2 Korenti 6:10 - UWONBƆR A GBƆNPƆŊ LIKƆƆNL

¹⁰ ti jɔɔ npoobiin, amaa le iyoo biɛn ke ni mɔ ti, ti ye faladam le, amaa le ti che bininfob takpem kpann bijɔɔndam; taa jɔɔ niba, amaa le ki sin jɔɔ niwann biɛn.

Uwumbɔr aagbaŋ

¹⁰ Tisui bii la. Yesu pu, le ti kpa mpopiin n‑yoonn mɔmɔk. Ti ye bigiim la, le ki ŋa binib pam biwankpadam Uwumbɔr chee. Taa kpa dulnyaa wee ni aawan nibaa, ti kpa paacham aawan mɔmɔk. Nimina mɔmɔk le mɔk ke ti sil ye Uwumbɔr aatutum.

2 Korenti 6:10 ပူးပေါင်းရင်းမြစ်များ

Matiu 5:12

Che ni pool li sɔɔ ke ni mɔ na, ke ni nyɔɔr na li yab paab, nan bu-n man le bi pii nan mugir bilinlem baah kaa la nan ma ni-n.

Matiu 5:4

Tikaar be ban mɔr tikpemɔr bu, nan bu-n bi li balin bi.

Tibɔnyaan ti Luk ŋmee ti na 6:21

Tikaar be nim ban wee nkom jɔɔ ni daandaan nan, nan bu-n ni na li ji ki gbee. Tikaar be nim ban mɔr daandaan nan, nan bu-n ni na li la.

Jɔnn 16:22

Man le ni ye ki sei ni: Daandaan nan le ye ni sufu biil a yonni, amaa n ji li kan ni le ni jɔɔ nmɔn, le uba kaa li fir ta ni mɔm nmɔn ki sin jiɛn ni.

Lituln 16:25

Le kunyiɛgtasiig le Pɔɔl nin Silasi nan miɛ Uwonbɔr ki gaa liwonpagil a lai-n ki pagir Uwonbɔr, le ban loo kpiɛ bi bu-n nin pelig.

Lituln 3:6

Amaa le Piita bei u ke, “Maa jɔɔ iligi, amaa maah jɔɔ nan le n yin ta seiŋ nan. Yisa Masiya wan nyan Nazarif nan a yinl bu, fii choon na.”

Lituln 5:41

Le itoon nin nan nyan Juu yaab a yudamin ban nin nmɔn, nin baah kpaan nin bin ji ifa Yisa a yinl bu-n.

Rom Yaab 11:12

Amaa ni ye bi burim nmɔn bu le dulinya yaab kan njɔɔm, le baah lann nan nin che ban kaa ye Juu yaabin kan njɔɔm ke, man ke Juu yaab mu nan jiɛn bi bir ki kan nŋmarim ke, dulinya nan yaab li kan njɔɔm nin jo man.

Rom Yaab 12:15

Ni li jɔɔ nmɔn nin naah mɔ ban nin na; ki li wii nin ban wii-n na.

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 8:32

Uwonbɔr wan kaa nan yii U tɔɔl a bija a kum bu, amaa le ki ta u mann kumanug ki sei ti biɛn, ke ni yin ŋa nii wee waa ji li fir ta U ki kpiɛ tiwann tan biɛn gurin bu ki sei taa?

Rom Yaab 9:2

n jɔɔ npoobiin le nin nan wu kan kaa jɔɔ diɛm n sufu ni.

1 Korenti 1:5

Naah be nin Yisa-n ni ŋa biwandam le niwann biɛn ni, nin ni pipagir nin ni biɛmin,

2 Korenti 2:4

Maah nan sɔb kugbɔŋ nan ki tenn ni, n nan sɔb nin npoobiin le takpem nin tinyinyinn, naa ye ke n nan ban n bii ni sufu le, amaa n nan ban ni biɛ maah ban ni takpem man le.

2 Korenti 4:15

Ni niɛ nan biɛn ye tinyɔɔr le ki sei ni, wee Uwonbɔr a nyunyunbasanl n foo bininfob takpem, wee bin sei Uwonbɔr kunɔɔpoog takpem nin kupag.

2 Korenti 4:7

Amaa ti jɔɔ njɔɔm man be tiyɔgir a binboli yin, le ni wɔɔn ke npɔɔn man jon niwann biɛn nyan Uwonbɔr ban le, amaa naa ye tim ban ni.

2 Korenti 8:9

Ni nyi ti Yudaau Yisa Masiya a nyunyunbasanl kaah ye man. U nan ye uwandaan le, amaa nim bu le u kpann faladaan, naah li ŋa man wee u fala nmɔn n che ni kpann biwandam.

Efesusi 3:16

N miɛ Uwonbɔr le ke Un ta U jɔɔm a pagim ki pɔɔg ni gbanann nmɔn U Naaŋ kan be ni nin bu,

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Filipi 4:4

Ni che ni li mɔ ni naah be Uyudaan nin iyoo biɛn na. N ji yin mann bei ni le ke: Ni che ni li mɔ na!

Kolosiya 1:24

Daandaan nan ni mɔm, nin maah jin fala kan nim bu-n, le n la gbee nin fala nmɔn le n gbanann nin ki jin nan la paar Masiya a fala a jimin paam, u gbanann nmɔn le ye biwonjiɛm a laguŋ.

Kolosiya 3:16

Ni che Masiya a bɔŋann nin li be nin ni nbamɔma, wee ni li wɔɔn ni tab, ki gbeer tab nin nlamgɔrikaam, ki li gaah ilan, liwonpagil a lan, nin Kinaaŋ a lan nin linungbeel ni sufu ni ki sei Uwonbɔr.

1 Tesalonika 1:6

Ni nan toog tim nin ti Yudaau a binbem le; nin naah nan ji fala kan nin biɛn yɔli, ni nan gaa tibɔŋann nmɔn le nin npopeen man wee Kasi a Naaŋ ta sei ni-n.

1 Tesalonika 5:16

Ni che ni li mɔ ni iyoo biɛn na;

1 Timoti 4:8

Tigbanann a tunim jɔɔ tinyɔɔr ti ba ti ni, amaa nwonjiɛn binben jɔɔ tinyɔɔr niwann biɛn ni, ki ŋmag limɔsiinl lan tun daandaan nan nin iyoo yan la chaan nin.

1 Timoti 6:18

Bei bi wee bi li tun nan ŋan na, ki li ye bijɔɔndam itoon ŋan nin, ki li por baah jɔɔ nan ki tenn taba ki laa jɔɔ woog tabi.

Hiibru Yaab 10:34

Ni nan jogir biloondiikɔɔbin le, le ki chee sei ban yug ni wan yɔɔrin nin nmɔn, nan bu-n ni tɔɔl nyi naah jɔɔ nan nin kaah ŋan kaa jɔɔ diɛmi.

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

1 Piita 4:13

Amaa ni che ni li mɔ na nin naah por ki ji Masiya a fala-n bu, wee ni nan kan nmɔn takpen u pagin a kpiirimin.

Tibɔkpiirkaan 2:9

N nyi ni fala a jim bu nin naah ye faladam, amaa ni ye bijɔɔndam le! Ki nyi biba kaah jɔɔ kutingbiig ki bei ni ke bi ye Juu yaab le amaa kaa sin ye; amaa bi ye Sintani a wonjiɛndiig a ninfob le.

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.