2 Korenti 4:4 - UWONBƆR A GBƆNPƆŊ LIKƆƆNL

⁴ Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

Uwumbɔr aagbaŋ

⁴ Kinimbɔŋ ki joo dulnyaa aanib na le jɔb binib bi kaa gaa Yesu ki kii na aanimbil, ke tibɔnyaan tee taa woln binimbil. Tibɔnyaan tee tuk timi Kristo aah ŋan sakpen pu na. U ye Uwumbɔr aanaŋ la.

2 Korenti 4:4 ပူးပေါင်းရင်းမြစ်များ

Matiu 13:22

Ndibim man lu ikunkon nin nan mu le ye wan gbir Uwonbɔr a bɔr, amaa le dulinya nan a mugil nin njɔɔm a bam lu ki nyagin i bu, le taa li fir naan ni.

Jɔnn 1:14

Limɔbonlin nan kpann tigbanann nin ncham le ki nan ŋa u kukɔɔbol ti ban. Ti nan kan u paga, kupag kiba kpeŋ kpeŋ, kan nan nyan ti Baa ban nin, ki gbee nin linyunyunbasanl nin ibamɔn nin.

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

Jɔnn 12:31

Daandaan nan ni foo Uwonbɔr nji dulinya nan a ninfob a bɔra; daandaan nan bi li ŋɔɔr dulinya nan a bɔrbig nnyan.

Jɔnn 12:35

Le Yisa bei bi ke, “Naa li yuuri nwonweenin li be ni ban. Nwonween kaah la be ni ban nin, ni li chonn na wee libunbɔnlin laa pii ni. Usaal wan chonn libunbɔnlin kaa nyi waah chaa nan yaan ni.

Jɔnn 12:40

“U jɔɔn bi nuŋi ya le ki ku bi sufuu, wee bi laa ga nin bi nuŋi yi, ki laa biɛr nin bi sufu ki laa labir n ban, wee n sei bi kutebugi.”

Jɔnn 12:45

U lig n paam ke, u ga wan nan tunimin le.

Jɔnn 14:30

Maa ji li pag nin ni ki yuuri, nan bu-n dulinya nan a bɔrbig le chaan nin. Waa jɔɔ n pɔɔmi,

Jɔnn 15:24

Ni ye ke maa nan bi ŋa niwann nan wee uba kaa fir ŋa bi sisiigin ke, baa bi jɔɔ tibir a galin yi. Amaa daandaan nan bi nan kan ligaril a siɛrama, le ni biɛn yɔli bi nan min nin n Baa biɛn le.

Jɔnn 16:11

le ki jiin libɔjil paam bi galin na, nan bu-n daandaan nan dulinya a bɔrbigin pii biiu.

Jɔnn 8:12

Yisa kaah ji nan pag sei bininfobin, u nan ke, “Min le ye dulinya nan a wonweem. Wan biɛn nɔɔm kaa li nyi chonn libunbɔnlin ni, amaa u li jɔɔ nwonween man tenn limiɛfol.”

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Lituln 26:23

ke Masiya li ji fala, ki li ye chinchinn a ninfo wan yin fii nkumin, ki wɔɔn u tɔɔl a ninfob nin ban kaa ye Juu yaab nan tibɔr tan li wonn bi num.”

1 Korenti 10:20

Aai kumanug kan wee ban kaa ye biwonjiɛm mann ni, bi mann tenn nnaanbiim le amaa naa ye Uwonbɔr i, n mu kaa ban ni li mann ki tenn nnaanbiimi.

2 Korenti 2:11

wee Sintani n laa kan npɔɔn ki lar ti. Nan bu-n ti nyi u san kaah ye man.

2 Korenti 2:12

Maah nan foo Tirosi a tiŋin ke n mɔɔn Masiya a bɔŋann ni, le n biɛ ke Uyudaan sin loor u toon a naanganl ki sei ma.

2 Korenti 3:11

Ni ye nan wiir nan che jilima foon ke, nan kaa wiir ma a jilima li jo man.

2 Korenti 3:14

Amaa bi le laa ye tukangbirdam le, hali nin dinan, ni ye bi karin Moziz a gbann nin ke, likinkenl nmɔn la deg bi num paam le. Laa la degiri. Nan bu-n Masiya a binba bu le li degir.

2 Korenti 3:18

Amaa tim ban wee likinkenl kaa deg ti num paamin, le ti kan ti Yudaau kaah jɔɔ tiŋann man takpem, le ni kpenn ti le ti nann u, le ti yaa ŋam nmɔn kpiɛg, le tiŋam nmɔn nyan Uwonbɔr wan ye kinaaŋin ban le.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

Galantiya 1:4

u ma ti yudaau Yisa nmɔn le ta uba ki siin ti taalin ti yaa toonbirin, ke un nyan ti dulinya birig kan a yonn wee ti be nan, ke ti Baa Uwonbɔr kaah ban man nin,

Efesusi 2:2

Naah nan be nsiim a biim nin ni toonbirin ki nɔɔ dulinya nan a sam nin kutingbɔŋ nan a yudaau a naamin, nin kinaaŋ kan tun nin bininfob ban kaa jɔɔ limɔcheelin.

Efesusi 6:12

Taa kɔnn nin bininfob ban ye tigbanann nin nchamin ni, amaa ti kɔnn nin nnaam a pɔɔm, nin tininkper a pɔɔm, nin dulinya nan a bunbɔnl a pɔɔm, nin nnaanbiim man be paabin a pɔɔm.

Filipi 2:6

U jɔɔ Uwonbɔr a nunaŋ le, amaa waa tiɛr ke un ta u ba kpaag nin Uwonbɔr bee niwann nan wee u li choo,

Kolosiya 1:15

Masiya le ye Uwonbɔr wan wee taa ga win a nunaŋ, uma ye kibininkpeeg kan yab jon kuwonaaŋ biɛn.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

1 Timoti 1:11

ni niɛ nan le ye jilima a bɔŋann tan nyan tikaar a Wonbɔru ban, le u ta ŋa n nɔɔn ke n li mɔɔn na.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 1:3

Uwonbɔr a pag le che U bija-n nyagin, ki jɔɔ Uwonbɔr a nunaŋ, ki ji ye wan ŋmag niwann biɛn u mɔleen a pɔɔm bu. Ni bɔɔn bu waah nan ban tibir a ŋunnim ki sei ti-n, le u kal Jilimadaan Uwonbɔr a nɔɔjiim paam papaab.

Hiibru Yaab 6:4

Ni li pɔɔ ki sei bininfob ban wee Uwonbɔr wonn bi numin, ban nyi len paab a piini wee ki nan por kasi a Naaŋ a piini ki sei tabin.

2 Piita 1:19

Le ti ta bilinlem a mɔboi yin ki ŋa ibamɔn, ni pɔɔn niba ki mann pel ya, a li ke nwonween kaah wonn libunbɔnlin man nin, ki nan kpaa kutaag kaah na li wonn wee njakpanyiɛn a ŋmabili nwonn ni sufu ni.

1 Jɔnn 2:11

Amaa wan nan u nabig ke, udaan be libunbɔnlin le ki choon jin; kaa nyi waah chaa nan paami, nan bu-n libunbɔnl nmɔn che u jɔɔn na.

1 Jɔnn 2:8

Nin ni ma biɛn nin, nsiim pɔm le n sɔb ki tenn ni, le ti kan ni bamɔn u ni nin ni ni, nan bu-n libunbɔnl fɔɔr le chaa le ibamɔn a wonweem pii nyagin le.

1 Jɔnn 5:19

Ti nyi taah ye Uwonbɔr a buwaab, le dulinya munl nan be ulinlaril a nɔɔn.