2 Korenti 13:14 - UWONBƆR A GBƆNPƆŊ LIKƆƆNL

¹⁴ Ti yudaau Yisa Masiya a nyunyunbasanl nin Uwonbɔr a bam, nin Kasi a Naaŋ a mɔkpaam li be ni biɛn ban.

2 Korenti 13:14 ပူးပေါင်းရင်းမြစ်များ

Matiu 6:13

Ki laa liin ti ki kɔɔn libiginlin ni, amaa wee ki nyan ti titoonbirdaan a nɔɔn.’

Jɔnn 4:10

Le Yisa jiin u ke, “Ni ye ke a nyi Uwonbɔr a piin nin wan miɛŋ nnyunyukaam nan ke, a bi li baan u le u bin seiŋ limiɛfol a nyum.”

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 7:38

Wan biɛn ŋaam yada ke Uwonbɔr a mɔleen yin kaah nan len ke, ikpen yan jɔɔ limiɛfol a nyum li puu ki nyann u sufu ni.”

Lituln 15:11

Aai! Tim ŋa yada ke ti Yudaau Yisa a nyunyunbasanl bu le ti kan nŋmarim, ke bi mu kaah kan man nin.”

Rom Yaab 1:7

N poor nim ban biɛn be Rom wee Uwonbɔr jiɛ ni ki yin ni wee ni ye U ninfogann kaabin: Ti Baa Uwonbɔr nin ti Yudaau Yisa Masiya a nyunyunbasanl nin nposɔɔn li be nin ni.

Rom Yaab 16:20

Nposɔɔn daan Uwonbɔr li taah Sintani ki mar ni taatum ke naa yuuri. Ti Yudaau Yisa a nyunyunbasanl li be nin ni.

Rom Yaab 16:23

Gayɔsi, wan gaa min nin biwonjiɛm a laguŋin biɛn kuchɔŋin wee ni mɔ ti-n poor ni. Erasitusi wan ye kitiŋ poolin a lig ŋmagir win, nin ti nabig Kuratusi poor ni.

Rom Yaab 16:27

ni pagim Uwonbɔr wan a binba ye ulandaan nan, hali nin n-yonn man kaa jɔɔ diɛm! Ibamɔn.

Rom Yaab 5:5

Le tama kaa li che ti ji ifa, nan bu-n Uwonbɔr nan che U Kasi a Naaŋ kan wee U ta sei ti-n le kpaar U jiɛmin ki ŋa ti sufu ni.

Rom Yaab 8:39

kaa ye nkpikper bee nnyunyɔɔni, kaa ye tiwann yɔɔr tan be tiwann naan wann nin biɛn ni, ni ba kaa be ki li fir bɔgir ti nyan Uwonbɔr a jiɛm man be ti Yudaau Masiya ni-n yaan ni.

Rom Yaab 8:9

Nim, ma ke, tigbanann a bamin kaa ji ŋmag ni amaa Kinaaŋin le ni ŋmag ni, ni ye Uwonbɔr a Naaŋ be ni ni ke. Wan mu kaa jɔɔ Masiya a Naaŋin ke, waa ye Masiya yaa wi.

1 Korenti 12:13

Ti biɛn nan fun Kasi a Naaŋ nmɔn le nin kinaaŋ kiba nin gbanann tiba, ŋaah ye Juu a ninfou bee Girig a ninfou wi, ŋaah ye uyom bee ŋaah ye a ba, Kinaaŋ kiba nmɔn le bi nan ta sei ti nyun.

1 Korenti 14:16

Ni ye a pagir Uwonbɔr a naaŋin a binba ke, ni yin ŋa niin wee uninfo wan be ni sisiigin kaa nyi ŋa len nan ni n len ke “Ibamɔn naa”?

1 Korenti 16:23

Ti yudaau Yisa a nyunyunbasanl li be ni bu.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

2 Korenti 8:9

Ni nyi ti Yudaau Yisa Masiya a nyunyunbasanl kaah ye man. U nan ye uwandaan le, amaa nim bu le u kpann faladaan, naah li ŋa man wee u fala nmɔn n che ni kpann biwandam.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Efesusi 2:18

Masiya bu le kinaaŋ kiba nmɔn ta ibol ilee nmɔn biɛn foon ti Baa Uwonbɔr ban.

Efesusi 2:22

Uma bu le ni mu lagin ki maa kudiig kan yaan wee Uwonbɔr be nin Kinaaŋin.

Efesusi 5:9

(nan bu-n nwonween a loonl ŋan ki jɔɔ nbuchin binben nin ibamɔn)

Efesusi 6:23

Ti Baa Uwonbɔr nin ti Yudaau Yisa Masiya a posɔɔm, nin u jiɛm, nin yada li be ti nabumin biɛn bu.

Filipi 2:1

Ni ye ni jɔɔ ngbananpɔɔn man nyan ni mɔkpaam man wee ni jɔɔ nin Masiya n ke, wee u bamin che ni sufu sɔɔn, wee ni jɔɔ nɔɔnintab nin kinaaŋin ke, wee ki jɔɔ nbinben ŋan nin tab ki san tab a nyunyunbaag ke,

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

1 Jɔnn 3:16

Ni niɛ nan le che ti biɛr njiɛm kaah ye nan: Yisa Masiya kaah nan gaa ti kum ki kpe-n. Ni ŋan nin ti mu nkpo ti nabum bu.

1 Jɔnn 3:24

Ban chee U siimin be U ban le, le U mu be nin bi. Ni nan le che ti biɛr ke U be nin ti: Kinaaŋ kan wee U sei ti nbu le che ti nyi.

Juud 1:21

Ni li ŋmag niba Uwonbɔr a jiɛmin yaan na, ki li guu Uyudaau Yisa Masiya a nyunyunbasanl lan na yin ta ni ki kɔɔ limiɛfol lan kaa jɔɔ ndiɛmin yaan.