2 Korenti 6:5 - UWONBƆR A GBƆNPƆŊ LIKƆƆNL

⁵ le bi boo ti, ki kɔɔn ti tiloondirin, ki gaan tijar ti bu, le ti le tun itoon nmɔn nin inunman nin nkom kaa jiɛn nyiɛgi;

Uwumbɔr aagbaŋ

⁵ Binib lue timi ŋinaalab, ki laŋ timi tiyondir ponn ni, ki ŋma tijar ti pu. Ti tun lituln linimaln, kaa geeni kinyeek, ki lann tijikaar.

2 Korenti 6:5 ပူးပေါင်းရင်းမြစ်များ

Matiu 14:10

le ki tun biba kuloondiigin le bi tan tugir Jɔnn a yul.

Matiu 14:3

Tɔ, Herɔd pii nan choo Jɔnn ki lol u ki ta u ki ŋa kuloondiigin, Herɔdiya wan ye u waal Filib a poo-n bu,

Matiu 9:15

Le Yisa jiin ki baan bi ke, “Lipiichanil be ke, bicham le jɔɔ npoobiin, n-yonn man wee lipiichanil daan la be bi ban nan naa? Aai. N-yonn chaan, le bi na li nyan lipiichanil daan ni ban, iyaayoo le bi yin lol imɔɔŋ.

Lituln 13:3

Le bi lol imɔɔŋ ki miɛ Uwonbɔr, ni bɔɔn bu le bi ta bi nɔɔi paan bi bu, le ki che bi jon.

Lituln 14:19

Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Lituln 14:23

Le Pɔɔl nin Banabasi nan gann biwonjiɛm a laguŋ ni biba le ki ŋa bi bisanliib tiwonjiɛndir biɛn nin, le ki lol bimɔb ki miɛ Uwonbɔr, ki ta bi ŋa Uyudaan wan wee bi gaa u jin nan a nɔɔn.

Lituln 17:5

Amaa Juu yaabin nan ŋa u lipiiponl le; ki jin ki lagin kinyaŋ a ninfobir, ki nan mug kitiŋ nmɔn yaan nin tifur, ki tan leg Jasonn a niin, ki ban Pɔɔl nin Silasi, ke bin nyan bi dan kuninfogbaluŋin ban.

Lituln 20:31

Ni bu, ni li guu ni ba! Ki li tiɛr ke ibin itaa sɔ le n le kpaan ni biɛn nan nin tinyinyinn, nween nin kunyiɛg.

Lituln 23:10

Le limɔkpel nmɔn nan fii takpem, hali ke bijawaam nan choo bitɔtogib a yudaau, u nan nyi ke bin yin choo Pɔɔl dar bɔgir le. Mambu le u sei bimɔb ke bitɔtogibin tan nyan Pɔɔl npɔɔn bi ban ni wee ki nan ta u ŋa bi niin na.

Lituln 23:35

Le u bei u ke, “Ban galiŋin foon n-yonn man ke, n li gbir a bɔr nmɔn.” Le ki sei bimɔb ke ban guun li ŋmag u ubɔr Herɔd a bɔr naakoon na.

Lituln 24:27

Ibin ilee kaah jon a bɔɔn le Posiɛ Fetusi mu gaa Fɛlisi a ninkper nmɔn. Fɛlisi kaah nan yin fii lijalin bu-n, u nan ban un penn Juu yaab a pooi le, mambu le u che Pɔɔl be kuloondiigin.

Lituln 26:10

Man nmɔn le n sin nan tun Jerusalam. Kumanug a yudam le nan seim nsan le n chor biwonjiɛm ki kɔɔn bi tiloondirin, le baah ti ji bi tibɔr ki nan diɛ ki ke bin ku bi nan, min tɔɔl ti kpiɛg ban ke bin ku bin bu le.

Lituln 26:29

Le Pɔɔl jiin u ke, “Ni baga kaa be n-yonn wama bee takpemi, min miɛ Uwonbɔr le ni laa ye a binba amaa fin nin bininfob ban biɛn pelig n bɔr dinan nan li ŋa biwonjiɛm ke maah ye man nan, tikulor tan wee bi lolim nan a binba n choo nyan.”

Lituln 28:30

Pɔɔl nan be kudiig nmɔn yaan ibin ilee le ki yɔ ku bu. Le uninfo wan biɛn dan u ban ke un gaa u nbamɔm.

Lituln 5:18

Le bi choo itoon nin ki kɔɔn bi kuloondiig kan bi loog bininfob biɛn.

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

1 Korenti 4:11

Ki nan kpaa iniɛ a yoo nkom nin nnyunyum jɔɔ ti le, ti yee tiwanchar le, le bi boo ti, le ti choon yelin kaa jɔɔ binbeboli.

1 Korenti 7:5

Ni laa yiin tab a dɔɔmi, man ke ni nan chee sei tab ke ni la yin ta isaŋ iba le ki miɛ Uwonbɔr. Wee ni bɔɔn bu ke ni jir ki lagin tab wee Sintani nlaa fir bigin ni n yonn man wee ni nan walin ni ŋmag ni baa guri.

2 Korenti 11:27

N tun itoon nin linunmanla, ki be kaa dɔ jiɛn ni; nkom nin nnyunyum nan ti chorim le, amaa le maa ji; le tiwar choom le n wan yee waŋ kaa foomi.

Efesusi 3:1

Ni niɛ nan bu, le min Pɔɔl wan ye uloondiikɔɔr Masiya nin ban kaa ye Juu yaabin bu-n.

Filipi 1:13

Ni ma nan che bitɔtogib ban guu ibɔr niin nin, nin ibɔrniin a ninfob biɛn nan biɛ ke Masiya bu le n be libaalin.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Timoti 4:10

(Mambu le ti tun nin linunmanl) nan bu-n ti jɔɔ tama Uwonbɔr wan fo-n ban, wan ye bininfob biɛn a feeru win, naah jann tɔɔ ban bu ye ban ŋa u yada n le.

2 Timoti 1:8

Mambu laa san ifa nin a ji ti Yudaau a siɛra bee min wan ye u loondikɔɔru win a siɛra, amaa Uwonbɔr a pɔɔm bu che min nin fin nlagin ki ji fala tibɔŋann nan bu,

2 Timoti 2:9

tan bu wee n ji fala hali ke bi nan lolim tikulor a li ke tukangbirdaan nin. Amaa uba kaa li fir lol Uwonbɔr a bɔri.

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.

Hiibru Yaab 11:36

Bi nan daar bibam nyɔɔrug le ki boo bi, le ki lol bibam tikulor ki kɔɔn bibam mu tiloondirin.

Hiibru Yaab 13:17

Ni li jɔɔ limɔcheel nin ni sanliib wee ki chee sei bi ninkper a pɔɔma. Bi baga be nin ni, ki ye bininfob ban na li wɔɔn baah tun nan. Ni chee sei ba wee bi toon li ye nmɔn, ki laa ye litugili, naa ye man ke naa na yin ŋan sei ni.

Hiibru Yaab 13:23

N ban ni li nyi ke bi loor ti nabig Timoti kuloondiigin ki jaau. Ni ye u foon weem ke, n li ta u ki dan wee ti nan kan ni.

Tibɔkpiirkaan 2:10

Ni laa che bijawaam jɔɔ ni fala kan wee ni yin ji nbu. N bei ni le, Sintani li loon nim bibam tiloondirin ki mag ni, le nin che ni ji fala iweehn piig. Ni le li ŋmag ni yadau, hali ni le ye nkum ke ni, wee n nan sei ni limiɛfol a yuchigirig.