nan limiɛfolin biɛn nin nwonjiɛn binben taah biɛ u nbu, wan yin ti u baantɔɔl a pag nin u ŋam bu-n.

Uwumbɔr aagbaŋ

³ Waapɔɔnsakpiin pu, le u tii timi tiwan nimɔk ga ter timi ke ti kan limɔfal ki dii u mbamɔn na. Taah nyi u pu na, nima le cha u tii timi. U nan mɔk timi ke u ŋan sakpen, ki kpa mbimbinyaan, ki yin timi ke ti dii u,

2 Piita 1:3 ပူးပေါင်းရင်းမြစ်များ

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Rom Yaab 8:32

Uwonbɔr wan kaa nan yii U tɔɔl a bija a kum bu, amaa le ki ta u mann kumanug ki sei ti biɛn, ke ni yin ŋa nii wee waa ji li fir ta U ki kpiɛ tiwann tan biɛn gurin bu ki sei taa?

Rom Yaab 9:24

hali tim, ban wee U yin nin mu, naa ye ban nyan Juu yaab a bolin nin a binba, amaa ban nyan ban kaa ye Juu yaab a bolin nin mu?

1 Korenti 1:9

Uwonbɔr wan yin ni ke ni li jɔɔ nɔɔnintab nin U bija Yisa Masiya wan ye ti Yudaau win, U ye yada daan le.

2 Korenti 12:9

Amaa le u beim ke, “Maah saŋ kunyunyunbaag man ni kpaan nin ŋa, N pɔɔm jɔɔ yaag idaburigin le.” Ni bu n li fa ligbingbanl takpem n daburigi yin bu, wee Masiya a pɔɔm li be n ban.

Efesusi 4:1

Min wan ye uloondiikɔɔr Uyudaan a toon yin bu-n, n balin ni le ke ni che ni binbem nkpaan ni yim man wee ni nan ga-n.

Efesusi 4:4

Tigbanann tiba nin Kinaaŋ kiba le be, ke baah nan yin ni tama kiba bu a yim man nin,

Filipi 3:8

Ni la yab ki jon ni tɔɔ, maah ta niwann biɛn gab nin maah gaa Masiya n yudaau wan jɔɔ tinyɔɔr ki jon niwann biɛn nin, uma bu le n ta niwann biɛn gab. Min ban ke ni ye lifatanpol a mɔɔr le naah li ŋa man wee n fir ki gaa Masiya,

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

Kolosiya 1:16

Uma bu le niwann biɛn nan naan: Nan be papaab nin tum, nan wee ti ga nin nan wee taa ga, naah ye kunaangbɔŋ bee ipɔɔn bee nnaam a pɔɔm bee tininkper a pɔɔm; uma nan naan niwann biɛn le ki ye niwann biɛn.

1 Tesalonika 2:12

ki pɔɔgir ni gbanann, ki sɔŋir ni sufu, ki balin ni ke ni li be nbinben ŋan man gbeeg Uwonbɔr wan yin ni ki ta ni kɔɔn U naam man jɔɔ jilima-n a num.

1 Tesalonika 4:7

Uwonbɔr kaa yin ti ke ti li jɔɔ tijaginn ni, amaa ke ti li jɔɔ kasi a binbem.

2 Tesalonika 2:14

Tibɔŋann tan wee ti pag tenn nin le Uwonbɔr ta yin ni, ke nim nin ti Yudaau Yisa Masiya n nan lagin kan u jilima-n.

1 Timoti 4:8

Tigbanann a tunim jɔɔ tinyɔɔr ti ba ti ni, amaa nwonjiɛn binben jɔɔ tinyɔɔr niwann biɛn ni, ki ŋmag limɔsiinl lan tun daandaan nan nin iyoo yan la chaan nin.

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

1 Piita 1:15

Amaa Uwonbɔr wan yin ni kaah be kasi man nin, ni mu li be kasi nin ni toon biɛn nin na;

1 Piita 1:5

ban wee Uwonbɔr a pɔɔm guu ni-n, ni yada bu-n, hali nin feegab a nyɔɔr kaah na li foon, tan ŋa sili ki na li kpiir iyoo yan na yin joorin.

1 Piita 2:21

Ni nan bu le Uwonbɔr nan yin ni, nan bu-n Masiya nan jin fala ni bu-u, ki wɔɔn ni limagil, ke ni li nɔɔ u tabogi ya.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

1 Piita 3:9

Ni laa jɔɔ tibir ki yɔ tibiri bee ki laa sug ban sug ni ki jiin ni, amaa ni li kaab tikaar ŋan tenn ban kaa ŋaa ni choba, ni niɛ nan bu le Uwonbɔr nan yin ni ke ni nan kan tikaar a faal.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

2 Piita 1:10

Mambu, n nabum, ni biɛn pɔɔn niba nin linunmanl ki che ni yim nin ni gannimin li ye ibamɔn na. Nan bu-n ni ye ni ŋa man ke, naa li lu,

2 Piita 1:2

Uwonbɔr a nyunyunbasanl nin nposɔɔn li be ni bu takpem, naah biɛ Uwonbɔr nin ti Yudaau Yisa nbu.

2 Piita 1:5

Ni niɛ nan bu, ni pɔɔn niba ki ta nbinben ŋan ki kpiɛ ni yada ni, ki ji che nbiɛm nkpiɛ nbinben ŋan nin;

2 Piita 1:6

ki ta choonba ki kpiɛ nbiɛn nin; ki ta nnyiginim ki kpiɛ choonba-n, ki ta nwonjiɛn binben ki kpiɛ nnyiginimin;

2 Piita 1:8

Ni ye nbinben ŋan nan a bosu magir ni ki kpiɛ ke, mi li che naa li walin gurin bee naa li ye ban kaa jɔɔ nyɔɔri, ni biɛm ti Yudaau Yisa Masiya ni.

2 Piita 2:20

Ni ye baah nyan dulinya nan a ŋmaruŋin, baah nyi ti Yudaau nin ti feeru Yisa Masiya-n, wee ni ye kuŋmaruŋ nmɔn ji choo bi ki nyaŋ bi ke, bi joorim na li bir ki jo bi piinim.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.