2 Korenti 7:11 - UWONBƆR A GBƆNPƆŊ LIKƆƆNL

¹¹ Ni lig biwonjiɛm a poobiim nan kaah tun nan ni ni: Ni che ni jɔɔ inunman, ki kɔn ni bamɔn bu, le ni ŋuui fii, ki san bijawaam, ki ban ni kam le ki ta ni ba sei, nin naah ŋa sili ki ban ibamɔn ngann man, naah tun man nmɔn, ni sin wɔɔn ke naa jɔɔ niba a galin tibɔr nmɔn yaan ni.

Uwumbɔr aagbaŋ

¹¹ Uwumbɔr aah cha ni kpa mpombiin pu na, ni kan naah ŋa nimi tinyoor pu na. Nitafal bi waabɔr ni. Ni gee liŋuul titunwanbir pu, ki ban ni nyan nibaa tibɔr ngbaan ni, ki san Uwumbɔr ijawaan, ki ban ni ki kan mi, ki ban ni ŋa Uwumbɔr aageehn, ki ban ni daa unii u tun titunwanbir na aatafal. Naah ŋa kina na, ni mɔk ke naa kpa taani ubaa tibɔr ngbaan ponn ni.

2 Korenti 7:11 ပူးပေါင်းရင်းမြစ်များ

Tibɔnyaan ti Mak ŋmee ti na 3:5

Le u lig bi nin liŋuul u sufu kaah nan bii takpem bi nunkoo-n nbu; le u nan gbiɛ lig uja-n ki ke, “Tann a nɔɔ nmɔn na.” Le u tann mi le mi pɔɔg.

Jɔnn 2:17

Le u bɔɔnɔɔbin ni nan tiɛr ke ni nan sɔb le ke: “A niin a jiɛm a nunmanl li kum.”

Lituln 17:16

Pɔɔl kaah la nan be Atensi ki guu Silasi nin Timoti nni, le u kan kitiŋin kaah gbee nin itingban, le ni bii u sufu takpem.

Rom Yaab 11:20

Ni ye ibamɔn le. Baah kaa nan ŋa yada-n bu le Uwonbɔr nan gaa bi par gab, amaa le fin si a yada bu. Laa jɔɔ kalanbaani amaa li san Uwonbɔr.

Rom Yaab 14:18

nan bu-n uninfo wan ye Masiya a toontunn u wee ki tun man ke ni gbeeg Uwonbɔr a num le, le bininfob chee sei ke ni ŋan.

Rom Yaab 3:5

Amaa ni ye ti kaa jɔɔ nbuchin binben bu che Uwonbɔr a buchin binbemin nyan npaan nin ke, ti ji yin len ke baa? Ti li fir len ke Uwonbɔr galin nin waah fiin U ŋuul ti buu? (Uninfosaal a mɔkpel faal le n jɔɔ pag nan.)

1 Korenti 12:25

Ni bu naa kpaan tigbanann li jɔɔ nbɔgirimi. Amaa wee igbanann bɔg nmɔn a baga li be tabin.

1 Korenti 5:13

Uwonbɔr le yin ji ban kaa ye biwonjiɛmin tibɔr. “Ni ŋɔɔr bipootondamin ni ban na.”

1 Korenti 5:2

Le ni jɔɔ kalanbaani! Naa bi ye ni li mɔr le ki sin nyan uja wan tun iwanjaab toon nmɔn ni gbanann nin naa?

2 Korenti 13:7

Daandaan nan ti miɛ Uwonbɔr ki tenn ni ke ni laa tun niba a biri. Naa ye ke bininfob n kan taah nyaŋ limagilin man ni, amaa ti ban ni tun nan ŋan, hali gbaa ni yin nann ke ti walin gur le-n.

2 Korenti 2:6

Ni takpem kaah dar u tul man ni, ni kpaan wa.

2 Korenti 6:4

Ti ga fala nin limugil nin tibɔr, amaa le ki jɔɔ limɔril takpenl ki ta tiba ki sei itoon nin nin ni wan biɛn ni, taah ye Uwonbɔr a toontumin nbu,

2 Korenti 7:1

A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

2 Korenti 7:7

Naa ye u dam n-yaa binba le nan sɔŋ ti sufu, amaa lisufusɔŋil lan wee ni nan ta sei u nbu. U nan bei ti naah ban ni kam man na, ni poobiim nin ni baga kaah be n ni man, naah li ŋa man wee nin mɔŋim ki jo naah nan mɔm man ni.

2 Korenti 7:9

Amaa daandaan nan n jɔɔ npopeen, naa ye ni sufu kaah nan bii n bu, amaa ni sufubiil nmɔn kaah che ni binbem kpenn nbu. Ni nan ye Uwonbɔr a bamin le ni sufu bii amaa naa nan sei ni kidaŋ ti bu.

2 Korenti 9:2

N nyi naah ban ni ter bi. N gbaa far ligbingbanl le ni bu Masedoniya yaab ban, ki bei bi ke nim ban be Akaya a timin ni, jirib n-yaan ni nan ŋa sili le nin ni ter, ni yaa nunmanl bu che Masedoniya yaab mu ban bin ter le.

Efesusi 4:26

“Ni ye a ŋuul fii ke a laa tun tibiri”: Ki laa che nween n nan lu wee a ŋuul kaa la sɔŋi,

Efesusi 5:11

Ni laa che ni nɔɔ be libunbɔnl a toon yan kaa jɔɔ nyɔɔr nmɔn yaan ni, amaa wee ki nyan ti npaan ni na.

Filipi 2:12

Ni ma bu n jɔtiib, naah jɔɔ limɔcheel n-yonn man wee n be ni ban nin, ni le li jɔɔ limɔcheel nmɔn n-yonn man wee maa nan be ni ban na, ni tugir ki li tun ke bininfob ban kan nŋmarimin ki li san bijawaam ki li jegila.

1 Tesalonika 4:6

ni ma bu tibɔr nan yaan uba laa tun ki bii u kpiɛg bee ki ji u kpiɛg dulimi. Uyudaan li dar bininfosaalib ban biɛn tun tibir nan a booli a tul, ke taah pii chinn bei ni ki kpaan ni man nin.

1 Timoti 5:20

Ban tun tibir ke, a fuun bi bu kubabugin na, wee ban gurin n kan ikpaan.

2 Timoti 2:15

Pɔɔn a ba ki ta a ba sei Uwonbɔr ke wan wee U ganniŋ, ke utoontunn wan kaa san ifa wee ki ŋmag Uwonbɔr a bɔr tan ye ibamɔn nin nbamɔm.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.

Hiibru Yaab 4:1

Mambu, Uwonbɔr kaah siin limɔsiinl ke U li sei ti lifooril lan nin kaah la si nbu, ni che ti choo tiba wee uba laa nan lann lifooril nmɔn ni.

Jemisi 3:17

Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

1 Piita 1:17

Nan bu-n naah yin ti Baa wan ji bininfob biɛn a bɔr nin bi toon kaah ye man wee kaa gann nin, ni bu ni che ni binbem li be ke ni ye bicham le dulinya nan yaan ki li san Uwonbɔr bijawaam nin jilimau.

1 Piita 2:2

Ni li be ke nbiliɛmin, ki li jiɛ Kinaaŋ a biim man be kasi-n na, wee nin che ni yabig ni feegabin,

Juud 1:23

ni yug ni tab nŋmi ni ki fee bi gaba, le bitab mu ni li san bi kunyunyunbaaga ki ŋmarin bijawaam, wee ki li nan bi wanyeewann tan wee kuŋmaruŋ a gbanann ngbarin.

Tibɔkpiirkaan 3:19

Ban wee n jiɛ-n, bi ma le n fu bi bu ki dar bi tuli. Mambu ni ŋaam kinunmaŋ ki kpenn ni binbema.