2 Piita 1:11 - UWONBƆR A GBƆNPƆŊ LIKƆƆNL

¹¹ man le li che ni ga ipoor ŋan ki kɔɔ nnaam man kaa jɔɔ diɛm ti Yudaau nin ti feeru Yisa Masiya nin.

Uwumbɔr aagbaŋ

¹¹ Uwumbɔr ga tii nimi nsan ke ni koo Tidindaan Yesu Kristo u gaal timi lir na aanaan mu ga li bi n‑yoonn mu kaa kpa ndoon na ni.

2 Piita 1:11 ပူးပေါင်းရင်းမြစ်များ

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Jɔnn 10:10

Unaayigin dan le u nan su ki ku ki bii; min dan le ke bin kan limiɛfol, ki kan li nin linungbeel.

Rom Yaab 2:4

Bee a ziɛn Uwonbɔr a binben ŋamin a yabim nin U chee sei nin U mɔril nlee, kaa nyi ke Uwonbɔr kaah jɔɔ nbinben ŋan man nin ban a kpenn a binbem lee?

1 Korenti 15:24

Ni bɔɔn bu le dulinya a diɛm nfoon, u nan nyaŋ nnaam kaah ye niwann nan biɛn nin mi pɔɔm ke ni bɔɔn bu u yin ta nnaamin ki ŋa u Baa Uwonbɔr a nɔɔn le.

2 Korenti 5:1

Ti nyi ke dulinya nan a gbanann tan nann kunanboŋ wee ti be nan ber ke, ti jɔɔ iniin yan wee Uwonbɔr maa, iniin yan kaa jɔɔ nlumi ki be Uwonbɔr a niin, iniin yan wee uninfosaal kaa maa yi.

Efesusi 3:20

Uwonbɔr a pɔɔm kaah tun nin ti nbu, u li fir ki tun niwann biɛn ki sei ti ke nin jo taah tiɛr nan bu ki miɛ win,

1 Timoti 6:17

Kpaan ban ye bijɔɔndam dulinya kan yaan wee ti be nan ke bi laa jɔɔ kalanbaani bee ki ta bi tama ki ŋa njɔɔm man kaa si bogiliba nan yaan ni, amaa bin che bi tama li be Uwonbɔr ban, wan tenn ti njɔɔm man biɛn wee ti jɔɔ ter tiba-n.

2 Timoti 4:18

Uyudaan li nyam niwanbirilin kaah li legim nan yaan biɛn, wee ki nan taam kun U paab a naamin yaan soon. Uma ye npagim nin isaŋ yan kaa jɔɔ diɛmi. Ibamɔn.

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Hiibru Yaab 6:17

Nan bu-n Uwonbɔr kaah nan ban Un wɔɔn ban na yin kan U mɔsiinlin a gbeemin, ibamɔn ke waa yin kpenn waah bon man nin bu, le U nan poo tipoor.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

2 Piita 1:5

Ni niɛ nan bu, ni pɔɔn niba ki ta nbinben ŋan ki kpiɛ ni yada ni, ki ji che nbiɛm nkpiɛ nbinben ŋan nin;

2 Piita 2:20

Ni ye baah nyan dulinya nan a ŋmaruŋin, baah nyi ti Yudaau nin ti feeru Yisa Masiya-n, wee ni ye kuŋmaruŋ nmɔn ji choo bi ki nyaŋ bi ke, bi joorim na li bir ki jo bi piinim.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.

Tibɔkpiirkaan 3:21

Wan fir ki nyaŋ ke, n li sei udaan nsan wee min nin uma n nan lagin ki kal n naangbɔŋin bu. A li ke maah nan nyaŋ wee min nin n Baa lagin ki kal U naangbɔŋ bu man nin.

Tibɔkpiirkaan 5:10

Le a jin bi nnaam, ki ta bi ŋa biminmanib ke bi li jiɛn ti Wonbɔru, le bi na li kal kunaangbɔŋin bu.”