2 Korenti 3:8 - UWONBƆR A GBƆNPƆŊ LIKƆƆNL

⁸ Kasi a Naaŋ a toon-yin kaa li jɔɔ jilima nin nwonween ki jo man naa?

Uwumbɔr aagbaŋ

⁸ Uwumbɔr yaa tii timi Waafuur Nyaan kan, Nfuur Nyaan ngbaan ga li joo ni nwiihn ki ti jer kina.

2 Korenti 3:8 ပူးပေါင်းရင်းမြစ်များ

Jɔnn 1:17

Uwonbɔr le nan che Moziz sei ti nsiim; le Yisa Masiya mu bu le ti kan linyunyunbasanl nin ibamɔn.

Jɔnn 7:39

Yisa kaah nan pag man nin, u nan len Uwonbɔr a Kasi a Naaŋ kan wee ban ŋa u yada-n na yin ga-n le. Ki nan nan kpaa n-yonn nmɔn nin, Uwonbɔr kaa la nan ta Kinaaŋin ki sei ban ŋa u yada-n ni, nan bu-n Yisa kaa la nan kan kupagi.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

2 Korenti 11:4

Ni ye uba dan ni ban ki nan bei ni Yisa uba a bɔr wee naa ye Yisa wan a bɔr wee ti nan pagin ke, bee kinaaŋ kan kaa ye Kasi a Naaŋ nke, bee tibɔr tan kaa ye Yisa a bɔŋanni ke, ti ma le ni gaan nbamɔm weem.

2 Korenti 3:17

Uwonbɔr ye kinaaŋ le, Uwonbɔr a Naaŋ kaah be nan yaan ni, ye nbaa mu be niin le.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

2 Korenti 3:7

Ni ye itoon nan le che nkum foon ke, wee bi nan sɔb litangbagil bu-n, iyaayoo le Uwonbɔr nmɔn a weem takpem jiirin ki nan won ki nyagin Moziz a num paam, nwonween nmɔn kaah nan nyagin man ni n bu, Iziral yaab kaa nan fir ligi, ni ye itoon nmɔn le nan che nkum foon ki biɛ che nwonween takpen foon ke,

2 Korenti 3:9

Ni ye itoon yan ku bininfobin che jilima foon ke, ibuchin toon yan che jilima chaan nin ma li jo man!

Galantiya 3:14

U nan sei ti nkpenim a manug le ke Masiya bu le ban kaa ye Juu yaabin mu nkan tikaar tan wee Uwonbɔr nan ŋa Abiraham bu-n ni, ke ni ye ti ŋa yada ke, ti li kan Kinaaŋ kan wee U nan siin limɔsiinl ke U li sei ti-n.

Galantiya 5:5

Amaa yada bu, le kinaaŋ sei ti npɔɔn le ti jɔɔ tama ki guu nbuchin binben a yonn.

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

2 Tesalonika 2:13

Ni ye ti le li poor Uwonbɔr le iyoo biɛn ni bu, n nabum, nim ban wee Uyudaan jiɛ, nan bu-n npiinimin Uwonbɔr nan gann ni le ke ni kan nŋmarim Kinaaŋin a pɔɔmin ki ŋa ni u kasi a ninfob nin naah ŋa ibamɔn nin yada-n.

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.