2 Korenti 13:4 - UWONBƆR A GBƆNPƆŊ LIKƆƆNL

⁴ Nin ni bamɔn, bi nan kpaa u lidapunpunl bu u daburigi ni, ni biɛn yɔli u jɔɔ limiɛfol Uwonbɔr a pɔɔm bu. Man nmɔn bu le ti mu jɔɔ u daburigi nmɔn, ni biɛn yɔli Uwonbɔr a pɔɔm bu ti mu li jɔɔ limiɛfol nin Yisa ki tun ki tenn ni.

Uwumbɔr aagbaŋ

⁴ U nan di waapɔɔn lii ki cha bi kpaa u ndɔpuinkoo pu. Dandana, u fu Uwumbɔr aapɔɔn pu la. Timi bi mu kpaan u chee na aa kpa mpɔɔn. Ti mu aah kpaan u chee na, ti mu fu Uwumbɔr aapɔɔn pu, ki ga ŋmaa mɔk nimi mpɔɔn ngbaan.

2 Korenti 13:4 ပူးပေါင်းရင်းမြစ်များ

Jɔnn 10:18

Uba kaa fee n miɛfolin nmɔn n ban ni, amaa n tɔɔl a wiib le n ta bil bi. N jɔɔ tininkper a pɔɔm ki li fir taa ki bil nin tininkper a pɔɔm ki ji li fir gaa li. N nan gaa nsiim nan n Baa-n ban le.”

Lituln 2:36

“Mambu ni che Iziral yaab biɛn n biɛ ni niɛ: Yisa wan wee ni nan kpa u lidapunpunl bu-n, U ma le Uwonbɔr ŋa u Uyudaan nin Masiya.”

Lituln 3:16

“Yada nin Yisa a yinl bu le uja wan wee ni kan ki nyi u nan pɔɔg ki fin choon, waah ŋa Yisa a yinlin yada n bu. Yada kan wee u jɔɔn le che u kan kutebug ni biɛn a numin.

Rom Yaab 1:4

ki jiin u wonaaŋ paam mu ke, Uwonbɔr a Kasi a naaŋin nan wɔɔn nin npɔɔn ke u ye Uwonbɔr a bija le u kum a fiimin bu: U ma ye ti Yudaau Yisa Masiya.

Rom Yaab 14:9

Ni niɛ nan bu, le Masiya nan kpo ki fii nkumin naah li ŋa man wee U li ye ban fo nin ban kpo a Yudaau.

Rom Yaab 6:4

Mambu ti nan kpo nin Yisa le bi pii ti nin u ma, Uwonbɔr a nyunfulin bu, a li ke Masiya kaah nan fii nkumin nin u Baa a pagin, man le ti mu yin be limiɛfol pɔnlin yaan.

1 Korenti 1:25

Uwonbɔr a jɔrigi jɔɔ nlam jon uninfosaal a lama, le Uwonbɔr a daburigi mu pɔɔ jon uninfosaal a pɔɔma.

1 Korenti 15:43

Baa pii ti nin tibuchinn ni, amaa le ti fii nin tibuchinn, bi pii ti ndaburim a piim le amaa le ti fii nin npɔɔn;

1 Korenti 2:3

N nan dan ni ban nin idaburig, le bijawaam jɔɔm le n gbanann jegil.

1 Korenti 6:14

Uwonbɔr a pɔɔm bu le fiin Uyudaan nkumin, U na li fiin ti mu nkumin.

2 Korenti 10:10

Bininfob biba ke, “Pɔɔl a gbann ni nann le ke upɔɔndaan uba-n, amaa le u nan foon ti ban n-yonn man ke, u ye ulanjiin le, le u mɔboi kaa ji jɔɔ npɔɔn ni.”

2 Korenti 12:10

Mambu, Masiya le che n num gbee, n daburigin, n sugirin, limugilin, fala a poolin, ki ga tibɔmugkaar. Ni ye idaburig choom ke, iyaayoo le n jɔɔ npɔɔn.

2 Korenti 13:9

Ni mɔ ti le n-yonn man wee ti jɔɔ idaburig amaa wee nim pɔɔ ke; ti wonmiɛl ye nan li mann ni le.

Filipi 3:10

N ban n li nyi Masiya le nin u kum a fiim a pɔɔmin ki li jɔɔ nɔɔnintab nin u, ki ji fala wan wee u nan jin nin, ki li be ke uma nin u kumin,

Hiibru Yaab 5:7

Yisa kaah nan be dulinya nan yaan n-yonn man nin, u nan miɛ Uwonbɔr le ki bei U waah ban nan, ki mɔr nkukɔpɔɔn nin tinyinyinn ki ŋaan U, Uwonbɔr wan li fir fee u nkumin nin, waah nan jɔɔ jiininba ki tenn Uwonbɔr nin limɔcheelin bu le U nan gbir u miɛm.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.