2 Korenti 5:14 - UWONBƆR A GBƆNPƆŊ LIKƆƆNL

¹⁴ Masiya a bamin le ŋmag ti, taah biɛ ke uninfo uba le kpo ki sei bininfob biɛn ni, ni bu bininfob biɛn kpeg le.

Uwumbɔr aagbaŋ

¹⁴ Kristo aah gee timi pu na le junni tiwon ni, ki cha ti bi kina. Ti nyi ke unibaan nan sil binib mɔmɔk aasisiiyaan ki gaa baakun ki kpo, nima le bi mɔmɔk kpo.

2 Korenti 5:14 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Tibɔnyaan ti Luk ŋmee ti na 15:24

Nan bu-n n big nan nan kpo le ki ji jirin nin limiɛfol; u nan bora le n ji nan kan u.’ Le bi piin kunaachuŋ a jim.

Tibɔnyaan ti Luk ŋmee ti na 15:32

Amaa ni ye ti ji kunaachuŋ le ki li jɔɔ npopeen, nan bu-n a waal nan nan kpo le, amaa le ki ji jirin u miɛfolin, u nan bora, le ti ji nan kan u.’ ”

Tibɔnyaan ti Luk ŋmee ti na 24:29

Amaa le bi nan bei u nin inunman ke, “Paar ti ban na, nan bu-n nween lu; le ni nin be nin bɔŋ le.” Le u nan nɔɔ bi ki kɔɔ ki tan be bi ban.

Jɔnn 1:29

Ni nan wonn le Jɔnn nan kan Yisa kaah chaan u ban le ki ke, “Lig, Uwonbɔr a Peebig, wan nyann dulinya nan a birin!

Jɔnn 11:25

Le Yisa bei u ke, “Min le ye nkum a fiim nin limiɛfol. Wan ŋaam yada li kan limiɛfol, hali nin waah le kpe-n biɛn na;

Jɔnn 5:25

N bei ni ibamɔn le, n-yonn chaan le n-yonn nmɔn pii foon na le ban kpo li gbir Bija-n a kukɔl le ban gbir waah len man nin li kan limiɛfol.

Lituln 18:5

Le Silasi nin Timoti nan nyan Masedoniya ki dan. Le Pɔɔl nin ta u toon yin ki jiɛn ki nin ta u saŋi biɛn ki sei Yisa a bɔr n-yaa mɔɔnim, ki wɔɔn Juu yaab ke Yisa le ye Masiya.

Rom Yaab 2:2

Daandaan nan ti nyi ke Uwonbɔr kaah ji ban tun man nmɔn tibɔrin ni nɔɔ ibamɔn a sam bu le.

Rom Yaab 5:15

Amaa Uwonbɔr a piin yin kaa nann Adam a birin ni. Ni ye bininfob takpem kpo uninfo uba nmɔn a bir bu ke, man ke Uwonbɔr a nyunyunbasanlin ma li jo man, le U piin yan nyann uninfo uba wan ye Yisa Masiya a nyunyunbasanlin nin ma li yab ki tan lagir le Un ta sei bininfob takpem!

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

Rom Yaab 6:6

Ti nyi ke ti binben kpegimin nan lagin kpaa nin Masiya u, na li ŋa man ki bii tibir a gbanann, wee ti laa ji be tibir a yomirin ni;

1 Korenti 16:22

Wan kaa ban ti Yudaau ke, limɔpool be u bu. Dan ti Yudaau.

1 Korenti 2:14

Wan kaa jɔɔ Kinaaŋ nmɔn kaa cheel tibɔr tan nya Uwonbɔr a Naaŋin ban ni, tibɔr nmɔn ye ijɔr leen le ki sei u, le waa li fir biɛ ti taai yi, nan bu-n ti ye kinaaŋ a leen le.

2 Korenti 3:7

Ni ye itoon nan le che nkum foon ke, wee bi nan sɔb litangbagil bu-n, iyaayoo le Uwonbɔr nmɔn a weem takpem jiirin ki nan won ki nyagin Moziz a num paam, nwonween nmɔn kaah nan nyagin man ni n bu, Iziral yaab kaa nan fir ligi, ni ye itoon nmɔn le nan che nkum foon ki biɛ che nwonween takpen foon ke,

2 Korenti 3:9

Ni ye itoon yan ku bininfobin che jilima foon ke, ibuchin toon yan che jilima chaan nin ma li jo man!

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Efesusi 6:24

Uwonbɔr a nyunyunbasanl li be ban biɛn jiɛ ti Yudaau Yisa Masiya nin njiɛm man kaa jɔɔ diɛmin.

Kolosiya 2:13

Ni nan ye bitakpiib le ni birin n-yonn iba, le kaa jɔɔ lipunjiil a bir a binbemin, le Uwonbɔr che ni jɔɔ limiɛfol Masiya ni. Le ki jiɛn per ti biɛn nan a bir,

Kolosiya 3:3

Nan bu-n ni kpou, le ni miɛfol woo Masiya ni le ki be Uwonbɔr ban.

1 Timoti 2:6

uma nan ta u miɛl ki daa bininfob biɛn, Uwonbɔr kaah nan pag siɛra kan ni a yoo dede.

1 Timoti 5:6

Amaa lipukɔɔl lan ta liba ki sei tigbanann a bam ma pii kpou, hali nin waah le la fo-n nan biɛn yɔli.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Hiibru Yaab 2:9

Amaa ti kan Yisa, wan wee Uwonbɔr nan jiin u tum wama malakam ban nin, daandaan nan, u chig kupag nin jilima a yuchigirig le waah jin nkum a fala-n bu, wee Uwonbɔr a nyunyunbasanl bu u nan che u kpo uninfo biɛn bu-n.

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

1 Piita 1:8

Hali naah kaa le kan u nni, amaa ni jiɛ u; nin hali naah kaa le la kan u daandaan nan gbaa, ni ŋaa u yadau, mambu le ni gbee nin nmɔn man kaa jɔɔ magimi,

1 Jɔnn 5:19

Ti nyi taah ye Uwonbɔr a buwaab, le dulinya munl nan be ulinlaril a nɔɔn.