2 Korenti 9:8 - UWONBƆR A GBƆNPƆŊ LIKƆƆNL

⁸ Le Uwonbɔr le che U nyunyunbasanl takpem li be ni bu, wee niwann biɛn nin iyoo biɛn ke, ni li jɔɔ naah ban nan biɛn, wee ni che ke ni fir tun itoon biɛn.

Uwumbɔr aagbaŋ

⁸ Uwumbɔr ga ŋmaa ŋa tinyoor mɔmɔk ŋa ni pu, aan ni taa lann nibaa. Ni ga li kpa ki gur, ki ga ŋmaa tii binib bimɔk lann na.

2 Korenti 9:8 ပူးပေါင်းရင်းမြစ်များ

Lituln 9:36

Upii wonjiɛn uba mu nan be Jopa, le u yinl ye Tabita, (amaa le Girig a leen yin, bi nan yi u ke Dokasi). U nan tun itoon ŋan le iyoo biɛn ki tenn faladam.

1 Korenti 15:58

Mambu n nabum, ni mann sir nbamɔma. Ni laa che niba n boon ni, ki li tun u yudaan a toon yin iyoo biɛn na, nan bu-n ni nyi ke ni toon yan wee ni tun ki tenn u yudaan ni kaa yin gab yɔli.

2 Korenti 13:3

naah ban ni biɛ ke Masiya le sin jɔɔm ki pagi. Waa ye kidaburig le ni sisiigin ni, u jɔɔ npɔɔn ni ban.

2 Korenti 8:19

Nan kpiɛ, biwonjiɛm a laginn nin le ji gann u ke u li nɔɔ ta wee ti tu ipiin yan wee bi nan ŋaan wee yin don uyudaan baantɔɔl a yinl, ki ji wɔɔn taah jɔɔ linunmanl nin ti ter man.

2 Korenti 8:2

Nin bi fala nin bi bigim takpem a poolin, ni biɛn yɔli, ni nan mɔŋ bi le takpem le bi nan pu Uwonbɔr ipiin nin npopeen.

2 Korenti 8:7

Amaa naah jɔɔ nan yaba: Ni yada, nin ni pipagir, nin ni nyinyim, nin linunmanl nin njiɛm wee ni jɔɔ nin ti, ni mu che ni nyunyunbasanl a piini li yaba.

2 Korenti 9:11

Ni li ŋa biwandam niwann biɛn ni, wee ki li pu kulaguŋin iyoo biɛn, tim bu ni piini nmɔn li kpann kupag ki tenn Uwonbɔr.

Efesusi 2:10

Uwonbɔr le naan tim, Yisa Masiya bu le u sei ti itoon ŋan a binbem, ke ti li tun man wee u pii nan lol ke ti li tun nin na.

Efesusi 3:20

Uwonbɔr a pɔɔm kaah tun nin ti nbu, u li fir ki tun niwann biɛn ki sei ti ke nin jo taah tiɛr nan bu ki miɛ win,

Filipi 4:11

Naa ye maah lann niba bu le n pag man nin, amaa n tinn le ki che n num gbee maah jɔɔ nan n-yonn biɛn nin.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

2 Tesalonika 2:17

Un sei ni lipoobil ki pɔɔg ni gbanann nin itoon ŋan nin imɔleen ŋan.

2 Timoti 2:21

Ni ye uninfo ŋmag uba nin tibuchinn kaa tun tibir ke, bi li ta u ki tun ibuchin toon, yan ye kasi, ki ŋan sei Uyudaan wee ki ŋa sili nin un tun itoon ŋan nin ke.

2 Timoti 3:17

wee nin che Uwonbɔr a ninfou a binbem li ŋan, wee un fir tun itoon ŋan biɛn.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Taitus 3:14

Ni kpaa le nin ti ninfob ntinn ki ta biba ki sei itoon ŋan a tum, ki ter bi lidaal biɛn baah ban nan, wee ki laa be nbinben man kaa jɔɔ tinyɔɔri.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

1 Piita 4:10

Uninfo biɛn n taam ipiin yan wee Uwonbɔr sei win, ki ter u kpiɛtiib nbamɔm nin nŋmagŋam Uwonbɔr a nyunyunbasanl kaah ye man balbal.