2 Korenti 7:1 - UWONBƆR A GBƆNPƆŊ LIKƆƆNL

¹ A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

Uwumbɔr aagbaŋ

¹ Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

2 Korenti 7:1 ပူးပေါင်းရင်းမြစ်များ

Matiu 12:33

“Ŋa kisiig ki li ŋan na wee ki loon mu li ŋan, bee ŋa kisiig ki li bira wee ki loon mu li bir, nan bu-n kisiig a looi yin le bi biɛr ki.

Matiu 5:48

Mambu, ni li be nbamɔm ke ni paab a Baa kaah be man ni.

Matiu 5:8

Tikaar be ban a sufu be kasi nan bu, nan bu-n bi ma na li kan Uwonbɔr.

Lituln 9:31

Judiya nin Galilii nin Samariya a wonjiɛm a laguŋ kan nposɔɔn n-yonn nmɔn. Kasi a Naaŋ a teril bu le bi kan ngbanann pɔɔn, le bi kanl kpiɛ, le ki be ki san Uyudaan.

Rom Yaab 5:20

Nsiimin nan kpiɛ le ki che titoonbir pɔr. Amaa le titoonbir kaah pɔr man nmɔn linyunyunbasanlin pɔr jon man na,

1 Korenti 6:20

Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

2 Korenti 1:20

Ni ma bu ni baga kaa be nin Uwonbɔr kaah siin imɔsiin yan biɛn nni, i ye “Nn” le, Masiya bu. Le u ma Masiya bu “Ibamɔn” yan wee ti pagin, i ye kupag le ki donn Uwonbɔr.

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

1 Tesalonika 3:13

Un pɔɔg ni sufu wee ni laa jɔɔ igbarigi ki li be kasi ti Baa Uwonbɔr a nintogil n-yonn man wee ti Yudaau Yisa na li foon nin u kasi a ninfobin.

1 Tesalonika 4:7

Uwonbɔr kaa yin ti ke ti li jɔɔ tijaginn ni, amaa ke ti li jɔɔ kasi a binbem.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

Hiibru Yaab 12:23

ni foon biwonjiɛm ban ye nbininkpeemin ban na, ban a yin sɔb dɔ papaabin. Ni foon Uwonbɔr, wan ye bininfob biɛn a bɔjiru win ban na, bininfob buchim ban a naaŋ ŋa kasi,

Hiibru Yaab 12:28

Mambu taah gaan nnaam a yerin man kaa li fir dam nan, ni che ti pag Uwonbɔr, ki li jiɛn u nin jilima nin bijawaam,

Hiibru Yaab 4:1

Mambu, Uwonbɔr kaah siin limɔsiinl ke U li sei ti lifooril lan nin kaah la si nbu, ni che ti choo tiba wee uba laa nan lann lifooril nmɔn ni.

Hiibru Yaab 6:9

N nabum hali nin taah le pag man nan biɛn na, ni biɛn yɔli ti jɔɔ tidindann, ti nyi ke ni jɔɔ tiwann ŋann tan nyan ni feegabin.

Jemisi 4:8

Ni fɔɔr mal Uwonbɔr a, wee Uwonbɔr mu nfɔɔr ki mal ni. Nir ni nɔɔi ya, nim tibirdam nan, ki ŋa ni sufu kasiu, nim ipotiɛ ilelee dam nan.

1 Piita 1:15

Amaa Uwonbɔr wan yin ni kaah be kasi man nin, ni mu li be kasi nin ni toon biɛn nin na;

1 Piita 1:17

Nan bu-n naah yin ti Baa wan ji bininfob biɛn a bɔr nin bi toon kaah ye man wee kaa gann nin, ni bu ni che ni binbem li be ke ni ye bicham le dulinya nan yaan ki li san Uwonbɔr bijawaam nin jilimau.

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 2:11

N jɔtiib, n balin ni le, naah kaa ye dulinya nan yaab wee ki sin be dulinya nan ki ye bichamin, ni jiɛn titoonbir a kɔlisau, tan kɔnn nin ni naamin.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

1 Jɔnn 1:9

Ni ye ti nyan ti bir ki bei u ke, u ye yada daan le ki tun nan ŋan, u li jiɛn ti bir biɛn ki per ti, ki ŋa ti kasi ki nyan ti ta kaa jɔɔ buchin binben biɛn nin.

1 Jɔnn 3:3

Uninfo wan biɛn jɔɔ tama Uwonbɔr ni ke, udaan ŋa uba le kasi ke Yisa kaah be man ni.