2 Korenti 5:8 - UWONBƆR A GBƆNPƆŊ LIKƆƆNL

⁸ N len na, ti jɔɔ tidindann, n bi li ban ke na ti pii bi nyan tigbanann a niin nan yaan na ki kun Uyudaan ban na.

Uwumbɔr aagbaŋ

⁸ Le ti kpa lipobil. Ti yaa di tiwon timina lii, ki kun Tidindaan do paacham kan, ni ga li mɔ timi.

2 Korenti 5:8 ပူးပေါင်းရင်းမြစ်များ

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Matiu 25:23

“Le u yudaau jiin bei u ke, ‘Nfaan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu n yin ta tiwann takpem le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Tibɔnyaan ti Luk ŋmee ti na 2:29

“N yudaau, min wan ye a yomu nan, jaam nin nposɔɔn, Ke ŋaah pii nan siin limɔsiinl man nin.

Jɔnn 12:26

Wan ban un tun terim ke ni ye u li nɔɔm le, le n be nan yaan ke, n toontunnu mu li be niin. N Baa li sei wan tun tenn min jilima.

Jɔnn 14:3

Ni ye ke n jon tan mann npaan ke, n li jirin ki nan ta ni wee nitɔɔl tan li be n ban nan yaan wee n be-n.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Lituln 21:13

Amaa le Pɔɔl jiin ke, “Ba ŋa wee ni mɔr ki ku n gbanann naa? Naa ye ba tan yin lolimin a binba bu le n chaa, amaa n ŋa sili nin n tan kpo Jerusalam Uyudaan Yisa a yinl buu.”

2 Korenti 5:6

Ni ma bu, ti jɔɔ tidindann le iyoo biɛn ki nyi ke taah be tigbanann a niin yin ni, taa be Uyudaan ban ni.

2 Korenti 5:9

Nibu, ti num man le nin ti penn u sufu, taah be tigbanann a niin nan yaan, bee taah kaa be ti yaan ni.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

Tibɔkpiirkaan 22:3

Limɔpool kaah ji na li be niin ni, Uwonbɔr nin Kipeebigin a naangbɔŋ na li be kitiŋ nmɔn yaan, le U toontum na li tun tenn u.