2 Korenti 6:4 - UWONBƆR A GBƆNPƆŊ LIKƆƆNL

⁴ Ti ga fala nin limugil nin tibɔr, amaa le ki jɔɔ limɔril takpenl ki ta tiba ki sei itoon nin nin ni wan biɛn ni, taah ye Uwonbɔr a toontumin nbu,

Uwumbɔr aagbaŋ

⁴ Timi aabimbin aah bi pu na, nima le mɔk binib ke ti ye Uwumbɔr aatutum. Kinye pu? ti kan falaa, ni limukl, ni tibɔr, ki ji limɔr, ni mɔmɔk ponn ni.

2 Korenti 6:4 ပူးပေါင်းရင်းမြစ်များ

Tibɔnyaan ti Luk ŋmee ti na 21:19

Ni si kenken ke ni li kan limiɛfol.

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Lituln 2:22

Le Piita ji mann len ke, “Iziral yaab, ni gbirim nan wee n yin pag bei ni ki jiin Yisa wan ye Nazarif a ninfou npaam, ni tɔɔl nyi ke Uwonbɔr le nan che u tun ligaril nin lijinjeel a toon nin siɛra ni sisiigin.

Lituln 20:34

Ni tɔɔl nyi ke min tɔɔl a nɔɔi le n jɔɔ tun, ki lig nba nin n ninɔɔtab.

Lituln 9:16

N li wɔɔn u naah kpaa talar nin un ji fala N yinlin bu man.”

Rom Yaab 14:18

nan bu-n uninfo wan ye Masiya a toontunn u wee ki tun man ke ni gbeeg Uwonbɔr a num le, le bininfob chee sei ke ni ŋan.

Rom Yaab 16:10

Poor Apelesi, wan a binbem wee bi mag lig ki miin u si bogiliba Masiya ni-n. Poor Aritobulusi a niin yaab biɛn na.

Rom Yaab 3:5

Amaa ni ye ti kaa jɔɔ nbuchin binben bu che Uwonbɔr a buchin binbemin nyan npaan nin ke, ti ji yin len ke baa? Ti li fir len ke Uwonbɔr galin nin waah fiin U ŋuul ti buu? (Uninfosaal a mɔkpel faal le n jɔɔ pag nan.)

Rom Yaab 5:8

Amaa Uwonbɔr kaah mag ki wɔɔn ti U tɔɔl a jiɛm man wee U jiɛ ti-n ye nan le: Taah le la nan ye tibirdamin, le Masiya kpo ki sei ti.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

1 Korenti 4:1

Man bu ni ŋan bininfob li nyi ke ti ye Masiya a toontum le, Uwonbɔr ta U bɔwoonkaar ki ŋa ti nɔɔn ke ti ta pag ki bei bininfob.

1 Korenti 9:11

Taah li gaa dulinya nan a wan yɔɔr tan ni ban nin yab ki jon Kinaaŋ a bim man wee ti ta bu-n ni sufu-n ni waa?

2 Korenti 11:23

Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

2 Korenti 11:27

N tun itoon nin linunmanla, ki be kaa dɔ jiɛn ni; nkom nin nnyunyum nan ti chorim le, amaa le maa ji; le tiwar choom le n wan yee waŋ kaa foomi.

2 Korenti 11:9

Maah nan be ni ban n-yonn man wee kaa jɔɔ niba-n, amaa maa nan mugir ni ke ni seim niba, ti nabum ban nyan Masedoniya nan seim maah ban nan na. N ŋmag nba le kaa ban n li mugir uba, n le ji yin ŋa man le.

2 Korenti 12:10

Mambu, Masiya le che n num gbee, n daburigin, n sugirin, limugilin, fala a poolin, ki ga tibɔmugkaar. Ni ye idaburig choom ke, iyaayoo le n jɔɔ npɔɔn.

2 Korenti 12:12

Nan wɔɔn ntoon kaah ye wan ye siɛra nin limagil nin ligaril a toonl le. N nan tun ni niɛ biɛn ni ban nin limɔril le takpem.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Korenti 4:8

Ti kan nton a booli biɛn, amaa naa nyaŋ ti. Ti kan limugil takpem amaa tigbanann kaa gbɔɔ.

2 Korenti 7:11

Ni lig biwonjiɛm a poobiim nan kaah tun nan ni ni: Ni che ni jɔɔ inunman, ki kɔn ni bamɔn bu, le ni ŋuui fii, ki san bijawaam, ki ban ni kam le ki ta ni ba sei, nin naah ŋa sili ki ban ibamɔn ngann man, naah tun man nmɔn, ni sin wɔɔn ke naa jɔɔ niba a galin tibɔr nmɔn yaan ni.

Kolosiya 1:11

Uma Uwonbɔr wan jɔɔ ipɔɔn biɛn nan n pɔɔg ni gbanann, U pag takpoŋin bu wee ni li jɔɔ pɔɔninba nin limɔril nin nmɔn,

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

1 Tesalonika 3:7

Mambu n nabum, nin ti mugil nin ti fala a jimin biɛn nin, ti jɔɔ ngbanann pɔɔn ki jiin ni yada kan wee ni jɔɔ n paam.

1 Tesalonika 5:14

Ti balin ni le, n nabum, ni kpaan ban ye bigbanyagdamin na, ki pɔɔg ban san bijawaamin a sufuu, ki ter ban a yada kaa pɔɔ-n, ki li jɔɔ limɔril nin uninfo biɛn na.

1 Timoti 2:15

Amaa bipiib li kan feegab, nin baah le maa nbuwaab nan biɛn na, ni ye bi le la si bi yada bu ki jɔɔ njiɛm nin kasi a binbem ke.

1 Timoti 4:6

A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

1 Timoti 6:11

Amaa fin, wan ye Uwonbɔr a ninfo nan, guun ki nya ni niɛ nan yaan biɛn na, pɔɔn a ba ki li jɔɔ nbuchin binben, nin nwonjiɛn binben, nin yada, nin njiɛm, ki li jɔɔ lipoobil ki li be soon.

2 Timoti 1:8

Mambu laa san ifa nin a ji ti Yudaau a siɛra bee min wan ye u loondikɔɔru win a siɛra, amaa Uwonbɔr a pɔɔm bu che min nin fin nlagin ki ji fala tibɔŋann nan bu,

2 Timoti 2:24

Naa ŋan nin Uyudaan a toontunnu li ban ikɔn ni, amaa u li jɔɔ nbinben ŋan nin bininfob biɛn, ki li ye wan li fir wɔɔn, ki li jɔɔ limɔril.

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.

Hiibru Yaab 12:1

Mambu taah jɔɔ siɛradam takpem ban gɔɔn jin ti nan, ni che ti ta nan biɛn li legin ti samin ki gab nin tibir tan fir chor ti-n, ni che ti nyigin ki guun ti taguunl lan dɔ guu ti nan.

Tibɔkpiirkaan 1:9

Min, Jɔnn wan ye ni nabig, wee ki ye ni kpiɛg ti fala-n nin ti naamin nin ti mɔril a nyiginimin nan ye ti yaan Yisa bu-n, wee ki nan be ligungonl lan be nnyum a sisiigin Patmosi-n Uwonbɔr a mɔleen bu nin maah ye Yisa a siɛra bu-n.

Tibɔkpiirkaan 3:10

Naah nyigin wee ki jɔɔ limɔril ki ŋmag n siimin bu, n na li nyan ni limugil lan yin foon ki nan mag ban be dulinya nan yaan biɛn nin.