2 Korenti 6:7 - UWONBƆR A GBƆNPƆŊ LIKƆƆNL

⁷ Ibamɔn a pipagir nin Uwonbɔr a pɔɔmin; nin tibuchinn a kunkɔntiɛr tan be ti nɔɔjiim nin ti nɔɔgam paamin;

Uwumbɔr aagbaŋ

⁷ ki tuk bi Uwumbɔr aabɔr ti ye mbamɔn na. Ti kpa Uwumbɔr aapɔɔn. U len ke timi aabɔr ŋan, nima le ye tijawan ti bi tiŋangii ni tiŋangan ni na.

2 Korenti 6:7 ပူးပေါင်းရင်းမြစ်များ

Tibɔnyaan ti Mak ŋmee ti na 16:20

Man le u bɔɔnɔɔbin nan jon ki tan be ki mɔɔn u bɔŋann nmɔn ilog biɛn, le ti yudaau nmɔn be nin bi, ki che bi tun ligaril a toon, le bi toon nmɔn wɔɔn siɛra ke bi mɔɔn ni nmɔn ye ibamɔn le.

Lituln 11:21

Le Uyudaan a pɔɔm be nin bi, le bininfob takpem ŋa yada ki kpenn bi binbem ki sei Uyudaan.

1 Korenti 1:24

Amaa ban wee Uwonbɔr yin bin, Juu yaab nin Girig yaabin, bi ma nyi Masiya kaah ye Uwonbɔr a pɔɔm nin u lam.

2 Korenti 13:4

Nin ni bamɔn, bi nan kpaa u lidapunpunl bu u daburigi ni, ni biɛn yɔli u jɔɔ limiɛfol Uwonbɔr a pɔɔm bu. Man nmɔn bu le ti mu jɔɔ u daburigi nmɔn, ni biɛn yɔli Uwonbɔr a pɔɔm bu ti mu li jɔɔ limiɛfol nin Yisa ki tun ki tenn ni.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Korenti 7:14

N faa ligbingbanl Tatusi ban ni bu-u, le naa jim ifa. Amaa taah nan bei ni nan biɛn wee ni ye ibamɔn nin, ni ma che taah faa ligbingbanl Tatusi ban nibu n mu ŋa ibamɔn na.

Efesusi 1:13

Ni tɔɔl nan kpiɛ ki be nin Masiya le, naah nan gbir imɔleen yan ye ibamɔn nin, ki ye ni feeja a bɔŋann nin. Naah ŋa yada-n bu, le Uwonbɔr ta U yaa daagim ki daag ni, lan ye limɔsiinl Kasi a Naaŋin,

Efesusi 3:20

Uwonbɔr a pɔɔm kaah tun nin ti nbu, u li fir ki tun niwann biɛn ki sei ti ke nin jo taah tiɛr nan bu ki miɛ win,

Efesusi 4:21

N nyi naah gbir u bu, le bi tinn ni u bɔr ki wɔɔn ni ibamɔn yan be Yisa ni nmɔn.

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

1 Tesalonika 5:8

Amaa tim kaah ye nweehn a ninfobin, ni che ti li chor ti bau, ki li jɔɔ yada nin njiɛm man li guu ti gbanann, ki li jɔɔ nŋmarim a tama man wee ti li ta chig ti yul bu ke kijabig.

2 Timoti 2:15

Pɔɔn a ba ki ta a ba sei Uwonbɔr ke wan wee U ganniŋ, ke utoontunn wan kaa san ifa wee ki ŋmag Uwonbɔr a bɔr tan ye ibamɔn nin nbamɔm.

2 Timoti 4:7

N kɔn likɔnŋanla, n diɛ n taguunla, ki sin ŋmag n yada.

Hiibru Yaab 2:4

Uwonbɔr tɔɔl nan jin mi siɛra nin ligaril a siɛra nin lijinjeel a toon nin ligaril a toon balbal, nin waah nan ta U kasi a Naaŋ a piini ki tol bi waah ban man.

Jemisi 1:18

U yaa wiib bu le U ma ti, ibamɔn a mɔleen yin bu, ke nin che ti kpann u bininkpeem waah naan nan biɛn ni.