2 Korenti 6:6 - UWONBƆR A GBƆNPƆŊ LIKƆƆNL

⁶ ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

Uwumbɔr aagbaŋ

⁶ Timi aabimbin bi chain la. Ti bee Uwumbɔr aabɔr, ki kpa limɔr, ni tibulchinn, ki gbii Uwumbɔr Aafuur Nyaan, ki gee binib mbamɔm,

2 Korenti 6:6 ပူးပေါင်းရင်းမြစ်များ

Rom Yaab 12:9

Ni kpaa le nin njiɛm le ye ibamɔn. Ni li nan nan ye tibir; ki li ŋmag nan ŋan nin kenken.

Rom Yaab 15:19

Le ni ma ye siɛra nin ligaril a toon a pɔɔm nin Kinaaŋin a pɔɔmin. Ni bu naah nyan Jerusalam ki tan kpaa Dalimasiya a yerin, n mɔɔn Masiya a bɔŋann nin ki diɛ niin na.

1 Korenti 12:8

Kasi a Naaŋ che biba pag nlam a bɔr, Kasi a Naaŋ nmɔn a piini le che biba pag nin nbiɛm Kinaaŋ kiba nmɔn a pɔɔmin,

1 Korenti 13:4

Njiɛm ye limɔril le, tininforin le ye njiɛm, maa ye lipiiponli, maa ye ligbingbanl faali, maa ye kalanbaani.

1 Korenti 2:16

A li ke naah sɔb Uwonbɔr a gbɔŋin ke, “Ŋma nyi Uwonbɔr a potiɛlaa wee ki li fir wɔɔn waa?” Amaa tim ma jɔɔ Masiya a potiɛl.

1 Korenti 2:4

Naa ye bininfosaalib a biɛm le n jɔɔ mɔɔn Uwonbɔr a bɔrin ki tenn ni, amaa ni nyan Kasi a Naaŋin le nin u pɔɔmin

2 Korenti 1:23

Uwonbɔr le ye n siɛradaan ke nin nan ŋan nin n ŋmiɛ ni maah kaa ji nan jirin Korenti a tiŋin ni.

2 Korenti 11:11

Ke babuu? Ni niɛ wɔɔn ke maa ban ni lee? Uwonbɔr ma nyi maah ban ni.

2 Korenti 11:4

Ni ye uba dan ni ban ki nan bei ni Yisa uba a bɔr wee naa ye Yisa wan a bɔr wee ti nan pagin ke, bee kinaaŋ kan kaa ye Kasi a Naaŋ nke, bee tibɔr tan kaa ye Yisa a bɔŋanni ke, ti ma le ni gaan nbamɔm weem.

2 Korenti 11:6

Nba ke maa ye wan kan ntinnim wee ki li pag tibɔri, amaa n jɔɔ nbiɛm. Ti che ni niɛ le won ni num kasi niwann biɛn ni.

2 Korenti 12:15

Ni li mɔŋim pam, ni ye n ta n faal biɛn nin npɔɔm ki ter ni ke. Ni ye n ban ni takpem ke, nim ma yin bam wama lee?

2 Korenti 13:10

Mambu le n sɔb kugbɔŋ nan ki tenn ni, ni ye maa be ni ban ke, wee ki nan dan ni ban n-yonn man ke n laa fiin n ŋuul npɔɔm bu. Ti yudaau nan seim npɔɔn nmɔn ke n ter ni le, naa ye n bii ni.

2 Korenti 2:10

Ni ye ni jiɛn wan a bir ki per u ke, n mu jiɛn per wa. Le nan wee n jiɛn perin, hali ni ye niba le n jiɛn per ke, nim bu le n jiɛn per u Masiya a nintogil,

2 Korenti 2:4

Maah nan sɔb kugbɔŋ nan ki tenn ni, n nan sɔb nin npoobiin le takpem nin tinyinyinn, naa ye ke n nan ban n bii ni sufu le, amaa n nan ban ni biɛ maah ban ni takpem man le.

2 Korenti 3:3

Nim le wɔɔn ke ni nann kugbɔŋ kan nyann Masiya ban le, ki ye ti toon a siɛra, naa ye ngbansɔbmɔɔn le bi ta sɔbi amaa Uwonbɔr wan fo-n a Naaŋ, naa ye litangbagil bu le bi sɔb paan ni, amaa bininfob a sufu ni.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

2 Korenti 7:2

Ni loor ni sufu ki sei ta man. Taa tun ki bii uba, taa ta kuŋmaruŋ dan uba a binbemin ni, kaa jin uba dulimi.

Galantiya 3:2

N ban n biɛ niwann niba le kpeŋileŋ ni ban: Naah ŋmag Uwonbɔr a siimin bu le che ni gaa Kinaaŋin bee naah gbir tibɔŋannin ki ŋa ti yada-n buu?

Galantiya 3:5

Uwonbɔr nan ta U Kasi a Naaŋin ki sei ni nin ligaril a toon yan wee U nan tun ni sisiigin nin ke naah ŋmag nsiim nbu le, bee naah gbir tibɔŋannin ki ŋa ti yada n buu?

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Efesusi 3:4

Ni ye ni karin maah sɔb nan nmɔn ke, ni li biɛ maah nyi Masiya a bɔwoonkaar man,

Efesusi 4:2

Ni jiin niba, ki li be soon, ki li jɔɔ limɔril nin njiɛm nin tab.

Efesusi 4:32

Ni li ŋaan tab tiŋanna, ki li san tab kunyunyunbaaga, ki li jiɛn tab a bir ki per ke Uwonbɔr kaah jiɛn per ti Masiya bu man nin.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 2:3

uma ban le nlamgɔrikaam nin nnyinyin gbee le ki woo.

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

1 Tesalonika 2:10

Nim nin Uwonbɔr le ye ti siɛradam, taah nan be nin nim ban ŋa yada-n, ti nan be kasi le ki jɔɔ nbuchin binben, kaa jɔɔ igbarigi.

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

1 Timoti 5:2

ki li ŋmag bipiininkpeeb ke a namin, ki ji li ŋmag nbisiɛm ke a ninsiɛbin nin kasi a binbem.

2 Timoti 3:10

Amaa fin Timoti, a nyi n wɔɔnimin kaah ye man, nin n binbem, nin n lol, nin n yada, nin n mɔril, nin n bam nin maah pɔɔn nba man,

2 Timoti 4:2

Li mɔɔn tibɔr nmɔn na; ŋaam sili iyoo biɛn, ki li tenn bi ikpaan ki gbeer bi, ki pɔɔgir bi gbanann ki li jɔɔ limɔril nin maaninba a wɔɔnim.

Taitus 2:7

Nin niwann biɛn ni ŋaam limagil ki sei bi ki li tun nan ŋan na. A wɔɔm a poolin ke, a wɔɔn bi tininforin nin inunman na.

Jemisi 3:17

Amaa nlam man nyan paab a naamin nin, chinchinn mi ma ye kasi ki ye man jɔɔ limɔril nin jiininba, ki gbee nin linyunyunbasanl nin nbinben ŋan, nin ibamɔn a pagim.

1 Piita 1:12

Ni nan kpiir ki wɔɔn bi ke baa nan tun tenn biba le, amaa nim. Bilinlemin kaah nan pag tiwann tan wee ni gbirin wee ban mɔɔn tibɔŋann nin mɔɔn ti sei ni Kasi a Naaŋ kan nyan paabin a pɔɔm bu-n. Hali malakam ban bin biɛ tiwann nmɔn le.

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Jɔnn 3:18

N buwaab, ni laa che ti jiɛm ye imɔleen bee lilanbil a binba, amaa ni li nɔɔ nin itoon nin ibamɔn.