2 Korenti 11:3 - UWONBƆR A GBƆNPƆŊ LIKƆƆNL

³ Amaa nlam yugir nim bu, nan bu-n n nyi bininfob kaah li dan ki nan lar ni ki ŋmarin ni potiɛri, ki ke ni laa ji nɔɔ Yisa nbamɔmi, a li ke uwaa kaah nan lar Iif man nin.

Uwumbɔr aagbaŋ

³ M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

2 Korenti 11:3 ပူးပေါင်းရင်းမြစ်များ

Matiu 24:24

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Jɔnn 8:44

Ni ye ni baa, ulinlaril, a buwaab le, ki ban ni li ŋaan ni baa kaah ban man. U pii nan ye uninfokur le npiinimin, kaa ŋmag ibamɔn ni, nan bu-n ibamɔn kaa be u ban ni. U nan por tibɔkar ke, u pag u bol a leen le, nan bu-n u ye tibɔkar daan le ki ji ye tibɔkar a baa.

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 11:20

Ni jɔɔ limɔril nin uba kaah ta ni ki ŋa u yomi, bee ki pen ni bee ki ŋalig ni, bee ki yin ni yɔli, bee ki pebir ni ntapam!

2 Korenti 11:29

Ŋma gbarig, wee min kaa gbarigaa? Ŋma wee bi che u kɔɔ tibirin, wee n sufu kaa gaan nŋmi?

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

Galantiya 1:6

Ni garim pam nin naah labir weem ki jiɛn Uwonbɔr wan yin ni Masiya a nyunyunbasanl bu-n wee ki labir nɔɔ tibɔr tan be ti binba nmɔn,

Galantiya 2:4

Tibɔr nmɔn nan nyan nnabum man por tibɔkar tenn bi ba ke bi mu ye Yisa a bɔɔnɔɔbin le, bi nan be ti sisiigin le ki pigir ti ki ban bin biɛ taah gaa ti ba Masiya bu man wee ki ŋa ti nsiim a yomi.

Galantiya 3:1

Nim Galantiya yaab, tijɔri nan! Unyɔgdaan u la baa ŋmarin ni sufuu? Yisa Masiya a kum lidapunpunlin bu a bɔr nan kar ki wɔɔn ni npaan nin ni tɔɔl a numin.

Galantiya 4:11

N san ni bijawaam le, maah tun nan ki jiin ni paamin nan gab yɔli bu.

Efesusi 4:14

Taa ji yin ye nbuwaab tirimi, wee bilinlarib a wɔɔnimin li jɔɔ ti ki yeŋ ke kubulunkpoŋ kan wee kunyungbɔŋ daar ki yeŋ chaa kaah ban nan paami.

Efesusi 4:22

Bi nan wɔɔn ni, ki jiin ni binben kpegimin paam ke, ni nya ni binben kpegimin yaan na, mi ye kɔlisa birug kan lar ni le;

Efesusi 6:24

Uwonbɔr a nyunyunbasanl li be ban biɛn jiɛ ti Yudaau Yisa Masiya nin njiɛm man kaa jɔɔ diɛmin.

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

Kolosiya 2:4

N bei ni ni niɛ le, ni laa che uba n ta limɔkpel lan nann ibamɔn nin ki lar ni.

Kolosiya 2:8

Ni laa che uba n ta uninfosaal a biɛm man kaa jɔɔ nyɔɔrin ki lar ni kɔɔn tiyomirin ni, ni ma nyan bininfob a kaalin le nin kutingbɔŋ nan a maabiyiɛrugin, naa nyan Yisa ban ni.

1 Tesalonika 3:5

Ni ma bu ni che maah kaa ji nan na li fir ŋmag n ba-n, le n nan tun ke bin nan lig ni yada kaah si man. N nan san bijawaam le ke, nba ke ulinlaril n par lar ni wee ti yaa baginn n gab yɔli.

1 Timoti 1:3

Ke maah pii nan beiŋ man n-yonn man wee n nan jon Masedoniya-n, li be Efesusi wee ki che bininfob bibam nlaa ji wɔɔn tibɔkari,

1 Timoti 2:14

Naa ye Adam le Sintani nan lari, upii le Sintani nan lar le u labir tibirdaan.

2 Timoti 3:13

le tininfobir nin bilinlarib a toonbir li mann kpiɛ, le bin lar bitab le bi tab mu nlar bi.

Taitus 1:10

Nan bu-n, limɔyiil a ninfob yaba, ban pag yɔli yɔli nin kularug a ninfob, nin ban jann nɔɔ lipunjiil a kaalin.

Hiibru Yaab 13:9

Ni laa che nwɔɔncham nan a booli biɛn nboon ni. Ni ŋan nin ti sufu n kan npɔɔn Uwonbɔr a nyunyunbasanlin bu, naa ye ikaal a jiir tan kaa ter ban ji ti nni.

2 Piita 3:17

Mambu, n jɔtiib, naah pii nyi ni niɛ nan bu nan, ni li guu niba wee ki laa che ban kaa jɔɔ nsiim nan nlar ni ki kɔɔn kulɔŋ wee ni lu ni sisibol ŋanlin ni.

2 Piita 3:3

Chinchinn, ni kpaa le nin ni li nyi ke idajoorikaa-n bininfob ban yɔɔlin na li dan, ki ta bi yɔɔlim nmɔn ki nɔɔ bitɔɔl a gbanann a kɔlisa birugin.

1 Jɔnn 2:18

N bijiɛkaam, iyoo yan joor sɔ, ke naah pii gbir ke Masiya a dataag chaan nin, hali daandaan nan gbaa Yisa a dataam takpem dan na. Mambu le ti biɛ ke ni ye iyoo joor kaa le.

1 Jɔnn 4:1

N jɔtiib ni laa ŋa kinaaŋ biɛn yada, amaa ni mag kinaaŋ biɛn njee ki nyan Uwonbɔr ban na, nan bu-n tibɔkar a linlem takpem dan dulinya nan yaan na.

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.

Tibɔkpiirkaan 12:15

Le uwaa nmɔn nan sii nnyum u mɔnn a li ke nkpenn a nyumin, ke nnyum nmɔn npuu ki tan ta upii nmɔn.

Tibɔkpiirkaan 12:9

Le bi nyan kutunwiɛŋ takpeŋ nmɔn gab, u pii ye uwaa wan nan be le yaayoo-n, wee bi yi u ke ulinlaril bee Sintani, wan liir dulinya yaab a sam ki che bi borin, le bi nyan uma nin u malakam ki gabin dulinya nan yaan.

Tibɔkpiirkaan 20:2

Le u nan choo kutunwiɛŋ nmɔn, wan nan ye yaaja yoo a waau, ki ye ulinlaril bee Sintani, ki lol u bil ibin turilin.