2 Korenti 9:2 - UWONBƆR A GBƆNPƆŊ LIKƆƆNL

² N nyi naah ban ni ter bi. N gbaa far ligbingbanl le ni bu Masedoniya yaab ban, ki bei bi ke nim ban be Akaya a timin ni, jirib n-yaan ni nan ŋa sili le nin ni ter, ni yaa nunmanl bu che Masedoniya yaab mu ban bin ter le.

Uwumbɔr aagbaŋ

² M nyi ke ni ban ni ter bi. M nan pak nimi Masedonia aanib chee, ki bui bi ke nimi bi bi Griis aatiŋ ni na nan ban ni ter Yesu aanib giina. Ninimbil aah man ke ni ter Uwumbɔr aanib pu na, nima le cha bi ponn ni pam mu ban bi ter bi.

2 Korenti 9:2 ပူးပေါင်းရင်းမြစ်များ

Lituln 18:12

N-yonn man wee Galio nan ye Akaya a tingbɔŋ a bɔr yudaau win, le Juu yaab nan lagin tab ki tan leg Pɔɔl, ki ta u jon bibɔjib ban.

Lituln 24:17

“Maah nyan Jerusalam ni yuur pam, le n nan jir niin ki ŋmag ipiin ke n ta sei n ninfob ban ye bilanjiimin, ki sin mann kumanug.

Rom Yaab 15:26

Nan bu-n Masedoniya nin Akaya yaab nan jɔɔ nmɔn ke bin chaar ki sei biwonjiɛm ban nan ye faladam ki be Jerusalam.

1 Korenti 16:15

Ni nyi Sitefanasi nin u niin yaab le nan ye chinchinn a ninfob ban kpenn bi binbem ki ŋa biwonjiɛm Akaya a tiŋin, bi ta biba le ki sei itoon nin ki tun ki tenn Uwonbɔr a ninfob. N nabum, n balin ni le,

2 Korenti 1:1

Min Pɔɔl wan wee Uwonbɔr a bam bu wee n ŋa Masiya a toom nan, min nin ti na a big Timoti, le sɔb kugbɔŋ nan ki tenn Uwonbɔr a ninfob ban be Korenti, nin u ninfob gannkaab ban biɛn be Akaya a tingbɔŋin biɛn.

2 Korenti 7:14

N faa ligbingbanl Tatusi ban ni bu-u, le naa jim ifa. Amaa taah nan bei ni nan biɛn wee ni ye ibamɔn nin, ni ma che taah faa ligbingbanl Tatusi ban nibu n mu ŋa ibamɔn na.

2 Korenti 7:4

N jɔɔ tidindann takpem ni bu; nin ligbingbanfaal ni bu, n jɔɔ ngbanann pɔɔn takpem, nin ti yaa bɔmugkaarin biɛn n gbee nin nmɔn le.

2 Korenti 8:10

N kpaani sɔ, nan li ŋan ki sei ni tibɔr nan yaan: Jirib n-yaan nim le nan chinn ki sei ni piini kaah ye nan, naa ye naah li pu n-yaa binba amaa ni wɔɔn naah jɔɔ kɔlisa nin ni tun man le.

2 Korenti 8:11

Daandaan nan ni gbaar itoon nmɔn na, wee naah jɔɔ kɔlisa ki jiɛ itoon yan nin nfir nɔɔ tab, naah li fir ki ŋa man.

2 Korenti 8:19

Nan kpiɛ, biwonjiɛm a laginn nin le ji gann u ke u li nɔɔ ta wee ti tu ipiin yan wee bi nan ŋaan wee yin don uyudaan baantɔɔl a yinl, ki ji wɔɔn taah jɔɔ linunmanl nin ti ter man.

2 Korenti 8:24

Mambu ni wɔɔn bijab nan na ban bi man, nin nan bu wee ti jɔɔ kalanbaani ni bu, wee biwonjiɛm a laginn nin kan.

2 Korenti 8:8

Maa siin nsiim le ki sei ni, amaa n wɔɔn ni kpiɛtiib kaah tun nin linunmanl man le. Ke n mag ni jiɛm kaah ye man.

1 Tesalonika 1:7

Ni ma bu le che nim kpann limagil ki sei biwonjiɛm ban biɛn be Masedoniya nin Akaya a timin.

Hiibru Yaab 10:24

Ni che ti baga li be taah li ŋa man ki li pɔɔgir ti kpiɛtiib a sufu, wee nin che ti fir wɔɔn ti jiɛm nin tab kaah ye man ki li tun itoon ŋan.