2 Korenti 3:14 - UWONBƆR A GBƆNPƆŊ LIKƆƆNL

¹⁴ Amaa bi le laa ye tukangbirdam le, hali nin dinan, ni ye bi karin Moziz a gbann nin ke, likinkenl nmɔn la deg bi num paam le. Laa la degiri. Nan bu-n Masiya a binba bu le li degir.

Uwumbɔr aagbaŋ

¹⁴ Bitafal nan pɔɔ. Bi yaa karn Uwumbɔr aagbakpok kan, baa beer naatataa ki nan saa dandana. Ba pu? unii aan ŋmaa bee naatataa see u gaa Kristo ki kii.

2 Korenti 3:14 ပူးပေါင်းရင်းမြစ်များ

Matiu 13:11

Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Matiu 16:17

Le Yisa jiin ke, “Fin Simɔnn Jona a bija nan, tikaar be a bu, nan bu-n naa ye uninfosaal le kpiir tibɔr nan ki wɔɔn niŋi, amaa n Baa wan be paab nan le kpiir ti ki wɔɔniŋ.

Matiu 6:23

Amaa ni ye a numbil kaa ŋan ke, a gbanann biɛn yin be libunbɔnlin le. Mambu ni ye nwonween man be a ni-n nan bɔŋ ke, ni yin ye libunbɔnl takpenl le!

Jɔnn 12:40

“U jɔɔn bi nuŋi ya le ki ku bi sufuu, wee bi laa ga nin bi nuŋi yi, ki laa biɛr nin bi sufu ki laa labir n ban, wee n sei bi kutebugi.”

Jɔnn 12:46

N dan dulinya nan yaan le ke nwonween nin, wee uba laa ŋa min yada wee ki sin ji be libunbɔnlin ni.

Jɔnn 8:12

Yisa kaah ji nan pag sei bininfobin, u nan ke, “Min le ye dulinya nan a wonweem. Wan biɛn nɔɔm kaa li nyi chonn libunbɔnlin ni, amaa u li jɔɔ nwonween man tenn limiɛfol.”

Lituln 13:15

Baah karin Moziz a siim nin Uwonbɔr a linlem a sɔbim n-yaan a bɔɔn bu, le kuwonjiɛndiig nmɔn a ninkpeeb bei Pɔɔl nin Banabasi ke, “Ti na a bum, ni ye ke ni jɔɔ tibɔŋann tan wee ni yin pag pɔɔg ti gbanann ke, ni paga.”

Lituln 15:21

Nan bu-n Moziz a siimin, ti yaajam a yonn le u nan mɔɔn nsiimin kitiŋ biɛn nin, le bi karin nsiim nmɔn tiwonjiɛndirin likpakɔɔl daal biɛn.”

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Rom Yaab 11:25

N nabum, maa ban ni li be kaa nyi tibɔwoonkaar nan ni, tan li che ni laa donn niba naah nyi nan bu: Iziral yaab a tupɔɔm man bi ba bu-n kaa yin yuuri, amaa le ni yin be man le hali nin ban kaa ye Iziral yaabin kaah na li dan Uwonbɔr ban.

2 Korenti 3:15

Hali nin dinan, bi karin Moziz a a gbann nmɔn ke, likinkenl nmɔn le la deg bi sufu le.

2 Korenti 3:6

U che ti ye bitoontunŋam ban fir mɔɔn tipoopɔnn ni le, naa ye nan sɔb dɔ, amaa ti nyan Kinaaŋin le; nan sɔb dɔ-n ma ku le amaa le Kinaaŋ ma tenn limiɛfol.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

Efesusi 4:18

Bi biɛm ye libunbɔnl le, le baa kpiɛ Uwonbɔr kaah sei limiɛfol lan nin yaan ni, nan bu-n baa nyi niba le ki sin ji ye tukangbirdam.