2 Korenti 3:6 - UWONBƆR A GBƆNPƆŊ LIKƆƆNL

⁶ U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

Uwumbɔr aagbaŋ

⁶ Uma le tii timi mpɔɔn ke ti tuk binib waah puu tipuupɔln ti na. Taa tuk bi ke bi yaa kaa kii Moses aakaal mɔmɔk kan, bi ga kpo. Ti tuk bi ke Uwumbɔr Aafuur Nyaan le ga tii bi limɔfal. Ba pu? Moses aakaal mɔk timi ke ti ŋeer nkun, Uwumbɔr Aafuur Nyaan le tii timi limɔfal.

2 Korenti 3:6 ပူးပေါင်းရင်းမြစ်များ

Matiu 13:52

Le u bei bi ke, “Mambu, ban wɔɔn Uwonbɔr a siim biɛn wee bi wɔɔn bi ki jiin paab a naamin paam nbamɔm ke, bi nann uniindaan wan nyan u wan kpegir nin u wan pɔnn biɛn u naapɔɔgin le.”

Matiu 26:28

N cham man ye Uwonbɔr a poorin sɔ, ncham man kpaar ki wur bininfob takpem bu, wee bi kan tibir a jiɛnper nan.

Tibɔnyaan ti Mak ŋmee ti na 14:24

Le u bei bi ke, “N cham le yen, le n cham li kpaar ki wur, bininfob takpem bu, ki wɔɔn ke Uwonbɔr poo tipoor pɔn na.

Tibɔnyaan ti Luk ŋmee ti na 22:20

Baah ji nan jin kunyiɛg a jiir ki diɛ a bɔɔn le u ji yuur kiyiinyɔɔgin, ki ke, “Kiyiinyɔɔg nan li ye Uwonbɔr a poopɔnn tan be n chamin, ki kpaar sei ni nan.

Jɔnn 5:21

Nan bu-n Baa-n kaah le fiin ban kpo nkumin ki tenn bi limiɛfol man nin, man le Bija-n mu tenn ban wee u num gbee limiɛfol.

Jɔnn 6:63

Kinaaŋin le tenn limiɛfol; tigbanann ma be yɔli le. Imɔbon yan wee n pag tenn ni nan ye kinaaŋ le, ki ji ye limiɛfol.

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 3:20

Ni ma bu uba kaa li fir len ke waah ŋmag Uwonbɔr a siimin bu u ye ubuchin Uwonbɔr ban ni; amaa nsiimin le che ti biɛ tibir kaah ye nan.

Rom Yaab 4:15

nan bu-n nsiimin a biim le jɔɔ Uwonbɔr a ŋuufiiŋ chaan. Nan yaan wee nsiim kaa be-n uba mu kaa jɔɔ igalin ni.

Rom Yaab 4:17

Ke naah sɔb man Uwonbɔr a gbɔŋin nin: “Min le ŋaaŋ ibol takpem a baa.” U ye ti baa le Uwonbɔr ban, wan wee u ŋa u yada, U ma ye Uwonbɔr wan tenn bitakpiib limiɛfol wee ki che tiwann tan kaa nan be-n nin be ke ti pii nan be le-n.

Rom Yaab 7:6

Amaa daandaan nan, taah nan kpo ki sei niwann nan nan ŋmag ti, ti nyan nsiimin yaan na, ti ni yin tun ki sei Kinaaŋ a binben pɔŋin le, naa ji ye nsiim kpegim man nan sɔb dɔ-n ni.

Rom Yaab 8:2

nan bu-n, Masiya bu le limiɛfol a naaŋ a siim feem ki jaa tibirin nin nkumin a siimin.

1 Korenti 11:25

Man nmɔn jigin baah nan jin diɛ a bɔɔn le u ji yuur kiyiinyɔɔg, ki len ke, “Kiyiinyɔɔg kan ye Uwonbɔr a poopɔnn tan ye n yaa chamin nsɔ, ni li tun man n-yonn man biɛn wee nin nan nyun ke, ni li tiɛr nbu.”

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 15:45

Man le ni sɔb Uwonbɔr a gbɔŋin ke, “Chinchinn a ninfou Adam nan ye wan fo le,” le Adam wan joorin mu ye wan tenn kinaaŋ a miɛfol.

1 Korenti 3:10

Uwonbɔr kaah sam kunyunyunbaag nbu, n bil lifiɛl le ke litanma kpegilin, le uba maa tɔɔg li bu, amaa uninfo biɛn li nyi waah maa ki tɔɔg li bu man.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

2 Korenti 11:23

Bi ye Masiya a toontum lee? (N nann uwaar le maah pag man nin nbu.) Min jon ba, ki kɔɔ tiloondirin ke naa jɔɔ tarigi, le bi boom inaanbaan te-n, le n kan kininbɔŋ kan mal nkum jigin.

2 Korenti 3:14

Amaa bi le laa ye tukangbirdam le, hali nin dinan, ni ye bi karin Moziz a gbann nin ke, likinkenl nmɔn la deg bi num paam le. Laa la degiri. Nan bu-n Masiya a binba bu le li degir.

2 Korenti 3:3

Nim le wɔɔn ke ni nann kugbɔŋ kan nyann Masiya ban le, ki ye ti toon a siɛra, naa ye ngbansɔbmɔɔn le bi ta sɔbi amaa Uwonbɔr wan fo-n a Naaŋ, naa ye litangbagil bu le bi sɔb paan ni, amaa bininfob a sufu ni.

2 Korenti 3:7

Ni ye itoon nan le che nkum foon ke, wee bi nan sɔb litangbagil bu-n, iyaayoo le Uwonbɔr nmɔn a weem takpem jiirin ki nan won ki nyagin Moziz a num paam, nwonween nmɔn kaah nan nyagin man ni n bu, Iziral yaab kaa nan fir ligi, ni ye itoon nmɔn le nan che nkum foon ki biɛ che nwonween takpen foon ke,

2 Korenti 3:9

Ni ye itoon yan ku bininfobin che jilima foon ke, ibuchin toon yan che jilima chaan nin ma li jo man!

Galantiya 3:21

Mambu nsiim kɔn nin Uwonbɔr a mɔsiinlin lee? Naa ye man ni! Ni ye Uwonbɔr bi siin nsiim man li fir sei uninfo limiɛfol ke, U bi li ke bininfob ye bibuchim le U ban, nsiim nmɔn a ŋmagim bu.

Efesusi 2:1

Nim bu ke, ni nan ye bitakpiib le nin ban bii nsiim ni toonbir bu.

Efesusi 2:5

le U che ti jɔɔ limiɛfol nin Yisa, hali nin taah le nan kpo nin taah bii nsiimin. U nyunyunbasanl bu le ni kan feegab.

Efesusi 3:7

Uwonbɔr a nyunyunbasanl bu le n kpann tibɔŋann nan a yomu Uwonbɔr a piini yan wee u seim u pɔɔm a toon yin nin.

1 Timoti 4:6

A ta ni niɛ nan ki wɔɔn a nabum ke, a li ŋa usanliiŋan Masiya a toontumin, ŋaah nɔɔ ibamɔn a yada nin nwɔɔn ŋam man wugiriŋin.

2 Timoti 1:11

Tibɔŋann nan bu, le Uwonbɔr nan gannim ki ŋaam umɔleenmɔɔn, nin ntoon nin wan wɔɔnn.

Hiibru Yaab 12:24

ni foon Yisa wan ye usandanfaar tipoopɔnn n bu ban na, nin ncham jɔg kaam man pag ibamɔn ki jon Ebiɛl a chamin ban na.

Hiibru Yaab 13:20

Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

Hiibru Yaab 7:22

Tipoor nan bu, le Yisa ta uba ki siin ke tipooŋann n tun.

Hiibru Yaab 8:13

Uwonbɔr kaah nan yin tipoor nan ke, “Tipoopɔnn nin” le U ŋa tipoor tan chinn nin tipookpegir tan kaa ji tun ni; le niwann nan mu ŋa niwann kpegin ki por li bor kaa li yuuri.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Jɔnn 1:1

Wan nan be npiinimin, wee ti gbir u bu-n, wee ti num kan win, le ti lig u, hali ki ta ti nɔɔi maa win, uma le ti mɔɔn ki jiin u paam ke u ye limiɛfol a mɔbonl le.