2 Korenti 11:26 - UWONBƆR A GBƆNPƆŊ LIKƆƆNL

²⁶ N sanchonl a poolin, n nan ti ga kininbɔŋ ikpen ni, ki ji ga kininbɔŋ bininfob ban feen ban, nin n tɔɔl a tiŋ a ninfob ban, nin ban kaa ye Juu yaab ban, ki ji ga kininbɔŋ ntintakpemin, nin itindoo-n nin imɔgin nin n nabum ban choon ki larin ban.

Uwumbɔr aagbaŋ

²⁶ M nan chuun ŋisachun n‑yoonn mɔmɔk, ki kani linimaln nnyun ni, le ki kani linimaln bififiirb chee, le ki kani linimaln maanib Juu yaab chee, le ki kani linimaln binib bi kaa ye Juu yaab na chee, le ki kani linimaln ntim ponn ni, ni kipɔɔk ni, ni nnyusakpem ni, le ki kani linimaln binib bi ŋmann ke bi ye Yesu Kristo aanib na chee.

2 Korenti 11:26 ပူးပေါင်းရင်းမြစ်များ

Lituln 13:45

Juu yaab kaah nan kan kuninfogbaluŋin le ni ŋa bi lipiiponl, le bi pag bii Pɔɔl a wɔɔmin.

Lituln 13:50

Amaa le Juu yaab fiin bipiib ban ye biwonsam ki ye biyudam nin kitiŋ nmɔn a yudam. Le bi mugir Pɔɔl nin Banabasi ki ŋɔɔr bi ki nyan bi tiŋin.

Lituln 14:19

Le Juu yaab biba nyan Antiɛg kan be Pisidiya a tiŋin, nin Ikoniɛm a tiŋin, ki dan ki nan pag ki sei kuninfogbaluŋin ki bii Pɔɔl nin Banabasi. Le bi gabir Pɔɔl itangbag ki fuul u nyan kitiŋ nmɔn a gbaam, ki tan gab ki nyi ke u kpo le.

Lituln 14:5

Le Juu yaab nin ban kaa ye Juu yaabin, nin bi tiŋ nmɔn a yudam lagin tab, ki lol ke bin jin itoon nin fala ki gabir bi itangbag.

Lituln 15:40

Amaa le Pɔɔl mu gann Silasi. Le biwonjiɛmin ta bi ki ŋa Uwonbɔr a nyunyunbasanlin le bi jon.

Lituln 17:13

Juu yaab ban be Tesalonika nan kaah gbir ke Pɔɔl be mɔɔn Uwonbɔr a bɔr le Beriya a tiŋin nin, le bi tɔɔl jon niin ki tan pag ki bii Pɔɔl, ki fiin kuninfogbaluŋin a ŋuui, ke bin ŋɔɔr wa.

Lituln 17:5

Amaa Juu yaabin nan ŋa u lipiiponl le; ki jin ki lagin kinyaŋ a ninfobir, ki nan mug kitiŋ nmɔn yaan nin tifur, ki tan leg Jasonn a niin, ki ban Pɔɔl nin Silasi, ke bin nyan bi dan kuninfogbaluŋin ban.

Lituln 18:12

N-yonn man wee Galio nan ye Akaya a tingbɔŋ a bɔr yudaau win, le Juu yaab nan lagin tab ki tan leg Pɔɔl, ki ta u jon bibɔjib ban.

Lituln 19:1

Apolosi kaah la na be Korenti nan, le Pɔɔl nan nyan niin ki nɔɔ kisanbig ki jon Efesusi. Nin yaan le u kan biwonjiɛm biba,

Lituln 19:23

Iyaayoo nmɔn le Efesusi yaab nan gaa tijar ki jiin Uyudaan Yisa a samin paam.

Lituln 20:19

N tun Uwonbɔr a toon le nin jiininba takpem nin tinyinyinn, nin nima biɛn ni n kan limagil takpem Juu yaab ban na.

Lituln 20:3

ki be niin iŋmal itaa. U nan ŋa u sili le ke un jo Siriya, amaa le ki gbir ke Juu yaab lolig nlolbirim le u bu, le u lol ke, un jir nɔɔ Masedoniya paam le.

Lituln 23:10

Le limɔkpel nmɔn nan fii takpem, hali ke bijawaam nan choo bitɔtogib a yudaau, u nan nyi ke bin yin choo Pɔɔl dar bɔgir le. Mambu le u sei bimɔb ke bitɔtogibin tan nyan Pɔɔl npɔɔn bi ban ni wee ki nan ta u ŋa bi niin na.

Lituln 25:3

Le ki balin Fetusi nin linunmanl ke un chee ki tun baah ban man nin sei ba wee ki nyan Pɔɔl Sizariya a tiŋin ki ta u dan Jerusalam, amaa bi nan ban bin woon ku Pɔɔl le nsann.

Lituln 27:42

Le bitɔtogibin nan ban bin ku ban wee bi nan ta ŋa kuloondiigin nin biɛn, ke ni ba ke bi ni uba n nan wo nnyum do ki guun ŋmar.

Rom Yaab 15:19

Le ni ma ye siɛra nin ligaril a toon a pɔɔm nin Kinaaŋin a pɔɔmin. Ni bu naah nyan Jerusalam ki tan kpaa Dalimasiya a yerin, n mɔɔn Masiya a bɔŋann nin ki diɛ niin na.

Rom Yaab 8:35

Ŋma li fir bɔgir ti nyan Masiya a jiɛm nan yaan naa? Tibɔmugkaar bee nton bee limugil bee nkom bee nnan bee kidaŋ bee bitɔb a jugaa?

1 Korenti 15:30

Ke babu wee ti le be kininbɔŋin iyoo biɛn naa?

1 Korenti 15:32

Ke ni ye n kɔn Efesusi a tiŋ a ninfob ban nann kulɔŋ a wankorin bininfob a potiɛri bu ke, ba a nyɔɔr wee n kan naa? Ni ye nkum a fiim kaa be ke, “Ni che ti ji ki nyu, wee won ke ti won kpo.”

2 Korenti 11:32

Maah nan be Damasiko a tiŋin n-yonn man ni, ubɔr Aritasi a bɔrbig nan ban un choom le ki nan che bitɔtogib si kitiŋ nmɔn a timansanmɔnn ki guu ke bin choom.

Galantiya 2:4

Tibɔr nmɔn nan nyan nnabum man por tibɔkar tenn bi ba ke bi mu ye Yisa a bɔɔnɔɔbin le, bi nan be ti sisiigin le ki pigir ti ki ban bin biɛ taah gaa ti ba Masiya bu man wee ki ŋa ti nsiim a yomi.