2 Piita 1:17 - UWONBƆR A GBƆNPƆŊ LIKƆƆNL

¹⁷ Nan bu-n u nan kan jilima nin kupag ti Baa Uwonbɔr ban n-yonn man wee, likukɔl nan nyan U jilima a pagin yaan ki len ke, “N bija sɔ, wan wee N jiɛ; uma le N num gbee.”

Uwumbɔr aagbaŋ

¹⁷ Ti nan bi u chee buyoonn Tite Uwumbɔr nan pak u ki nyuŋ u na. Uwumbɔr aaneel nan nyan ni paacham nin chee wiin chain na, ki bui ke, “Njapɔɔn u m gee u na sɔ. Nnimbil gbiin uma la.”

2 Piita 1:17 ပူးပေါင်းရင်းမြစ်များ

Matiu 12:18

“N toontunnu sɔ, u ma le n gann, wan wee n jiɛ, le n pool sɔɔn u bu. N li ta n naaŋin ki ŋa u ni. Le u li mɔɔn tibɔbamɔnn ki sei ibol biɛn.

Matiu 17:3

Le bi kan Moziz nin Elaja degirin nba bu, ki si ki pag nin Yisa.

Matiu 17:5

Piita a mɔb kaa la nan lu tumi, le kitalangbɔŋ peŋ nyan paab ki nan degin bi bu, le bi gbir likukɔl liba pag kitilangbɔŋin, ki ke, “N bija sɔ, wan wee n num gbee, ni pelim u bɔr man.”

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Matiu 3:17

Le likukɔl nyan paab ni ki len ke, “N bija sɔ, u ma le N jiɛ, u ma le N num gbee.”

Tibɔnyaan ti Mak ŋmee ti na 1:11

Le likukɔl nan nyan paab ki ke: “Fin le ye n bijiɛkaag; fin le n num gbee.”

Tibɔnyaan ti Mak ŋmee ti na 9:7

Iyaayoo nmɔn le kitilangbɔŋ nan piin bi bu, le bi gbir likukɔl kitilangbɔŋin a paab ke, “N bijiɛkaag sɔ, ni chee u mɔba man.”

Tibɔnyaan ti Luk ŋmee ti na 10:22

N Baa le ta ni nan biɛn ki seim; uba kaa nyi Bija-n kaah ye wan ni see Baa nmɔn a binba, le uba mu kaa nyi Baa nmɔn kaah ye wan ni see Bija-n nin ban mu wee Bija-n gann ki kpiir ki wɔɔn ni.”

Tibɔnyaan ti Luk ŋmee ti na 3:22

le Kasi a Naaŋ jiirin u bu nin tigbanann ki nann ulanjel. Le likukɔl nyan paab ki len ke, “Fin le ye n bija, wan wee n jiɛ; fin le n num gbee.”

Jɔnn 10:15

a li ke Baa-n kaah nyim man nin wee n mu nyi Baa-n, le n ta n miɛfol kpenn ipee-n.

Jɔnn 10:36

ke wan wee Baa-n nan gann wee u ye u yaa win ki tunn u dulinya nan yaan nin? Ba ŋa wee ni galim ke n sugir Uwonbɔr maah ke ‘N ye Uwonbɔr a Bija-n’ buu?

Jɔnn 14:11

Ŋaam yadau maah len ke n be nin Baa-n wee Baa-n be nin min nin, bee ŋa ligaril a siɛramin yadau.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

Jɔnn 20:17

Le Yisa bei u ke, “Laa bibim ki ŋmag mi, nan bu-n maa la jir Baa-n ban ni. Amaa li chaa n nabumin ban ki tan bei bi ke, ‘N chaa jir N Baa nin ni Baa, N Wonbɔru nin ni Wonbɔru win ban le.’ ”

Jɔnn 3:35

Baa-n kaah jiɛ Bija-n bu le u ta niwann biɛn ki ŋa u nɔɔn.

Jɔnn 5:20

Baa-n kaah jiɛ Bija-n bu le u wɔɔn u nan biɛn u ŋaan. Nn, u li wɔɔn u niwann nan jon man hali ke nin gar ni.

Jɔnn 5:26

Ke Baa-n kaah jɔɔ limiɛfol u baantɔɔl man nin, man le u sei Bija-n npɔɔn ke u mu li jɔɔ limiɛfol u baantɔɔla.

Jɔnn 6:27

Ni laa tun ki ban tijiir tan li bii, amaa ni li gbaar ban tijiir tan li che ni kan limiɛfol lan kaa jɔɔ diɛm, tan wee Uninfosaal a Bigin yin sei ni-n. Uwonbɔr wan ye Baa-n le ta u cheem a daagim ki paan u bu.”

Jɔnn 6:37

Nan biɛn wee Baa-n ta seim li dan n ban, le wan biɛn dan n ban ke maa li ŋɔɔr wi.

Jɔnn 6:39

Le Uwonbɔr wan nan tunimin a wiib kaah ban man sɔ, ke n laa lann nan biɛn wee u ta seimin ni, amaa ke lidajoorikaalin ke n don bi paab.

Rom Yaab 15:6

wee ni ye ni jɔɔ sufu uba nin mɔbiba ke ni li fir pag Uwonbɔr wan ye Uyudaan Yisa Masiya a baa-n.

2 Korenti 1:3

N pagir Uwonbɔr wan ye Yisa Masiya a baa-n; ti Baa wan san ti kunyunyunbaag ki jɔɔ nposɔɔn biɛn.

2 Korenti 11:31

Ti Yudaau Yisa a Baa Uwonbɔr wan ŋan nin npagim iyoo biɛn ni, U ma nyi maah kaa por tibɔkari.

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

2 Jɔnn 1:3

Ti Baa Uwonbɔr nin Yisa Masiya wan ye Baa-n a Bija-n a nyunyunbasanl, nin nposɔɔn li be ti ban ibamɔn nin njiɛm.

Juud 1:1

Min Juud wan ye Yisa Masiya a toontunnu ki ye Jemisi a nabigin, Le sɔb kugbɔŋ nan tenn bininfob ban wee Uwonbɔr yin bin, wee bi ye Uwonbɔr a ninfob jiɛkaab wee Yisa Masiya ŋmag bin: