2 Korenti 13:5 - UWONBƆR A GBƆNPƆŊ LIKƆƆNL

⁵ Ni mag ni bau njee ni sin be nin yadaa; ni baan ni bau. Naa nyi ke Masiya be ni ban naa? Wee naa ye ni lu ni magilin le-n.

Uwumbɔr aagbaŋ

⁵ Ni lik nimi aabimbin aah bi pu na man, ke ni sil tii Yesu Kristo naadii aan naa tii. Ni taa lik maabimbin aah bi pu na man, ni li lik nimi nibaa aabimbin aah bi pu na. Naa bee ke Yesu Kristo bi ni ni ii? U bi ni ni la; u yaa kaa bi ni ni kan, naa ye waanib mbamɔm.

2 Korenti 13:5 ပူးပေါင်းရင်းမြစ်များ

Jɔnn 14:23

Le Yisa jiin ke, “Ni ye wan jiɛm ke, u li ŋa maah wɔɔn man. N Baa li jiɛ u, le n Baa nin min li dan u ban ki nan be u ban.

Jɔnn 15:4

Ni li be nin ma, wee n mu li be nin ni. Nbon kaa li fir lo iloon mitɔɔli; ni kpaan le mi li tɔ busub a nyagil bu. Ni mu kaa li fir lo iloon ni see ke ni be nin min.

Jɔnn 17:23

Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Jɔnn 17:26

N che bi biɛŋa, le ki li che bin mann biɛŋ naah li ŋa man wee Ŋaah jiɛm man nin li be nin bi wee n mu tɔɔl li be nin bi.”

Jɔnn 6:56

Wan biɛn ŋman n gbanann ki nyun n cham ke u be n ban, le n mu be u ban.

Jɔnn 6:6

U nan baan man ke un mag u le, amaa u pii nan nyi u poolin waah nan yin ŋa man.

Rom Yaab 1:28

Nan kpiɛ, baah yii kaa ban bi li nyi Uwonbɔr a bamɔn yin bu le U nyan U num ki jiɛn bi per bi potiɛkpiinn nin, le bi tun nan kaa kpaan nin bin tun ni.

Rom Yaab 8:10

Amaa ni ye Masiya be ni ni ke, ni gbanann kpo tibir buu, nin ni ma biɛn ni, ni naaŋin fo nbuchin binben bu.

1 Korenti 11:28

Uninfo biɛn ye un mann dibir uba le nbamɔm, wee ki nin fir ŋman boroboro-n wee ki nyu kiyiinyɔɔg n-yaan.

1 Korenti 11:31

Amaa ni ye ti bi ji ti ba a bɔr ke taa ji bi na li kɔɔ tibɔr a jimin ni.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 6:15

Naa nyi ke ni gbanann tug nin Masiya a gbanann lee? Ke n ta Masiya a gbanann nmɔn ki lagin nin wan tun iwanjaab toon naa? Naa li firi.

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

1 Korenti 6:2

Naa nyi ke biwonjiɛm le na yin ji dulinya nan yaab tibɔraa? Ke ni ye nim le na yin ji dulinya nan yaab tibɔr ke, ba ŋa naa kpaan nin ni mann nbɔfinfim nan naa?

1 Korenti 9:24

Naa nyi ke bitaaguum gu ke, utaaguun uba kpeŋileŋ le yin guun ki ji ki gaa tiyɔraa? Ni bu, ni li gu nin inunman na wee ki gaa tiyɔr.

1 Korenti 9:27

Aai, n mug n gbanann le ki ŋa ti tiyomir, ke maah mɔɔn tibɔŋannin ki tenn n tab man ni, ni bɔɔn bu min tɔɔl n laa nan lann n yɔri.

2 Korenti 6:16

Kuwonjiɛndiig nin kutingbandiig jɔɔ baa a mɔcheel nin tab baa? Tim le ye Uwonbɔr wan fo-n a diig. A li ke Uwonbɔr kaah len ke, “N li be nin bi, ki li choon nin bi, Ki li ye bi Wonbɔru, wee bi mu ye n ninfob.”

Galantiya 2:20

Bi nan kpaam lidapunpunl bu le nin Masiya le naa ji ye min le be, amaa Masiya nmɔn le be nim. Limiɛfol lan wee n jɔɔ be nin tigbanann nin, n be nin yada le Uwonbɔr a bija-n bu, wan jiɛm wee ki ta u ba seimin.

Galantiya 4:19

N bijiɛkaam, ni wum le ke nmarwiɛn kaah choo upii ke ni wuu man nin, ki nan kpaa n-yonn man wee ni na li chegir Masiya a sam nan yaan.

Galantiya 6:4

Uninfo biɛn nmag u ba a toon ya. Wee ki nin fir ki fa u gbingbanl u toon ŋan bu, ki laa jɔɔ u ba magir u kpiɛgi,

Efesusi 3:17

wee Masiya li be ni sufu-n ni yada bu. Le n miɛ u ke un che ni fir ki sir nbamɔm ki baan inyaan njiɛmin,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 2:19

Waa ji tug nin Masiya wan ye ni yulin ni, wan bu wee tigbanann biɛn tugin, uma ŋmag tigbanann le ti ŋmag tab nin tijiin, le ti yabirig ke Uwonbɔr kaah ban ti li yabirig man.

Kolosiya 2:7

ki baan inyaan ki yabig nin uma, ki pɔɔg ni yada-n ke baah nan wɔɔn ni man nin, ki che ni nɔɔpoog li yaba ki tenn Uwonbɔr.

1 Timoti 2:15

Amaa bipiib li kan feegab, nin baah le maa nbuwaab nan biɛn na, ni ye bi le la si bi yada bu ki jɔɔ njiɛm nin kasi a binbem ke.

2 Timoti 3:8

A li ke Janesi nin Jambiresi kaah kaa nan chee sei Moziz man ni, man le bininfob nan mu kaa chee sei ibamɔn nni, bi tiɛr nan bir le, kaa jɔɔ yada.

Taitus 1:13

Siɛra nan ye ibamɔn le. Ni ma bu fuun bi bu choba, wee nin che bin mann sir bi yada-n nbamɔm,

Taitus 1:16

Bi len ke bi nyi Uwonbɔr, amaa le bi toon yin wɔɔn ke bi yii wa. Uwonbɔr nan bi binbem nmɔn. Bi ye tukangbirdam le kaa li fir tun litoon ŋanli.

Taitus 2:2

Wɔɔn bininkpeebin wee bin fir ki ŋmag biba wee ki laa fiin bi ŋu yi, ki li jɔɔ nbinben ŋan nin jilima, ki li fir chor bi ba, ki li nɔɔ ibamɔn a wɔɔm, ki li jɔɔ njiɛm, ki li pɔɔn biba bi fala a jimin.

Hiibru Yaab 12:15

Ni laa che uba n nan lann Uwonbɔr a nyunyunbasanli, wee nin laa che nton a sibonl npa ki yabig ni sufu-n ni wee nin ta kuŋmaruŋ ki dan ki bii bininfob takpemi.

Hiibru Yaab 4:1

Mambu, Uwonbɔr kaah siin limɔsiinl ke U li sei ti lifooril lan nin kaah la si nbu, ni che ti choo tiba wee uba laa nan lann lifooril nmɔn ni.

Hiibru Yaab 6:8

Amaa nkpatam man wee ikunkon nin ijakpiɛgar pa-n mi dɔ le yɔli, limɔpool a daŋ li be nkpatam nmɔn bu. Le njoorimin nŋmi n nan gaa npaan nin nmɔn.

Jemisi 4:4

Nim ban kaa si bogiliba nan, naa nyi ke nim ban jɔɔr dulinya nan kujɔtiigin ŋa Uwonbɔr ni dataag lee? Wan jɔɔr dulinya nan kujɔtiig ke, udaan ŋa Uwonbɔr u dataaga.

1 Piita 5:9

Ni laa chee, ki li ŋmag ni yada kenken na, nan bu-n ni nyi ni nabum ban be dulinya munl nan biɛn be man a fala ni le.

Tibɔkpiirkaan 2:5

Ni tiɛrim naah nan nyan nan fɔg man wee ki nan lunn! Ni kpenn ni binbema wee ki li tun ke naah nan tun man chinchinn nin na. Ni ye naa kpenn ke, n li dan ki nan yuur ni salima a filaam a tutɔɔnbolin kisisibol.